Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ଇମ୍ରାନ ସରକାରଙ୍କ ଦାବି, ଓ୍ବିଙ୍ଗ କମାଣ୍ଡର ଅଭିନନ୍ଦନକୁ ଛାଡିବା ପାଇଁ ପାକିସ୍ତାନ ଉପରେ କୌଣସି ଚାପ ନ ଥିଲା

30/10/2020 at 10:17 AM

ନୂଆଦିଲ୍ଲୀ ୩/୧୦: ଭାରତ କାଳେ ଆକ୍ରମଣ କରିବ ସେ ଭୟରେ ପାକିସ୍ତାନ ଓ୍ବିଙ୍ଗ କମାଣ୍ଡର ଅଭିନନ୍ଦନ ବର୍ଥମାନଙ୍କୁ ଛାଡିଥିଲା। ଏ କଥା ଗୁରୁବାର ପାକିସ୍ତାନ ସାଂସଦ ଅୟାଜ ସାଦିକ କହିଥିଲେ। ତେବେ ତାଙ୍କର ଏ ବୟାନ ପରେ ପାକସ୍ତାନୀ ବିଦେଶ କାର୍ଯ୍ୟାଳୟ ସଫେଇ ଦେବାରେ ଲାଗିଛି।

ପାକିସ୍ତାନର ଇମ୍ରାନ ସରକାର ଦାବି କରିଛନ୍ତି ଯେ ଭାରତୀୟ ବାୟୁ ସେନାର ଓ୍ବିଙ୍ଗ କମାଣ୍ଡର ଅଭିନନ୍ଦଙ୍କୁ ଛାଡିବା​‌ରେ ତାଙ୍କ ଦେଶ ଉପରେ କୌଣସି ଚାପ ନ ଥିଲା। ପାକିସ୍ତାନ ସରକାର ଏ ନିଷ୍ପତ୍ତି ଦେଶରେ ଶାନ୍ତିକୁ ଦୃଷ୍ଟିରେ ରଖି କରିଥିଲେ। କେବଳ ଏତିକି ନୁହେଁ ତାଙ୍କର ଏ ନିଷ୍ପତ୍ତିକୁ ଅନ୍ତର୍ଜାତୀୟ ସମୁଦାୟ ସ୍ବାଗତ କରିଥିଲେ।

ସୂଚନାଯୋଗ୍ୟ ପାକିସ୍ତାନର ନ୍ୟାସନାଲ ଆସେମବଲିର ଏକ ଭାଷଣରେ ପାକିସ୍ତାନ ମୁସଲିମ ଲିଗ-ଏନ୍ (ପିଏମଏଲ-ଏନ)ର ନେତା ଅୟାଜ ସାଦିକ କହିଥିଲେ ଆର୍ମି ଷ୍ଟାଫର ମୁଖିଆ ଯେତେବେଳେ ଆସିଲେ ତାଙ୍କ ଗୋଡ ହାତ ଥରୁଥିଲା ଓ ମୁଣ୍ଡରୁ ଝାଳ ବୋହୁ ଥିଲା। ବିଦେଶ ମନ୍ତ୍ରୀ ଏସଏମ କୁରୈସୀ ଅଭିନନ୍ଦନଙ୍କୁ ଛାଡିବା ପାଇଁ ଅନୁରୋଧ କରିଥିଲେ। କାରଣ ରାତି ୯ଟାରେ ଭାରତ ପାକିସ୍ତାନ ଉପରେ ଆକ୍ରମଣ କରିବ। ଅୟାଜ କହିଛନ୍ତି ଭାରତ ଆକ୍ରମଣ କରି ନ ଥାନ୍ତା। କେବଳ ଅଭିନନ୍ଦନଙ୍କୁ ଛାଡିବା ଥିଲା ସେମାନଙ୍କର ଉଦ୍ଦେଶ୍ୟ।

ଗତବର୍ଷ ଭାରତ ବାଲାକୋଟରେ ଆତଙ୍କବାଦୀ ଶିବିରରେ ଷ୍ଟାଇକ୍ କରିଥିଲା ଯାହା ପରେ ପାକିସ୍ତାନ ଫାଇଟର ଜେଟକୁ ଭାରତକୁ ଆକ୍ରମଣ ପାଇଁ ପଠାଇଲା। ଏହାର ଜବାବରେ ଅଭିନନ୍ଦନ ମିଗ୍-୨୧ରେ ଉଡାଣ ଭରିଥିଲେ। ଏହା ପରେ ଅଭିନନ୍ଦଙ୍କ ବିମାନ କ୍ରାସ ହୋଇଥିଲା ଓ ସେ ଯାଇ ପିଓକେରେ ପହଞ୍ଚିଲେ। ସେଠାରୁ ତାଙ୍କୁ ପାକିସ୍ତାନ ସୈନ କାବୁ କରିଥିଲେ। ଏହା ପରେ ପାକିସ୍ତାନ ଅଭିନନ୍ଦନଙ୍କୁ ୨୦୧୯ ମାର୍ଚ ୧ରେ ଭାରତ ଫେରାଇଥିଲା।

   Related Posts