Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଦିନକରେ ସୁସ୍ଥ ହେଲେ ୩୪୮୬ କରୋନା ଆକ୍ରାନ୍ତ , ଖୋର୍ଦ୍ଧାରୁ ସର୍ବାଧିକ ୫୪୧ ଡିସଚାର୍ଜ
  • ||
  • ମିଶନ କାଶ୍ମୀର ଉପରେ ୧୪ ନେତାଙ୍କ ସହ ପିଏମ ମୋଦୀଙ୍କ ମହାବୈଠକ ଶେଷ
  • ||
  • ବରି​‌ଷ୍ଠ ଆଇପିଏସ୍‌ ସ୍ତରରେ ଅଦଳବଦଳ
  • ||
  • ଦ୍ବାଦଶ ଶ୍ରେଣୀ ପରୀକ୍ଷା: ୩୧ ଜୁଲାଇ ସୁଦ୍ଧା ରେଜଲ୍ଟ ପ୍ରକାଶ କରିବାକୁ ରାଜ୍ୟକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ
  • ||
  • ରାଇରଙ୍ଗପୁର : ଅଣ୍ଡା ବଣ୍ଟନରେ ପାତର ଅନ୍ତର, ଅଭିଯୋଗ କଲେ ନାଁ କାଟିଦେବାକୁ ଅଙ୍ଗନବାଡି ଦିଦି ଦେଉଛନ୍ତି ଧମକ
  • ||
  • ସାଲେପୁର : ନଦୀ ପଠାରେ ପଡିଛି ଅଜଣା ଯୁବକଙ୍କ ମୃତଦେହ, କାରଣ ଅସ୍ପଷ୍ଟ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ
  • ||
  • ଆଜି ୧୦ ଜିଲ୍ଲାରେ ଅତିପ୍ରବଳ ବର୍ଷା ସମ୍ଭାବନା, ୨୭ ଯାଏଁ ଛେଚିବ
  • ||
  • ହ୍ରାସ ପରେ ପୁଣି ବଢୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୬୫୦ କୋଭିଡ୍ ପଜିଟିଭ୍ ଚିହ୍ନଟ
  • ||

ଏମାନଙ୍କୁ ମାଗଣାରେ ମିଳିବ ଜିଓ ସିମ୍, ଅସୀମିତ ଡାଟା ସହ କଲିଂ ମଧ୍ୟ ମାଗଣା

12/01/2019 at 11:54 AM

ନୂଆଦିଲ୍ଲୀ ୧୨|୧: ୨୦୧୬ରୁ ଯେବେଠାରୁ ରିଲାଏନ୍ସ ଜିଓ ତାର ୪-ଜି ସେବା ଆରମ୍ଭ କରିଛି ସେବେଠାରୁ ଚର୍ଚ୍ଚାରେ ରହିଛି । କେତେବେଳେ କମ୍ପାନୀ ତାର ବିଶେଷତ୍ବ ପାଇଁ ତ କେତେବେଳେ ତାର ଆକର୍ଷଣୀୟ ଅଫର ପାଇଁ ଚର୍ଚ୍ଚାରେ ରହିଆସିଛି । ବର୍ତ୍ତମାନ ରିଲାଏନ୍ସ ଜିଓକୁ ନେଇ ଏକ ବଡ ଖବର ନଜରକୁ ଆସିଛି ।

ଏବେ ରିଲାଏନ୍ସ ଜିଓ ସହ ଭାରତୀୟ ରେଳ ବିଭାଗ ଚୁକ୍ତି କରିଛି । ଏହି ଚୁକ୍ତି ଆଗରୁ ଭାରତୀ ଏୟାରଟେଲ୍ ପାଖରେ ଥିଲା । ଚୁକ୍ତି ଅନୁସାରେ ଯେଉଁମାନେ ରେଳ ବିଭାଗରେ କାର୍ଯ୍ୟରତ ଅଛନ୍ତି ସେମାନଙ୍କୁ ରିଲାଏନ୍ସ ଜିଓର ନୂଆ ସିମ୍ ଦିଆଯାଉଛି । ରିଲାଏନ୍ସ ଜିଓ ଏବଂ ରେଳ ବିଭାଗର ଏହି ଚୁକ୍ତି ଅନୁସାରେ ରେଳ ବିଭାଗର ଫୋନ୍ ବିଲ୍ ରେ ପାଖାପାଖି ୩୫ପ୍ରତିଶତ କମ୍ ରହିବ । ଏହି ବିଲ୍ ରେଳ ବିଭାଗର କର୍ମଚାରୀଙ୍କୁ ନୁହେଁ ବରଂ ଭାରତୀୟ ରେଳ ବିଭାଗକୁ ଭରଣା କରିବାକୁ ପଡିଥାଏ । ଏଥିପାଇଁ ଏହା କହିବା ଭୁଲ୍ ହେବ ନାହିଁ ଯେ ଏହି ଚୁକ୍ତି ଅନୁସାରେ ଭାରତୀୟ ରେଳ ବିଭାଗକୁ କୋଟି କୋଟି ଟଙ୍କାର ଲାଭ ମିଳିବ ।

