Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ଲିଭରକୁ ସୁସ୍ଥ ଓ ମଜବୁତ ରଖିବା ପାଇଁ ଖାଦ୍ୟରେ ସାମିଲ୍ କରନ୍ତୁ ଏହି ୫ଟି ଜିନିଷ

17/05/2020 at 6:02 PM

ଭୁବନେଶ୍ୱର ୧୭/୦୫ : ଲିଭର ମନୁଷ୍ୟ ଶରୀରର ଏକ ମହତ୍ଵପୁର୍ଣ ଅଙ୍ଗ | ଏହା ଶରୀରରେ ଅନେକ କାର୍ଯ୍ୟ ସାଧନ କରିଥାଏ | ଲିଭର ସୁସ୍ଥ ରହିଲେ ଶରୀର ସୁସ୍ଥ ରହେ | ଲିଭର ସମସ୍ୟା ହେଲେ ଶରୀରରେ ଅନେକ ସମସ୍ୟା ଦେଖା ଦେଇଥାଏ | ଲିଭର ଦୁର୍ବଳ ହୋଇଗଲେ ଶରୀରରେ ଅନେକ ରୋଗ ଉତ୍ପନ୍ନ କରିଥାଏ | ଲିଭର ଆମ ଶରୀରରେ ଆବଶ୍ୟକୀୟ ପୋଷଣ ତତ୍ୱକୁ ବିଭିନ୍ନ ଅଙ୍ଗକୁ ପଠାଇଥାଏ | ଲିଭରକୁ ସୁସ୍ଥ ରଖିବା ପାଇଁ ସୁଷମା ଖାଦ୍ୟ ନିହାତି ଆବଶ୍ୟକ |

ଅମୃତଭଣ୍ଡା – ଲିଭର ଶରୀରରୁ ବିଷାକ୍ତ ପଦାର୍ଥ ବାହାର କରିଥାଏ | ଅଧିକାଂଶ ସମୟରେ ଖରାପ ଖାଦ୍ୟ ଯୋଗୁଁ ଲିଭର ଦୁର୍ବଳ ହୋଇପଡେ | ଫଳରେ ମନୁଷ୍ୟ ବିଭିନ୍ନ ରୋଗରେ ପଡିଥାଏ | ଲିଭର ସୁସ୍ଥ ଏବଂ ମଜବୁତ ରଖିବା ପାଇଁ ଖାଦ୍ୟ ପେୟ ଉପରେ ବିଶେଷ ଧ୍ୟାନ ଦେବା ଉଚିତ | ଅମୃତଭଣ୍ଡା ଶରୀର ପକ୍ଷେ ଅତ୍ୟନ୍ତ ଲାଭଦାୟୀ | ଅମୃତଭଣ୍ଡାର ଅନେକ ଗୁଣ ରହିଛି | ଅମୃତଭଣ୍ଡା ଲିଭରକୁ ସୁସ୍ଥ ରଖିବାରେ ସାହାଯ୍ୟ କରିଥାଏ | ଅମୃତଭଣ୍ଡା ଶରୀରକୁ ହାଇଡ୍ରେଟ ରଖିବା ସହ ଅନେକ ଆବଶ୍ୟକୀୟ ପୋଷାକ ତତ୍ୱ ଯୋଗାଇଥାଏ | ଏହାକୁ ଜୁସ କରି ମଧ୍ୟ ପିଇପାରିବେ |

ହଳଦୀ – ହଳଦୀରେ ଅଣ୍ଟିଆକ୍ସିଡେଣ୍ଟ ରହିଛି | ହଳଦୀ ଶରୀରକୁ ଅନ୍ୟ ରୋଗରୁ ମଧ୍ୟ ସୁରକ୍ଷା ପ୍ରଦାନ କରିଥାଏ | ହଳଦୀ ପ୍ରତିରୋଧକ କ୍ଷମତା ବହୁତ ବେଶୀ | ଲିଭରକୁ ସୁସ୍ଥ ରଖିବାରେ ଏବଂ ତାର କାର୍ଯ୍ୟ ପ୍ରଣାଳୀକୁ ସୁଚାରୁ ରୂପେ ସଂଚାଳନ କରିବାରେ ହଳଦୀ ଲାଭଦାୟୀ ପ୍ରମାଣିତ ହୋଇଥାଏ | ଲିଭରକୁ ସୁସ୍ଥ ରଖିବା ପାଇଁ କ୍ଷୀରରେ ମଧ୍ୟ ହଳଦୀ ମିଶାଇ ପିଇପାରିବେ |

