କଟକ ୧୧|୯: ଚୋରକୁ ଧରି ନିର୍ଧୂମ ଛେଚିଲେ ଗାଁ ଲୋକ । ଗତ କାଲି ବିଳମ୍ବିତ ରାତିରେ କଟକ ଜିଲ୍ଲା ଗୌଡଗୋପ ବଜାରରେ ଥିବା ବୈରାଗୀ ସାମଲଙ୍କ ତେଜରାତି ଦୋକାନରେ ଚୋରି କରୁଥିଲେ ଦୁଇ ଚୋର। ଦୋକାନ ମାଲିକ ଚୋରି ହେଉଥିବା ଜାଣିପାରି ବାହାରୁ କବାଟ ଦେଇ ଗାଁ ଲୋକଙ୍କୁ ଡାକିଥିଲେ । ଏ ଭିତରେ ବାହାରେ ଜଗିଥିବା ଆଉ କିଛି ଚୋର ବୋଲେରୋରେ ଖସି ପଳାଇ ଯାଇଥିଲେ । ତେବେ ଦୋକାନ ଭିତରେ ରହି ଯାଇଥିବା ଦୁଇ ଚୋରକୁ ଧରି ଗାଁ ଲୋକେ ନିର୍ଧୂମ ଛେଚିବା ସହ ପୋଲିସ ଜିମା ଦେଇଥିଲେ । ଘଟଣାସ୍ଥଳରେ ମାହାଙ୍ଗା ପୋଲିସ ପହଞ୍ଚି ଘଟଣାର ତଦନ୍ତ କରୁଛି ।