ଭୁବନେଶ୍ୱର ୧୮/୦୨ : ଗୋଟିଏ କପ୍ କଡା ଚା’ ମନକୁ ଶାନ୍ତି ଦେଇଥାଏ ସତ କିନ୍ତୁ ସ୍ୱାସ୍ଥ୍ୟ ପ୍ରତି କ୍ଷତିକାରକ ହୋଇଥାଏ । ବାସ୍ତବରେ, କିଛି ଲୋକ ଚା’ ପିଇବା ପରେ ଶୋଷିଲା ଅନୁଭବ କରିଥାନ୍ତି, ଏବଂ ସେମାନେ ତୁରନ୍ତ ପାଣି ପିଇଦେଇଥାନ୍ତି । କିନ୍ତୁ ଗରମ ଚା’ ଏବଂ ଥଣ୍ଡା ପାଣିର ମିଶ୍ରଣ କେବଳ ଦାନ୍ତ ପାଇଁ ନୁହେଁ ବରଂ ପେଟ ପାଇଁ ମଧ୍ୟ କ୍ଷତିକାରକ ହୋଇଥାଏ । ଆସନ୍ତୁ ଜାଣିବା ଗରମ ଚା’ ପରେ ଥଣ୍ଡା ପାଣି ପିଇବା ସ୍ବାସ୍ଥ୍ୟ ଉପରେ କଣ ପ୍ରଭାବ ପକାଇଥାଏ ।

ବିଶେଷଜ୍ଞଙ୍କ କହିବା ଅନୁଯାୟୀ, ଏକ କପ୍ ଚାରେ ପ୍ରାୟ ୫୦ ମିଲି ଗ୍ରାମ କ୍ୟାଫେନ୍ ଥାଏ, ଯାହା ଡାଇୟୁରେଟିକ୍ ଭାବରେ କାର୍ଯ୍ୟ କରିଥାଏ । ଏହାଦ୍ୱାରା ଶୀଘ୍ର ପରିସ୍ରା ଲାଗିବା ସହିତ ଶୋଷ ମଧ୍ୟ ଲାଗିଥାଏ । ଅତ୍ୟଧିକ ଡାଇୟୁରେସିସ୍ କାରଣରୁ ଶରୀରରେ ଜଳର ଅଭାବ ଦେଖାଯାଇଥାଏ, ଯାହା ସ୍ୱାସ୍ଥ୍ୟ ପାଇଁ ହାନୀକାରକ ହୋଇଥାଏ ।

ଚା ’ ପିଇବାର କେତେ ସମୟ ପରେ ପାଣି ପିଇବା ଉଚିତ୍

ଚା’ କିମ୍ବା କୌଣସି ଗରମ ପଦାର୍ଥ ପିଇବା ପରେ ତୁରନ୍ତ ପାଣି ପିଇବା ଉଚିତ୍ ନୁହେଁ । ଏହି ଅଭ୍ୟାସ କ୍ଷତି ପହଞ୍ଚାଇଥାଏ । ସାଧାରଣତଃ ଗରମ ପାନୀୟ ପିଇବା ପରେ ଅତି କମରେ ୧୫-୨୦ ମିନିଟ୍ ପରେ ପାଣି ପିଇବା ଉଚିତ୍ । ଏଥିସହ ଦିନସାରା ୨-୩ କପରୁ ଅଧିକ ଚା’ ପିଅନ୍ତୁ ନାହିଁ ।

ଚା’ ପିଇବା ପରେ ପାଣି ପିଇବା ଦ୍ୱାରା ଏହି କ୍ଷତି ହୋଇପାରେ :

ଦାନ୍ତ ସମସ୍ୟା :

ଗରମ ଚା’ ଏବଂ ଥଣ୍ଡା ପାଣି ପାଇବା ଦ୍ୱାରା ଦାନ୍ତରେ ଯନ୍ତ୍ରଣା ଦେଖାଦେଇଥାଏ । ବାସ୍ତବରେ, ଏପରି କରିବା ହଠାତ୍ ପାଟିର ତାପମାତ୍ରାକୁ ବଦଳାଇ ଦାନ୍ତର ସ୍ନାୟୁ ଏବଂ ଉପର ସ୍ତରର ଏନାମେଲ୍ ଉପରେ ପ୍ରଭାବ ପକାଇଥାଏ । ଏଥିରେ ଦାନ୍ତରେ ସେନସିଭିଟି ବଢିଯାଇଥାଏ, ଯାହାଦ୍ୱାରା ଥଣ୍ଡା-ଗରମ ଅନୁଭବ ହେବାର ସମସ୍ୟା ଦେଖାଦେଇଥାଏ ।

