Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶବ୍ୟାପୀ ତ୍ରିରଙ୍ଗା ରାଲି ବାହାର କରିବେ କୃଷକ, ଅଗଷ୍ଟ ୧୫ରେ ପାଳନ କରିବେ ଏହି ଦିବସ
  • ||
  • ଟୋକିଓ ଅଲିମ୍ପିକ୍ସ: ଆଜି ଇତିହାସ ରଚିବାକୁ ଓହ୍ଲାଇବେ ରବି ଦାହିଆ, ପୁରୁଷ ହକି ଉପରେ ବି ରହିବ ନଜର
  • ||
  • ତୃତୀୟ ଲହରକୁ ନେଇ ସତର୍କ କରାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଭକ୍ତଙ୍କ ପାଇଁ ବଡ଼ ଘୋଷଣା, ୧୬ ତାରିଖରୁ ଖୋଲିବ ଶ୍ରୀମନ୍ଦିର
  • ||
  • ଅଗଷ୍ଟ ୧୬ରୁ ଶ୍ରୀମନ୍ଦିର ଖୋଲିବ
  • ||
  • ଟୋକିଓ ଅଲିମ୍ପିକ୍ସ ହକି ସେମିଫାଇନାଲ୍‌ରେ ହାରିଲା ମହିଳା ଦଳ, ଫାଇନାଲ୍‌କୁ ଉନ୍ନିତ ହେଲା ଆର୍ଜେଣ୍ଟିନା
  • ||
  • ଦେବଗଡ : ହନୁମାନ ପଇସା ରାକେଟ୍ ଠାବ : ୩ ଗିରଫ, ୨ଟି ହନୁମାନ ପଇସା ଜବତ
  • ||
  • ସାଲେପୁର : ସାଲେପୁର ଅଞ୍ଚଳରୁ ବିରଳ ଏଣ୍ଡୁଅ ଉଦ୍ଧାର, ବଦଳାଉଛି ରଙ୍ଗ
  • ||
  • ଢେଙ୍କାନାଳ : ବିକ୍ରି କରୁଥିଲେ ବାରହା ମାଂସ, ୩ ଶିକାରୀଙ୍କୁ ବାନ୍ଧିଲା ବନ ବିଭାଗ
  • ||
  • ଅନୁଗୋଳ : ରେଙ୍ଗାଳି ଡ୍ୟାମ୍‌ରୁ ଛଡାଗଲା ଚଳିତ ବର୍ଷର ପ୍ରଥମ ବନ୍ୟାଜଳ, ୭ ନମ୍ବର ଗେଟ୍ ଦେଇ ଜଳ ନିଷ୍କାସିତ
  • ||

ହଠାତ୍ ଘଟିଲା ବିସ୍ଫୋରଣ: ଆଖପାଖ ଅଟ୍ଟାଳିକ ଘର ସବୁକିଛି ହୋଇଗଲା ଧୂଳିସାତ

5/08/2020 at 9:34 PM

ଲେବାନନ୫/୮: ଲେବାନନ ରାଜଧାନୀ ବିସ୍ଫୋରଣରେ ମୃତ୍ୟୁ ସଂଖ୍ୟା ଶହେ ଟପିଛି। ବିସ୍ଫୋରଣର ତୀବ୍ରତା ଯାହା ରହିଛି ମୃତ୍ୟୁ ସଂଖ୍ୟା ଆହୁରି ଯଥେଷ୍ଟ ଅଧିକ ହେବ ବୋଲି ଆଶଙ୍କା ପ୍ରକାଶ ପାଇଛି। ପୂରା ବିଶ୍ବ ଏହି ଘଟଣାକୁ ନେଇ ବ୍ୟତିବ୍ୟସ୍ତ ହୋଇପଡ଼ିଛି। ଆଖପାଖ ଅଟ୍ଟାଳିକ ଘର ସବୁକିଛି ଧୂଳିସାତ ହୋଇଯାଇଛି। ହେଲିକପ୍ଟରରେ ନିଆଁ ଲିଭାଇବା ପାଇଁ ପାଣି ପକାଯାଉଛି। ଚାରିଆଡ଼େ ଧ୍ବଂସସ୍ତୁପ। ବ୍ୟତିବ୍ୟସ୍ତ ହୋଇ ଆଡେସାଡ଼େ ଧାଉଁଛନ୍ତି ଆହତ।

