Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ବସ୍‌ ଷ୍ଟାଣ୍ଡରେ ଠିଆ ହୋଇଥିବା ବସ୍‌ରେ ଲାଗିଗଲା ନିଆଁ, କେଇ ମିନିଟ୍‌ରେ ଜଳିଗଲା ସମ୍ପୂର୍ଣ୍ଣ ବସ୍
  • ||
  • କନ୍ଧମାଳ : ଜଗାକୁ ଏକା କରି ଚାଲିଗଲା କାଳିଆ, ମା’ ଆଖିରୁ ଶୁଖୁନି ଲୁହ : ମରଶରୀର ପହଞ୍ଚିବା ପରେ ଗାଁରେ ଶୋକାକୂଳ ପରିବେଶ
  • ||
  • କୋରାପୁର : କୋରାପୁର ବସ୍ ଷ୍ଟାଣ୍ଡରୁ ୩ଲକ୍ଷରୁ ଅଧିକ ଟଙ୍କାର ନକଲି ନୋଟ୍ ଜବତ, ଜଣେ ଗିରଫ
  • ||
  • କଟକ : ବାହା ବେଦୀରୁ ବ୍ୟାଙ୍କ୍ ମ୍ୟାନେଜରଙ୍କୁ ଉଠାଇନେଲା ପୋଲିସ, IIFL ଲୁଟ୍ ଘଟଣାରେ ରହିଛି ଲିଙ୍କ୍
  • ||
  • ସୋର : ପାଣିରୁ ଉଦ୍ଧାର ହେଲା ବୃଦ୍ଧଙ୍କ ମୃତଦେହ, ହତ୍ୟା ସନ୍ଦେହ
  • ||
  • ପୁରୀ : ପଞ୍ଚୁକର ଦ୍ବିତୀୟ ଦିନ, ବାଙ୍କଚୁଡା ବେଶରେ ବିଭୂଷିତ ମହାପ୍ରଭୁ
  • ||
  • ଚଣ୍ଡିଖୋଲ : ନିର୍ମାଣଧୀନ ପାଣି ଟାଙ୍କି ଉପରେ ଚଢି ଆତ୍ମହତ୍ୟା ଉଦ୍ୟମ କଲେ ଯୁବକ, ଉଦ୍ଧାର କଲେ ଅଗ୍ନିଶମ କର୍ମଚାରୀ
  • ||
  • କୋରାପୁଟ : କୋରାପୁଟ ଜିଲ୍ଲାରୁ ୮୫ଲକ୍ଷ ଟଙ୍କାର ଗଞ୍ଜେଇ ଜବତ, ଅଭିଯୁକ୍ତ ଫେରାର
  • ||
  • ଚାକିରୀଆଙ୍କ ପାଇଁ ବଡ ଖବର: ୮ଘଣ୍ଟା ବଦଳରେ ହୋଇପାରେ ୧୨ ଘଣ୍ଟା ସିଫ୍ଟ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୭ କରୋନା ସଂକ୍ରମିତ ପ୍ରାଣ ହରାଇଲେ, ୧୭ଶହ ଅତିକ୍ରମ କଲା ମୃତକଙ୍କ ସଂଖ୍ୟା
  • ||

ତିନି ବ୍ୟାଙ୍କ ନେଲେ ବଡ ନିଷ୍ପତ୍ତି, ଦେଶର କୋଟି କୋଟି ଗ୍ରାହକଙ୍କ ଉପରେ ପଡିବ ଏହି ପ୍ରଭାବ

28/08/2020 at 5:13 PM

ନୂଆଦିଲ୍ଲୀ ୨୮।୦୮: ଗତ କିଛି ଦିନରେ ଦେଶର ତିନି ବଡ ବ୍ୟାଙ୍କ ଅନେକ ଗୁରୁତ୍ଵପୂର୍ଣ୍ଣ ନିଷ୍ପତ୍ତି ନେଇଛନ୍ତି। ଏହି ତିନି ବ୍ୟାଙ୍କ ହେଉଛନ୍ତି ଘରୋଇ କ୍ଷେତ୍ରର ଆଇସିଆଇସିଆଇ, କୋଟାକ ମହିନ୍ଦ୍ରା ଓ ସରକାରୀ କ୍ଷେତ୍ରର ବ୍ୟାଙ୍କ ଅଫ ବରୋଦା। ଏହି ତିନି ବ୍ୟାଙ୍କର ନିଷ୍ପତ୍ତିର ପ୍ରଭାବ କୋଟି କୋଟି ଗ୍ରାହକଙ୍କ ଉପରେ ପଡିବ।