ଭାରତୀୟ ରେଳ ବିଭାଗ ଓ ରେଲଟେଲ ମଧ୍ୟରେ ଚୁକ୍ତି ଅବଧି ସରିଥିବାରୁ ଏବେ ରେଳ କର୍ମଚାରୀଙ୍କୁ ନୂଆ ସିୟୁଜି ପ୍ରଦାନ କରାଯିବ । ଏହି ଚୁକ୍ତି ଅନୁସାରେ ରେଳ ବିଭାଗରେ କାମ କରୁଥିବା କର୍ମଚାରୀଙ୍କୁ ନୂଆ ରିଲାଏନ୍ସ ଜିଓର କନେକସନ ଦିଆଯାଉଛି । ଏହି ନୂଆ କନେକସନରେ କର୍ମଚାରୀମାନଙ୍କୁ ପ୍ରତି ବର୍ଷ ହାଇ-ସ୍ପିଡ୍ ଡାଟା ସହ ଅସୀମିତ କଲ୍ ର ମଧ୍ୟ ସୁବିଧା ଦିଆଯାଉଛି । ୨୦୧୯ ପୂର୍ବରୁ ଗତ ୬ବର୍ଷରୁ ଭାରତୀୟ ରେଳ ବିଭାଗ ତାର କର୍ମଚାରୀମାନଙ୍କ ପାଇଁ ଭାରତୀ ଏୟାରଟେଲରୁ ସେବା ନେଉଥିଲା । ଯେଉଁ ଚୁକ୍ତି ୩୧ଡିସେମ୍ବର ୨୦୧୮ରେ ଶେଷ ହୋଇଯାଇଛି ।

ସେହି ସମୟରେ ଭାରତୀୟ ରେଳ ବିଭାଗ ତାର ୧.୯୨ ଲକ୍ଷ କର୍ମଚାରୀଙ୍କୁ ମୋବାଇଲ କନେକସନ ସହ ରଖିଛି ଯାହାର ବାର୍ଷିକ ବିଲ୍ ପାଖାପାଖି ୧୦୦କୋଟି ଟଙ୍କା ଆସିଥାଏ । ଏବେ ରିଲାଏନ୍ସ ଜିଓ ଭାରତୀୟ ରେଳ ବିଭାଗକୁ ୩ପ୍ରକାରର ପ୍ଲାନ୍ ଦେଉଛି । ଯାହାକୁ ଭାରତୀୟ ରେଳ ବିଭାଗ ତାର କର୍ମଚାରୀଙ୍କ ଶ୍ରେଣୀ ଅନୁସାରେ ବାଣ୍ଟି ଦେଇଛି । ପ୍ରଥମ ଶ୍ରେଣୀ ବରିଷ୍ଠ ଅଧିକାରୀମାନଙ୍କର ଯାହା ଭାରତୀୟ ରେଳ ବିଭାଗ କର୍ମଚାରୀଙ୍କ ମଧ୍ୟରେ ୨ପ୍ରତିଶତ । ସେମାନଙ୍କୁ ୧୨୫ ଟଙ୍କିଆ ମାସିକିଆ ପ୍ଲାନ୍ ଦିଆଯାଇଛି । ଯେଉଁଥିରେ ୬୦ଜିବି ହାଇ ସ୍ପିଡ୍ ଡାଟା ସହ ଅସୀମିତ କଲ୍ ଫ୍ରି ରହିବ । ଦ୍ବିତୀୟରେ ଯୁଗ୍ମ ସଚିବ ଅଧିକାରୀ । ସେମାନଙ୍କ ସଂଖ୍ୟା ୨୬ ପ୍ରତିଶତ ରହିଛି । ସେମାନଙ୍କୁ ୯୯ଟଙ୍କିଆ ମାସିକିଆ ପ୍ଲାନ୍ ଦିଆଯାଉଛି ଯେଉଁଥିରେ ୪୫ଜିବି ଡାଟା ଏବଂ କଲିଂ ମିଳିବ । ତୃତୀୟରେ ସି ଗ୍ରେଡ୍ କର୍ମଚାରୀ । ସେମାନଙ୍କର ସଂଖ୍ୟା ୭୨ ପ୍ରତିଶତ ରହିଛି । ସେମାନଙ୍କୁ ୬୭ଟଙ୍କିଆ ମାସିକିଆ ପ୍ଲାନ୍ ଦିଆଯାଉଛି । ଯେଉଁଥିରେ ୩୦ଜିବି ଡାଟା ସହ ୪୯ ଟଙ୍କାର ଏସଏସଏସ ପ୍ଲାନ୍ ମଧ୍ୟ ଦିଆଯାଉଛି । କର୍ମଚାରୀମାନଙ୍କୁ ଏହାର ବିଲ୍ ପୈଠ କରିବାକୁ ପଡିବ ନାହିଁ ବରଂ ଭାରତୀୟ ରେଳ ବିଭାଗ ପୈଠ କରିବ ।

   Related Posts