 ବିସ୍ଫୋରଣରେ ତିନିଟି ହସ୍ପିଟାଲ କ୍ଷତିଗ୍ରସ୍ତ ହୋଇଛି। ତେବେ ବାଣ ଭଳି କିଛି ସେଥିରେ ଫୁଟିଛି। ଆଉ ଏହାପରେ ହେଉଛି ବିଶାଳ ବିସ୍ଫୋରଣ। ତେବେ ଏଡ଼େ ବଡ଼ ବିସ୍ଫୋରଣ କେମିତି ହେଲା। ପ୍ରଥମେ କୁହାଯାଇଥିଲା ଏକ ବାଣ ଗୋଦାମ କିମ୍ବା ବାଣ ଭର୍ତ୍ତି ଜାହାଜରେ ନିଆଁ ଲାଗିଥିଲା। ମିଳିଥିବା ସୂଚନା ଅନୁସାରେ ମାରାତ୍ମକ ବିସ୍ଫୋରକ ଆମୋନିୟମ ନାଇଟ୍ରେଟ ଏହି ବିସ୍ଫୋରଣର କାରଣ। ଏକ ହ୍ୟାଙ୍ଗରରେ ୨୭୫୦ ଟନ ଆମୋନିୟମ ନାଇଟ୍ରେଟ ଷ୍ଟୋର କରାଯାଇଥିଲା। ସାର କିମ୍ବା ବୋମା ମାଧ୍ୟମରେ ପ୍ରଥମ ନିଆଁ ଲାଗିଥିବା ଅନୁମାନ କରାଯାଉଛି।

ଏପରିକି ଲେବାନନ ୧୨ଟି ପୋର୍ଟ ହ୍ୟାଙ୍ଗରରେ ବିପୁଳ ଆମୋନିୟମ ନାଇଟ୍ରେଟ ରଖାଯାଇଥିବା ନେଇ ପୂର୍ବରୁ ମଧ୍ୟ ଅନେକ ଚିନ୍ତା ପ୍ରକଟ କରିଥିଲେ। ୬ ବର୍ଷ ଧରି ଲେବାନନ ସରକାର ଏନେଇ କୁଆଡ଼େ ଅବଗତ ଥିଲେ ।   ବର୍ତ୍ତମାନସୁଦ୍ଧା ମିଳିଥିବା ସୂଚନା ଅନୁସାରେ ଯେଉଁଠାରେ ବିସ୍ଫୋରଣ ଘଟିଛି ସେହି ଆମୋନିୟମ ନାଇଟ୍ରେଟ ସେପ୍ଟେମ୍ବର ୨୦୧୩ରେ ରୁଷ ଜାହାଜରେ ଆସିଥିଲା। ଯାହାକି ଜର୍ଜିଆରୁ ମୋଜାମ୍ବିକ ଯାଉଥିଲା। ଯାନ୍ତ୍ରିକ ତ୍ରୁଟି ପାଇଁ ଏହାକୁ ଲେବାନନରେ ଅଟକିବାକୁ ପଡ଼ିଥିଲା।

ତେବେ ନ୍ୟାୟିକ ଝାମେଲା ପାଇଁ ଏହାକୁ ଜାହାଜ କର୍ମଚାରୀ ଛାଡ଼ି ଚାଲି ଯାଇଥିଲେ। ଏହାକୁ ଖାଲି କରିବା ଲାଗି ଲେବାନନ କଷ୍ଟମସ ବାରମ୍ବାର ଚିଠି ଲେଖିଥିଲା। ଲେବାନନ ସେନାକୁ ଏହାକୁ ହସ୍ତାନ୍ତର କରିବାକୁ ଅନୁରୋଧ କରାଯାଇଥିଲା। ଏପରିକି ଏହାକୁ ଅନ୍ୟତ୍ର ପଠାଇ ଦେବାକୁ ମଧ୍ୟ କୁହାଯାଇଥିଲା।  କିନ୍ତୁ ଏହାକୁ କେହି ଧ୍ୟାନ ଦେଇନଥିଲେ।

ଏବେ ବିସ୍ଫୋରଣ ପରେ ତଦନ୍ତର ଆକ୍ସନର କଥା ଉଠୁଛି। ଆକ୍ସନର କଥା ଉଠୁଛି। କିନ୍ତୁ ଯେତିକି ଜୀବନ ଗଲା ସେଥିପାଇଁ କିଏ ଦାୟୀ ରହିବ। ଦେଶବ୍ୟାପୀ ଜରୁରୀ ସ୍ଥିତି ଘୋଷଣା କରାଯାଇଛି। ବିଭିନ୍ନ ଦେଶର ନାଗରିକ ଏଥିରେ ପ୍ରାଣ ହରାଇଛନ୍ତି। ପ୍ରଧାନମନ୍ତ୍ରୀ ମୋଦି ଘଟଣାରେ ଗଭୀର ଦୁଃଖ ପ୍ରକାଶ କରିଛନ୍ତି। ଲେବାବନକୁ ସମସ୍ତ ସହଯୋଗ ଯୋଗାଇଦେବା ଲାଗି ବନ୍ଧୁ ଦେଶମାନେ ଆଗେଇ ଆସିଛନ୍ତି। ଯୁଦ୍ଧ ଏବଂ ଆତଙ୍କବାଦରେ ଜର୍ଜରିତ ଲେବାନନ ଏବେ ଏକ ଦୁଃଖଦ ସ୍ଥିତି ଦେଇ ଗତି କରୁଛି।  

   Related Posts