Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

ବେଙ୍ଗାଲୁରୁରେ ବିସ୍ଫୋରଣ ପରେ ଆଜି ବିଶାଖାପାଟଣାରେ ଧୂଆଁ, ଲୋକେ ଆତଙ୍କିତ

21/05/2020 at 7:51 PM

ବିଶାଖାପାଟଣା ୨୧।୫:  କର୍ଣ୍ଣାଟକ ରାଜଧାନୀ ବେଙ୍ଗାଲୁରରେ ବୁଧବାର ମଧ୍ୟାହ୍ନର ବିସ୍ଫୋରଣ ନେଇ ଚର୍ଚ୍ଚା ଏଯାଏଁ ଥମିନି। ଏଥିରେ ଗୁରୁବାର ଆନ୍ଧ୍ରପ୍ରଦେଶ ବିଶାଖାପାଟଣାସ୍ଥିତ ହିନ୍ଦୁସ୍ତାନ ପେଟ୍ରୋଲିୟମ କର୍ପୋରେସନ (ଏଚପିସିଏଲ)ର ତୈଳ ସୋଧନାଗାରରୁ ଧୂଆଁ ବାହାରି ଅଞ୍ଚଳ ରୁନ୍ଧିବା ଲୋକଙ୍କୁ ଆତଙ୍କିତ କରିଛି। ତେବେ ତାପମାତ୍ରା ବୃଦ୍ଧି ଯୋଗୁ ବୈଷୟିକ ତ୍ରୁଟି କାରଣରୁ ଏପରି ପରିସ୍ଥିତି ଉପୁଜିଥିବା ଏଚପିସିଏଲ ଅଧିକାରୀମାନେ କହିଛନ୍ତି।

ଅତ୍ୟଧିକ ଗ୍ରୀଷ୍ମପ୍ରବାହ ଏବେ ଆନ୍ଧ୍ରପ୍ରଦେଶର ଜନଜୀବନକୁ ଗୁରୁତର ପ୍ରଭାବିତ କରିଛି। ଏଥିରେ ଗୁରୁବାର ମଧ୍ୟାହ୍ନରେ ଅଚାନ ଏଚପିସିଏଲ ସୋଧନାଗାର ଚିମନିରୁ ପ୍ରଚୁର ଧୂଆଁ ବାହାରି ସମଗ୍ର ଅଞ୍ଚଳକୁ ଛାଇଦେଇଥିଲା। ଲୋକେ ଆତଙ୍କିତ ହୋଇ ଘରୁ ବାହାରକୁ ପଳାଇ ଆସିଥିବା ବେଳେ ପୋଲିସ ଓ ଦମକଳ ମଧ୍ୟ ଘଟଣାସ୍ଥଳରେ ପହଞ୍ଚିଥିଲେ। ତେବେ ଅତ୍ୟାଧିକ ଗରମ ଯୋଗୁ ଏପରି ହୋଇଥିବା ଏଚପିସିଏଲ ଅଧିକାରୀ ବୁଝାସୁଝା କରି ଦମକଳ ଓ ପୋଲିସକୁ ଫେରାଇଥିଲେ। କିଛି ସମୟ ପରେ ପରିସ୍ଥିତି ପୁଣି ସ୍ୱଭାବିକ ହୋଇଥିଲା।

କିଛିଦିନ ପୂର୍ବରୁ ବିଶାଖାପାଟଣା ବାହ୍ୟ ଅଞ୍ଚଳରେ ଥିବା ଏଲଜି ପଲିମର ପରିସରରୁ ବିଷାକ୍ତ ଷ୍ଟାଇରିନ୍ ଗ୍ୟାସ ଲିକ୍‌ କରିଥିଲା। ଫଳରେ ଅନେକ ଲୋକେ ଅସୁସ୍ଥ ହୋଇପଡିଥିବା ବେଳେ କେତେକଙ୍କର ମୃତ୍ୟୁ ହୋଇଥିଲା। ଏଥିରେ ଏଚପିସିଏଲର ଘଟଣାରେ ଲୋକେ ଅତ୍ୟାଧିକ ଆତଙ୍କିତ ହୋଇପଡିଥିବା ଦେଖାଯାଇଥିଲା। ତେବେ ଧୂଆଁ ଯୋଗୁ କେହି ଅସୁସ୍ଥ ହୋଇଥିବାର ଖବର ନଥିବା ସ୍ଥାନୀୟ ପୋଲିସ କହିଛି।

   Related Posts