Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଧମାକାଦାର ଅଫର: ୫୦ ପଇସାରେ ଟି-ଶର୍ଟ, ଦୋକାନରେ ଦଳାଚକଟା, ଟ୍ରାଫିକ୍‌ ଜାମ୍‌ ପାଇଁ ପୋଲିସ ନାକେଦମ୍‌

21/10/2021 at 7:34 PM

ଚେନ୍ନାଇ ୨୧/୧୦: ହର୍‌ ଏକ ଟି-ଶର୍ଟ @ 50 ପଇସା । ୫୦ ପଇସାରେ ମନପସନ୍ଦର ଟି-ଶର୍ଟ ନେଇ ଯାଆନ୍ତୁ । ଧମାକାଦାର ଅଫର ଘୋଷଣା ପରେ ଲୁଗା ଦୋକାନରେ ଲାଗିଥିଲା ଅସମ୍ଭାଳ ଭିଡ଼। ପରିସ୍ଥିତି ଏମିତି ହେଲା ଯେ, ଦୋକାନରେ ଜନ ସମୁଦ୍ର ଦେଖିବାକୁ ମିଳିଥିଲା ସତ କିନ୍ତୁ ରାସ୍ତାଘାଟ ପୂରା ଜାମ୍‌ ହୋଇଯାଇଥିଲା। ଏଭଳି ସ୍ଥିତି ଦେଖି ପୋଲିସର ବୁଦ୍ଧି ଗୁଡୁମ୍‌ ହୋଇଯାଇଥିଲା।

ଶେଷରେ ବାଧ୍ୟ ହୋଇ ଦୋକାନ ବନ୍ଦ କରିବାକୁ ପଡ଼ିଥିଲା । ନୂଆ ଦୋକାନ ଖୋଲିବା ପରେ ଦୋକାନୀ ଜବରଦସ୍ତ ଅଫର ଘୋଷଣା କରିଥିଲେ। କେବଳ ୫୦ ପଇସାରେ ଗୋଟିଏ ଟି-ଶର୍ଟ। ଏମିତି ଅନେକ ପୋଷ୍ଟର ବି ଲାଗିଥିଲା। ଏହା ପରେ ଦୋକାନ​‌ରେ ଭିଡ଼ ଜମିଥିଲା। ତାମିଲନାଡୁ ତିରୁଚିରେ ଉଦଘାଟିତ ଏକ ଦୋକାନରେ ଏହି ଅଫର ଲାଗିଥିଲା।

ଅସମ୍ଭାଳ ଭିଡ଼ ଜମିବା ପରେ ଦୋକାନର ମାଲିକ ହକିମ ମହମ୍ମଦଙ୍କୁ ପୋଲିସ ତାଗିଦ କରିଥିଲା। ଏହା ପରେ ଦୋକାନ ଦିନ ଗୋଟାଏ ଯାଏଁ ବନ୍ଦ କରାଯାଇଥିଲା । ପୁଣି ଥରେ ଦୋକାନ ଖୋଲିବା ପ​‌ରେ ଗ୍ରାହକଙ୍କ ଭିଡ଼ ଜମିଥିଲା । କିନ୍ତୁ ସେତେବେଳକୁ ଅଫର ଅବଧି ସମାପ୍ତ ହୋଇସାରିଥିଲା।

ହକିମ ମହମ୍ମଦଙ୍କ ଅନୁସାରେ, ଅଫର ଦେବା ପାଇଁ ସେ ହଜାରେ ଟି-ଶର୍ଟ ଆଣିଥିଲେ। ଅତ୍ୟଧିକ ଭିଡ଼ କାରଣରୁ କେବଳ ୧୦୦ ଶର୍ଟ ହିଁ ବିକ୍ରି ହୋଇପାରିଥିଲା। ପରେ ଅଫର ଶେଷ ହୋଇଥିବାରୁ ଗ୍ରାହକ ନିରାଶ ହୋଇ ଫେରିଯାଇଥିଲେ । ​‌

   Related Posts