Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ବିଛା ରାଶିରେ ଲାଗିବାକୁ ଯାଉଛି ସୂର୍ଯ୍ୟ ପରାଗ : ଏହି ରାଶିର ବ୍ୟକ୍ତିମାନଙ୍କୁ ମିଳିବ ଫାଇଦା ହିଁ ଫାଇଦା

10/12/2020 at 12:28 PM

ଡିସେମ୍ବର ୧୪ତାରିଖ ରାତିରେ ବର୍ଷର ଶେଷ ସୂର୍ଯ୍ୟ ପରାଗ ମଙ୍ଗଳର ରାଶି ବିଛାରେ ଲାଗିବାକୁ ଯାଉଛି। ଏହି ପରାଗ ତ ଭାରତରେ ଦେଖାଯିବ ନାହିଁ କିନ୍ତୁ ଏହାର ପ୍ରଭାବ ସମସ୍ତ ରାଶିର ବ୍ୟକ୍ତିଙ୍କ ଉପରେ ନିଶ୍ଚୟ ପଡ଼ିବ। ପରାଗ ସମୟରେ ବିଛା ରାଶିରେ ସୂର୍ଯ୍ୟଙ୍କ ସହ ବୁଧ,ଶୁକ୍ର,କେତୁ ଏବଂ ଚନ୍ଦ୍ର ମଧ୍ୟ ଉପସ୍ଥିତ ରହିବେ। ଏପରି କ୍ଷେତ୍ରରେ ବିଛା ରାଶିରେ ୫ଟି ଗ୍ରହର ଉପସ୍ଥିତି ରହିବ। କିଛି ରାଶିର ବ୍ୟକ୍ତିଙ୍କ ପାଇଁ ସୂର୍ଯ୍ୟ ପରାଗ ଖୁସି ଖବର ନେଇ ଆସିବାବେଳେ କିଛି ରାଶିର ବ୍ୟକ୍ତିଙ୍କ ଜୀବନରେ ସମସ୍ୟା ଦେଖାଯିବ। ଆମେ ସେହି ରାଶିର ବ୍ୟକ୍ତିଙ୍କ ବିଷୟରେ ଜାଣିବା ଯେଉଁମାନଙ୍କ ଜୀବନରେ ସୂର୍ଯ୍ୟ ପରାଗର ଭଲ ପ୍ରଭାବ ଦେଖିବାକୁ ମିଳିବ।

୧.ମିଥୁନ ରାଶି : ସୂର୍ଯ୍ୟ ପରାଗ ଆପଣଙ୍କ ରାଶିରେ ୬ଷ୍ଠ ସ୍ଥାନରେ ଲାଗିବାକୁ ଯାଉଛି । ଏହି ସମୟରେ ଶତ୍ରୃ ଆପଣଙ୍କୁ ହଇରାଣ କରିବାକୁ ଉଦ୍ୟମ କରିବେ କିନ୍ତୁ ଆପଣ ବାଧା ସତ୍ବେ ଶତ୍ରୃଙ୍କ ଉପରେ ବିଜୟ ହାସଲ କରିବେ। ଆପଣ ନିଜ ସମସ୍ୟାଗୁଡ଼ିକ ଧୈର୍ଯ୍ୟ ଏବଂ ବୁଦ୍ଧି ବଳରେ ସମାଧାନ କରିବେ ଏବଂ ସଫଳ ହେବେ। ଆର୍ଥିକ ମାମଲାରେ ଆପଣଙ୍କ ଅବସ୍ଥା ଅଧିକ ନକରାତ୍ମକ ହେବ ନାହିଁ। ଆର୍ଥିକ ଲାଭର ଯୋଗ ହେବ ଏବଂ ବେକାର ଯୁବବର୍ଗ ଚାକିରୀ ପାଇବାରେ ସଫଳ ହେବେ। କାର୍ଯ୍ୟକ୍ଷେତ୍ରରେ ଉଦ୍ୟମରୁ ଲାଭ ମିଳିବ।

୨. କର୍କଟ ରାଶି : ସୂର୍ଯ୍ୟ ପରାଗ ଆପଣଙ୍କ ରାଶିରେ ୫ମ ସ୍ଥାନରେ ଲାଗିବାକୁ ଯାଉଛି। ପରାଗ ସମୟରେ ପ୍ରେମର କାରକ ଶୁକ୍ର ସୂର୍ଯ୍ୟଙ୍କ ସହ ଉପସ୍ଥିତ ରହିବେ,ଏପରି କ୍ଷେତ୍ରରେ ଆପଣଙ୍କ ପ୍ରେମ ଜୀବନକୁ ଏହା ସାମାନ୍ୟ ପ୍ରଭାବିତ କରିପାରେ। କିନ୍ତୁ ଏହି ସମୟରେ ଆପଣ ଜଣେ ଭଲ କଳାକାର ଭାବେ ସାବ୍ୟସ୍ତ ହେବେ ଏବଂ ଅତୀତର ସମସ୍ତ ସମସ୍ୟାରୁ ମୁକ୍ତ ହେବେ। ଯେଉଁମାନେ ଚାକିରୀ କରୁଛନ୍ତି ସେମାନଙ୍କ ପାଇଁ ଏହି ସମୟ ଭଲ ରହିବ। ସେମାନଙ୍କ ଆମଦାନୀ ବଢ଼ିବାର ଯୋଗ ରହିଛି। ସନ୍ତାନଙ୍କ ଶିକ୍ଷା ପାଇଁ ଆପଣଙ୍କୁ ଅଳ୍ପ ଉଦ୍ୟମ କରିବାକୁ ପଡ଼ିବ।

