ନୂଆଦିଲ୍ଲୀ ୧୦/୦୬: ହିନ୍ଦୁ ଧର୍ମରେ ପୂଜା ପାଠର ବିଶେଷ ମହତ୍ତ୍ୱ ରହିଛି। ଲୋକମାନେ ବିଶେଷ କରି ଘର ସହିତ ମନ୍ଦିରରେ ପୂଜା କରିବାକୁ ଯାଇଥାନ୍ତି । ସମଗ୍ର ବିଶ୍ୱରେ ବହୁତ ସୁନ୍ଦର ଏବଂ ଭବ୍ୟ ମନ୍ଦିର ପ୍ରତିଷ୍ଠିତ ହୋଇଛି। ଏଥି ସହିତ ଭାରତରେ ତଥା ବିଶ୍ୱର ଅନ୍ୟାନ୍ୟ ଦେଶରେ ମଧ୍ୟ ଅନେକ ହିନ୍ଦୁ ମନ୍ଦିର ପ୍ରତିଷ୍ଠା କରାଯାଇଛି। ଦେଶ ତଥା ବିଦେଶର ଲୋକମାନେ ଏହି ମନ୍ଦିର ପରିଦର୍ଶନ କରିବାକୁ ଆସିଥାନ୍ତି । ଏହା ସହିତ, ଏହି ସ୍ଥାନର ସ୍ଥାପତ୍ୟ କଳା ଏବଂ ସୌନ୍ଦର୍ଯ୍ୟ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥାନ୍ତି । ତେବେ ଚାଲନ୍ତୁ ଦୁନିଆର ୫ ଟି ବୃହତ୍ତମ ମନ୍ଦିର ବିଷୟରେ ଜାଣିବା ।
ଅଙ୍କୋରୱାଟ ମନ୍ଦିର:
କାମ୍ବୋଡିଆ ଦେଶରେ ଅବସ୍ଥିତ ଅଙ୍କୋରୱାଟ ମନ୍ଦିର ଭଗବାନ ବିଷ୍ଣୁଙ୍କୁ ଉତ୍ସର୍ଗ କରାଯାଇଛି। ଏହା ବିଶ୍ୱର ସବୁଠାରୁ ବଡ ଧାର୍ମିକ ସ୍ଥାନ ଭାବରେ ପରିଗଣିତ ହୋଇଛି । ଏହି ମନ୍ଦିର ଦ୍ୱାଦଶ ଶତାବ୍ଦୀରେ ରାଜା ସୂର୍ଯ୍ୟ ଭର୍ମନ୍ ଦ୍ୱିତୀୟଙ୍କ ଦ୍ୱାରା ନିର୍ମିତ ହୋଇଥିଲା। ଏହି ମନ୍ଦିର ୭,୨୦,୦୦୦ ବର୍ଗ ମିଟର ଅଞ୍ଚଳରେ ନିର୍ମିତ । ଏହି ମନ୍ଦିରରେ ଲୋକମାନଙ୍କ ବିଶ୍ୱାସ ଯୋଡି ହୋଇଛି ରହିଛି ।
ଶ୍ରୀରଙ୍ଗନାଥ ମନ୍ଦିର:
ତାମିଲନାଡୁର ତ୍ରିଚିରେ ଅବସ୍ଥିତ ଶ୍ରୀରଙ୍ଗନାଥ ମନ୍ଦିର ବିଶ୍ୱର ଦ୍ୱିତୀୟ ବୃହତ୍ତମ ହିନ୍ଦୁ ମନ୍ଦିର ଭାବରେ ପରିଗଣିତ । ଏହି ମନ୍ଦିର କାବେରୀ ନଦୀ କୂଳରେ ଅବସ୍ଥିତ । ଭଗବାନ ବିଷ୍ଣୁଙ୍କ ରଙ୍ଗନାଥ ସ୍ୱରୂପ ଏଠାରେ ପୂଜା କରାଯାଇଥାଏ। ଏହି ମନ୍ଦିର ପ୍ରାୟ ୬,୩୧,୦୦୦ ବର୍ଗ ମିଟର ଅଞ୍ଚଳରେ ବ୍ୟାପିଛି । ଏହି ମନ୍ଦିରରେ ପ୍ରାୟ ୧୦୦୦ ବର୍ଷ ପୁରୁଣା ଏକ ମମି ମଧ୍ୟ ଅଛି ବୋଲି ବିଶ୍ୱାସ କରାଯାଏ ।
ଅକ୍ଷରାଧାମ ମନ୍ଦିର:
ଦିଲ୍ଲୀରେ ପ୍ରତିଷ୍ଠିତ ଅକ୍ଷରାଧାମ ମନ୍ଦିର ପ୍ରାୟ ୨,୪୦,୦୦୦ ବର୍ଗମିଟର ଅଞ୍ଚଳରେ ବ୍ୟାପିଛି । ଏହା ସ୍ୱାମୀନାରାୟଣ ସମ୍ପ୍ରଦାୟର ସବୁଠାରୁ ବଡ ହିନ୍ଦୁ ମନ୍ଦିର ବୋଲି ବିଶ୍ୱାସ କରାଯାଏ। ଏହି ମନ୍ଦିରକୁ ବହୁତ ସୁନ୍ଦର ଭାବରେ ନିର୍ମାଣ କରାଯାଇଛି । ପ୍ରତିବର୍ଷ ଦେଶ ତଥା ବିଦେଶରୁ ବହୁ ସଂଖ୍ୟାରେ ଲୋକ ଭଗବାନଙ୍କ ଦର୍ଶନ ପାଇଁ ଏବଂ ମନ୍ଦିର ଦେଖିବା ପାଇଁ ଆସିଥାନ୍ତି।
ଚିଦାମ୍ବରମ୍ ମନ୍ଦିର:
ଚିଦାମ୍ବରମ୍ ମନ୍ଦିର ତାମିଲନାଡୁର ଚିଦାମ୍ବରମ୍ ରେ ଅବସ୍ଥିତ । ଭଗବାନ ଶିବଙ୍କୁ ଉତ୍ସର୍ଗୀକୃତ ଏହା ଏକ ବହୁତ ବଡ ଏବଂ ପ୍ରସିଦ୍ଧ ତୀର୍ଥସ୍ଥଳ । ଚିଦାମ୍ବରମ୍ ମନ୍ଦିର ପ୍ରାୟ ୧,୬୦,୦୦୦ ବର୍ଗ ମିଟର ଅଞ୍ଚଳରେ ଅବସ୍ଥିତ ।
ବେଲୁର ମଠ:
ବେଲୁର ମଠ କଲିକତାର ହୁଗଳି ନଦୀ କୂଳରେ ଅବସ୍ଥିତ । ବିଶ୍ୱାସ କରାଯାଏ ଯେ ଏହି ମଠ ସ୍ୱାମୀ ବିବେକାନନ୍ଦଙ୍କ ଦ୍ୱାରା ନିର୍ମିତ । ୧,୬୦,୦୦୦ ବର୍ଗ ମିଟର ଅଞ୍ଚଳରେ ବିସ୍ତାର ହୋଇଥିବା ଏହି ମଠଟି ବିଶ୍ୱର ୫ ତମ ବୃହତ୍ତମ ହିନ୍ଦୁ ଧାର୍ମିକ ସ୍ଥାନ ଅଟେ । ଏହା ସହିତ ଭକ୍ତମାନଙ୍କ ପାଇଁ ଏହା ଆକର୍ଷଣର ମୁଖ୍ୟ କେନ୍ଦ୍ର।