ସାର୍ବଜନୀନ କ୍ଷେତ୍ରର ବ୍ୟାଙ୍କ ଅଫ ବରୋଦା ନିଜର ନୂତନ ଗ୍ରାହକଙ୍କ ପାଇଁ ଋଣ ଉପରେ ରିସ୍କ ପ୍ରିମିୟର ବଢାଇଛନ୍ତି। ସରଳ ଭାଷାରେ କହିବାକୁ ଗଲେ ନୂତନ ଗ୍ରାହକଙ୍କୁ ଏବେ ବ୍ୟାଙ୍କ ଅଫ ବରୋଦାରୁ ଋଣ ନେବା ମହଙ୍ଗା ପଡିବ। ଏହା ବ୍ୟତୀତ ବ୍ୟାଙ୍କ ଋଣ ଦେବାରେ ଭଲ କ୍ରେଡିଟ୍ ସ୍କୋରକୁ ମାପଦଣ୍ଡରେ ମଧ୍ୟ ସାମିଲ କରିଛି। ଏହାର ଅର୍ଥ ଯାହାଙ୍କ ସ୍କୋର ଯେତିକି ଭଲ ତାଙ୍କୁ ସେହି ପରିମାଣରେ ଲୋନ ମିଳିବ। କମ୍ କ୍ରେଡିଟ୍ ସ୍କୋରରେ ଋଣ ଉପରେ ସୁଧ ହାର ଅଧିକ ରହିବ।

ଘରୋଇ କ୍ଷେତ୍ରର ଆଇସିଆଇସିଆଇ ବ୍ୟାଙ୍କ ଚାଷୀଙ୍କୁ ଋଣ ଦେବା ପାଇଁ ଅଭିନବ ନୀତି ଆପଣେଇଛି। ବ୍ୟାଙ୍କ ଉପଗ୍ରହ ଚିତ୍ରରୁ ଉତ୍ତୋଳିତ କୃଷକଙ୍କ ଖେତର ଫଟୋ ଦେଖି ଆକଳନ କରିବା ପରେ ଋଣ ଦେବ। ବ୍ୟାଙ୍କ ଅନୁଯାୟୀ ଏଥିରେ କୃଷକଙ୍କ ଆର୍ଥିକ ଅବସ୍ଥାର ସଠିକ୍ ଅନୁମାନ କରାଯାଇ ପାରିବ ଏବଂ ଋଣ ମଞ୍ଜୁରୀରେ କମ ସମୟ ଲାଗିବ। ଏହି ଜ୍ଞାନ କୌଶଳରେ ଋଣର ପରିମାଣ ବୃଦ୍ଧି ହେବ।

ଏହି ପରି ଆଇସିଆଇସିଆଇ ହୋମ୍ ଫାଇନାନ୍ସ ବରିଷ୍ଠ ନାଗରିକଙ୍କ ପାଇଁ ଖାସ୍ ଏଫଡି ଯୋଜନା ଆରମ୍ଭ କରିଛି। ଏହି ଏଫଡି ସ୍କିମରେ ସୁଧ ହାର ସାମାନ୍ୟଠୁ ଅଧିକ ମିଳୁଛି।

କୋଟାକ ମହିନ୍ଦ୍ରା ବ୍ୟାଙ୍କର ଏଟିଏମରୁ ଟଙ୍କା କାଢିବା ପାଇଁ ଡେବିଟ୍ କାର୍ଡର ଆବଶ୍ୟକତା ପଡିବ ନାହିଁ। ବ୍ୟାଙ୍କ ଏସବିଆଇ ପରି କାର୍ଡଲେସ୍‌ ନଗଦ କାଢିବାର ସୁବିଧା ଆରମ୍ଭ କରିଛି। ଏହି ସୁବିଧା ପାଇଁ ଗ୍ରାହକଙ୍କୁ କୋଟାକ ନେଟ୍ ବ୍ୟାଙ୍କିଙ୍ଗ କିମ୍ବା ମୋବାଇଲ ବ୍ୟାଙ୍କିଂ ଆପ୍‌ରେ ଲୋଗ୍ ଇନ କରିବାକୁ ପଡିବ। ଏଥିରେ ପଞ୍ଜୀକରଣ ପ୍ରକ୍ରିୟା ପୂରା କରିବାକୁ ପଡିବ। ଏହା ପରେ କୋଡ୍ ଜେନେରେଟ କରି କୌଣସି ବି ଏଟିଏମରୁ ବିନା ଏଟିଏମ କାର୍ଡରେ ଟଙ୍କା କାଢି ପାରିବେ।

   Related Posts