୩. କନ୍ୟା ରାଶି : ରାଶିର ତୃତୀୟ ସ୍ଥାନରେ ଲାଗିବାକୁ ଯାଉଥିବା ସୂର୍ଯ୍ୟ ପରାଗ ଭାଇ-ବନ୍ଧୁଙ୍କ ପାଇଁ ଭଲ ରହିବ ନାହିଁ। ଏମାନଙ୍କୁ ନେଇ ଅଳ୍ପ ଚିନ୍ତା ଏବଂ ସମସ୍ୟା ହୋଇପାରେ। ଖାସ୍ କରି ବଡ଼ ଭାଇଙ୍କ ସହ ତାଳମେଳ ବଜାୟ ରଖନ୍ତୁ କାରଣ ତାଙ୍କ ସହ ବିବାଦ ହୋଇପାରେ। ସୂର୍ଯ୍ୟ ପରାଗ ଚାକିରୀ ଏବଂ ବ୍ୟବସାୟରେ ଆପଣଙ୍କୁ ମିଶ୍ରିତ ଫଳ ପ୍ରଦାନ କରିବ। ନିଜ କଥା ଉପରେ ସଂଯମ ରଖନ୍ତୁ।

୪. କୁମ୍ଭ ରାଶି : ସୂର୍ଯ୍ୟ ପରାଗ ଆପଣଙ୍କ ରାଶିର ୧୦ମ ସ୍ଥାନରେ ଲାଗିବାକୁ ଯାଉଛି। ଏହି ସମୟରେ ଆପଣଙ୍କୁ ବିଦେଶରୁ ଭଲ ଶୁଣିବାକୁ ମିଳିବ କିନ୍ତୁ ଆପଣ ନୂତନ ଯୋଜନା କରନ୍ତୁ ନାହିଁ। ଆର୍ଥିକ ମାମଲାରେ ନିର୍ଣ୍ଣୟ ନେବାକୁ ଏହି ସମୟ ଭଲ ,ଆପଣ ଯେକୌଣସି ସ୍ଥାନରେ ମଧ୍ୟ ନିବେଶ କରିପାରିବେ। କାମ ସମ୍ବନ୍ଧରେ କରାଯାଇଥିବା ଉଦ୍ୟମ ସଫଳ ହେବ ଏବଂ କାର୍ଯ୍ୟକ୍ଷେତ୍ରରେ ପଦ ବୃଦ୍ଧି ହେବ। କିନ୍ତୁ ମନରେ କୌଣସି ଅଜଣା ଡର ଘାରିବ। ଏଥିପାଇଁ ଆପଣ ଧର୍ମ-କର୍ମ​‌ରେ ମନ ଲଗାଇବେ। କିଛି ଅଜ୍ଞାତ ସ୍ରୋତରୁ ଲାଭ ମିଳିପାରେ।

୫. ମୀନ ରାଶି : ସୂର୍ଯ୍ୟ ପରାଗ ଆପଣଙ୍କ ରାଶିରେ ନବମ ସ୍ଥାନରେ ଲାଗିବାକୁ ଯାଉଛି ଯାହା ଆପଣଙ୍କ ଭାଗ୍ୟର ସ୍ଥାନ। ଏହି ପରାଗ ଆପଣଙ୍କ ଭାଗ୍ୟ ଉପରେ ପ୍ରଭାବ ପକାଇବ। ବାପାଙ୍କ ସ୍ବାସ୍ଥ୍ୟ ପାଇଁ ଚିନ୍ତିତ ରହିପାରନ୍ତି କିନ୍ତୁ ସମୟ ଗଡ଼ିବା ସହ ସବୁ କିଛି ଠିକ୍ ହୋଇଯିବ। ସୂର୍ଯ୍ୟ ପରାଗ ଆପଣଙ୍କୁ ଅଧିକ ପ୍ରଭାବିତ କରିବ ନାହିଁ କିନ୍ତୁ ଏହି ସମୟରେ ଆପଣଙ୍କୁ ପ୍ରତ୍ୟେକ କ୍ଷେତ୍ରରେ ସଫଳତା ମିଳିବ। ଏହାର ପୂରା ଶ୍ରେୟ ଆପଣଙ୍କ ପରିଶ୍ରମ ଉପରେ ଯିବ। ଆପଣ ଭାଗ୍ୟ ଭରସାରେ ବସିଲେ ଆପଣଙ୍କର କ୍ଷତି ହେବ। ଯଦି ଆପଣଙ୍କ ଧନ ଅଟକି ରହିଛି ତେବେ ଏହି ସମୟରେ ଏହା ମିଳିବାର ସମ୍ଭାବନା ରହିଛି।

   Related Posts