{"id":410886,"sizeSlug":"large","linkDestination":"none"}

ପେଟ ଘା’ :

ଏହା କରିବା ଦ୍ୱାରା ପେଟରେ ଅଲସର ଏବଂ ପାଣି ଭରିବାର ସମ୍ଭାବନା ମଧ୍ୟ ବଢିଯାଇଥାଏ । ଏଥିସହିତ ପେଟରେ ଯନ୍ତ୍ରଣା, ଅମ୍ଳତା, କୋଷ୍ଠକାଠିନ୍ୟ ଏବଂ ପେଟରେ ଅନ୍ୟାନ୍ୟ ସମସ୍ୟା ଦେଖାଦେଇଥାଏ । 

ନାକରୁ ରକ୍ତ ବାହାରିବା :

ଚା’ ପରେ ତୁରନ୍ତ ପାଣି ପିଇବା ଦ୍ୱାରା ନାକରୁ ରକ୍ତସ୍ରାବ ମଧ୍ୟ ହୋଇଥାଏ । ଏହି କାରଣରୁ ଆପଣଙ୍କୁ ଆହୁରି ଅନେକ ସମସ୍ୟାର ସମ୍ମୁଖୀନ ହେବାକୁ ପଡିଥାଏ।

ଥଣ୍ଡା କାଶ :

ଗରମ ଏବଂ ଥଣ୍ଡାର ମିଶ୍ରଣ ଆପଣଙ୍କୁ ଥଣ୍ଡା, କାଶ ଭଳି ସମସ୍ୟା ମଧ୍ୟ ସୃଷ୍ଟି କରିଥାଏ । ଏକା ସମୟରେ, ଗରମ ଏବଂ ଥଣ୍ଡା ପାନୀୟ ଗ୍ରହଣ କରିବା ଦ୍ୱାରା ଗଳା ମଧ୍ୟ ବସିଯାଇଥାଏ ।

ହୃଦଘାତ :

ଅନୁସନ୍ଧାନ ଅନୁଯାୟୀ, ଗରମ ଚା’ ପରେ ଥଣ୍ଡା କିମ୍ବା ଫ୍ରିଜ୍ ପାଣି ପିଇବା ଦ୍ୱାରା ହୃଦଘାତ ହେବାର ଆଶଙ୍କା ମଧ୍ୟ ବଢିଥାଏ । ଏହା ବ୍ୟତୀତ, ଶକ୍ତିଶାଳୀ ସୂର୍ଯ୍ୟ କିରଣରୁ କେବେବି ଏସି ଭିତରକୁ ଯିବା ଉଚିତ୍ ନୁହେଁ । ଏହାଦ୍ୱାରା ହୃଦଘାତ ହେବାର ଆଶଙ୍କା ମଧ୍ୟ ରହିଥାଏ ।

{"id":410888,"sizeSlug":"large","linkDestination":"none"}

ଚା’ ପୂର୍ବରୁ ପାଣି ପିଅନ୍ତୁ :

ଚା ପିଇବାର ୧୫ କିମ୍ବା ୩୦ମିନିଟ୍ ପୂର୍ବରୁ ପାଣି ପିଇବା  ଉଚିତ୍ । ବାସ୍ତବରେ, ଚା’ ଏବଂ କଫି ପୂର୍ବରୁ ୧ ଗ୍ଲାସ୍ ପାଣି ପିଇବା ଦ୍ୱାରା, ଶରୀରରେ ଏସିଡ୍ ପରିମାଣ କମିଯାଇଥାଏ । ଏହା ଦ୍ୱାରା ପେଟରେ ଗ୍ୟାସ୍, ଏସିଡିଟି, କ୍ୟାନସର୍ ଏବଂ ଅଲସର୍ ର ଭୟ ରହିନଥାଏ ।