ଅଁଳା – ଅନେକ ଅଧ୍ୟୟନରୁ ଜଣାପଡିଛି ଯେ, ଅଁଳା ଲିଭର ପାଇଁ ବହୁତ ଲାଭଦାୟୀ | ଅଁଳା ସେବନ ଦ୍ୱାରା ଶରୀରକୁ ଅନେକ ଲାଭ ହୋଇଥାଏ | ଅଁଳା ସେବନ ଦ୍ୱାରା ପ୍ରତିରୋଧକ କ୍ଷମତା ବୃଦ୍ଧି ପାଇଥାଏ | ତା’ଛଡା ତ୍ୱଚା ମଧ୍ୟ ମସୃଣ ହୋଇଥାଏ | କେଶ ପାଇଁ ମଧ୍ୟ ଅଁଳା ଅତ୍ୟନ୍ତ ଲାଭଦାୟୀ | ଲିଭରକୁ ସୁସ୍ଥ ରଖିବା ପାଇଁ ଦିନକୁ ଅତିକମରେ ଗୋଟିଏ ଅଁଳା ଖାଇବା ଉଚିତ |

ପାଳଙ୍ଗ ଶାଗ – ପାଳଙ୍ଗ ଶାଗରେ ପ୍ରଚୁର ପରିମାଣର ଫାଇବର ରହିଛି | ପାଳଙ୍ଗ ଶାଗରେ ଅଧିକ ମାତ୍ରାରେ ଭିଟାମିନ ସି ରହିଛି | ଶରୀରର ପ୍ରତିରୋଧକ କ୍ଷମତାକୁ ମଜବୁତ ରଖିବା ସହ ଲିଭରକୁ ମଧ୍ୟ ସୁସ୍ଥ ରଖିଥାଏ | ପ୍ରତିଦିନ ପାଳଙ୍ଗ ଜୁସ ପିଇଲେ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟୀ ପ୍ରମାଣିତ ହୋଇଥାଏ | ପାଳଙ୍ଗ ଶାଗ ନାନା ବ୍ୟାକ୍ଟେରିଆ ଓ ଭାଇରସ ସହ ଲଢ଼ିବାରେ ମଧ୍ୟ ସହାୟକ ହୋଇଥାଏ | ଏହାଦ୍ୱାରା ଦୃଷ୍ଟି ଶକ୍ତି ବଢିଥାଏ ଏବଂ ହାଡ ମଧ୍ୟ ମଜବୁତ ହୋଇଥାଏ |

ରସୁଣ – ରସୁଣରେ ଅଣ୍ଟିଆକ୍ସିଡେଣ୍ଟ ରହିଛି ଯାହା ଶରୀର ପାଇଁ ଅତ୍ୟନ୍ତ ଆବଶ୍ୟକୀୟ | ଲିଭରକୁ ମଜବୁତ ରଖିବା ପାଇଁ ରସୁଣ ସକ୍ରିୟ ରୂପେ କାମ କରିଥାଏ | ରସୁଣ ଶରୀରରେ ରକ୍ତ ସଫା ରଖିବା ସହ ଥଣ୍ଡା, କାଶରୁ ରକ୍ଷା କରିଥାଏ | ରସୁଣ ହୃଦୟକୁ ମଧ୍ୟ ସୁସ୍ଥ ରଖିଥାଏ | ରସୁଣ ସେବନ ଦ୍ୱାରା ରକ୍ତଚାପ ନିୟନ୍ତ୍ରଣରେ ରହେ | ରସୁଣକୁ ଯେକୌଣସି ପ୍ରକାରେ ସେବନ କରାଯାଇପାରେ |

   Related Posts