Wednesday, September 18, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସକାଳେ ଉଠିବା ପରେ ତୁରନ୍ତ କରନ୍ତୁ ନାହିଁ ଏହି ୩ଟି କାମ, ଶରୀର ହୋଇପାରେ ଦୁର୍ବଳ

ଆଜିକାଲି ଲୋକଙ୍କର କିଛିଟା ଖରାପ ଅଭ୍ୟାସ ପାଇଁ ଶରୀର ସୁସ୍ଥ ହେବା ବଦଳରେ ଅସୁସ୍ଥ ହୋଇଥାଏ। ଏହି ଅଭ୍ୟାସ ସ୍ବାସ୍ଥ୍ୟ ଉପରେ ଖରାପ ପ୍ରଭାବ ପକାଏ। ତେବେ ଜାଣନ୍ତୁ ଏହି ୩ଟି ଜିନିଷ ବିଷୟରେ ଯାହା ସକାଳେ ଉଠିବା ପରେ ତୁରନ୍ତ କରିବା ଅନୁଚିତ୍‌।

ସକାଳେ ଉଠିବା ପରେ ଆମ  ଆଖିର ସ୍ଥିତି ଅତ୍ୟନ୍ତ କୋମଳ ଥାଏ। ଅନେକେ ସକାଳେ ଉଠି ପ୍ରଥମେ ନିଜ ସ୍ମାର୍ଟଫୋନ ଦେଖନ୍ତି। ପ୍ରଥମେ ଉଠି ଫେସବୁକ୍‌, ହ୍ବାଟ୍‌ସଆପ, ୟୁଟ୍ୟୁବ୍‌ ଭଳି ଆପ୍‌ ଚେକ୍‌ କରିବା ଅନେକ ଲୋକଙ୍କ ଅଭ୍ୟାସ ଥାଏ। ତେବେ ଏହାର ପ୍ରଭାବ ଆଖି ଉପରେ ପଡେ। ସକାଳେ ଉଠି ପ୍ରଥମେ ଫୋନ୍‌ ଦେଖିଲେ ଆଖିର ରଶ୍ମୀ ଦୁର୍ବଳ କରିଦିଏ। ତେଣୁ ସକାଳେ ଉଠି ପ୍ରଥମେ ଫୋନ୍‌ ଚଲାଇବା ଅନୁଚିତ୍‌।

ଅନେକେ ସକାଳେ ଉଠି ପ୍ରଥମେ ସ୍ନାନ କରିବା ପସନ୍ଦ କରନ୍ତି। ଏହି ଅଭ୍ୟାସ ବହୁତ ଭଲ କାରଣ ଏହା ଶରୀର ପାଇଁ ଲାଭଦାୟକ ହୋଇଥାଏ। କିନ୍ତୁ ସକାଳେ ଉଠି ତୁରନ୍ତ ସ୍ନାନ ନକରି ୧୫-୨୦ ମିନିଟ୍‌ ପରେ ସ୍ନାନ କରିବା ଉଚିତ୍‌। ସକାଳେ ଥଣ୍ଡା ପାଣିରେ ସ୍ନାନ କଲେ ଶରୀର ସୁସ୍ଥ ରହେ। ଗରମ ପାଣିରେ ଗାଧୋଇଲେ ଶରୀର ପାଇଁ କୌଣସି ଲାଭ ହୋଇନଥାଏ। ବରଂ ଏହା ଶରୀରକୁ ଦୁର୍ବଳ କରାଏ ଓ ଦିନ ସାରା ବ୍ୟକ୍ତି ଅଳସୁଆ ହୋଇ ରହେ। କାମରେ କୌଣସି ଚଞ୍ଚଳତା ରହେ ନାହିଁ।

wallup.net

ସାଧାରଣତଃ ଅଧିକାଂଶ ଲୋକେ ସକାଳେ ଉଠି ଚା’ ପିଇବା ପସନ୍ଦ କରନ୍ତି। କିନ୍ତୁ ଖାଲି ପେଟରେ ଚା’ ପିଇବା ଅନୁଚିତ୍‌। ଏହା ସ୍ବାସ୍ଥ୍ୟ ପାଇଁ କ୍ଷତିକାରକ ହୋଇଥାଏ।  ପ୍ରତିଦିନ ସକାଳେ ଉଠି ପ୍ରଥମେ ଗୋଟେ ଗ୍ଲାସ ପାଣି ପିଇବା ଜରୁରୀ। ପାଣି ପିଇବା ପରେ ଅନ୍ୟ ଜିନିଷର ସେବନ କରିବା ସ୍ବାସ୍ଥ୍ୟ ପାଇଁ ଲାଭଦାୟକ ହୋଇଥାଏ।

1848 Views

   ସମ୍ବନ୍ଧିତ ଖବର