Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିଜିଲାନ୍ସ ଜାଲରେ ଜନସ୍ୱାସ୍ଥ୍ୟ ବିଭାଗ-୨ ସହକାରୀ କାର୍ଯ୍ୟକାରୀ ଯନ୍ତ୍ରୀ, ଏକକାଳୀନ ୬ଟି ସ୍ଥାନରେ ରେଡ୍
  • ||
  • ନୟାଗଡ଼ : ପୋଲିସ କବ୍‌ଜାରେ ୪ ଆନ୍ତଃ ଜିଲ୍ଲା ଡକାୟତ
  • ||

ଭାରତୀୟ ସେନାରେ ୮ ଜଣ କରୋନା ସଂକ୍ରମିତ, ସୁସ୍ଥ ହୋଇ ଡ୍ୟୁଟିରେ ଯୋଗ ଦେଲେ ଜଣେ

17/04/2020 at 5:28 PM

ଶ୍ରୀନଗର ୧୭।୦୪: କରୋନା ଦେଶର ସବୁ ଅଞ୍ଚଳରେ ନିଜର କାୟା ମେଲାଇଛି। ଭାରତୀୟ ସେନା ମଧ୍ୟ ଏହି ବିପଦଜ୍ଜନକ ଭାଇରସ୍‌ରୁ ବର୍ତ୍ତି ପାରି ନାହିଁ। ସେନାଧ୍ୟକ୍ଷ ଜେନେରାଲ ମନୋଜ ମୁକୁନ୍ଦ ନରଓ୍ଵାଣେଙ୍କ ଅନୁଯାୟୀ, ଅଦ୍ୟାବଧି ସେନାର ମୋଟ୍ ୮ ଜଣ କରୋନା ସଂକ୍ରମିତ ହୋଇଛନ୍ତି। ଭଲ ଖବର ଏହା ଯେ, ଜଣେ ସୁସ୍ଥ ହୋଇ ଡ୍ୟୁଟିକୁ ଫେରି ସାରିଛନ୍ତି ଏବଂ ଅନ୍ୟ ଚାରି ଜଣ ଧିରେ ଧିରେ ସୁସ୍ଥ ହେଉଛନ୍ତି।

ଶୁକ୍ରବାର କାଶ୍ମୀର ଗସ୍ତରେ ପହଞ୍ଚିଥିବା ସେନାଧ୍ୟକ୍ଷ ଜେନେରାଲ ନରଓ୍ଵାଣେ  କହିଛନ୍ତି, ଏ ପର୍ଯ୍ୟନ୍ତ ପୂରା ଭାରତୀୟ ସେନାରେ କରୋନାରେ ମୋଟ୍ ୮ ଜଣ ସଂକ୍ରମିତ ହୋଇଛନ୍ତି। ଏଥିରେ ୨ ଜଣ ଡାକ୍ତର ଓ ଜଣେ ନର୍ସିଂ ଆସିଷ୍ଟାଣ୍ଡ ଅଛନ୍ତି। ଅନ୍ୟ ଚାରି ରୋଗୀ ସୁସ୍ଥ ହେଉଛନ୍ତି। ଲଦାଖର ଜଣେ ସଂପୂର୍ଣ୍ଣ ସୁସ୍ଥ ହୋଇ ଡ୍ୟୁଟିରେ ଯୋଗ ଦେଇ ସାରିଛନ୍ତି।

ଶୁକ୍ରବାର ସେନା ପ୍ରମୁଖ କୁପଓ୍ଵାଡାରେ କହିଛନ୍ତି ଯେ, ସମଗ୍ର ଦୁନିଆରେ କରୋନାର ଲଢେଇ ମଧ୍ୟରେ ଭାରତ କେବଳ ନିଜ ପାଇଁ ନୁହଁ ବରଂ ଅନ୍ୟ ଦେଶର ଲୋକଙ୍କୁ ମଧ୍ୟ ସାହାଯ୍ୟ କରୁଛି।  ଦୁନିଆରେ ଔଷଧ ଅଭାବ ଓ ଚିକିତ୍ସା ସେବାର ସଙ୍କଟ ମଧ୍ୟରେ ଭାରତ ଯେଉଁଠି ସବୁ ଦେଶକୁ କରୋନା ଲଢେଇରେ ସହାୟତା କରୁଛି ସେହି ସମୟରେ ପାକିସ୍ତାନ ଆତଙ୍କୀ ଷଡଯନ୍ତ୍ର ରଚି କାଶ୍ମୀରରେ ଅଶାନ୍ତ କରିବାକୁ ପ୍ରୟାସ ଚଳାଇଛି।

ପାକିସ୍ତାନ ସେନା ଅନୁପ୍ରବେଶ ଉଦ୍ୟମ ବ୍ୟତୀତ ଅନେକ ଦିନରୁ ଜାମ୍ମୁ ଓ କାଶ୍ମୀର ସଂଲଗ୍ନ  ନିୟନ୍ତ୍ରଣ ରେଖାରେ ମଧ୍ୟ ପ୍ରବଳ ଗୁଳି ବର୍ଷଣ କରି ସୀମାରେ ଅଶାନ୍ତ ମାହୋଲ ସୃଷ୍ଟି କରିବାକୁ ଉଦ୍ୟମ ଚଳାଇଛି। ପାକିସ୍ତାନ ପକ୍ଷରୁ ଉତ୍ତର କାଶ୍ମୀର ସମେତ ରାଜୌରୀ, ପୁଞ୍ଛ ଓ କଠୁଆର କିଛି ଅଞ୍ଚଳରେ ହୋଇଥିବା ଗୁଳିମାଡ କାରଣରୁ ଅନେକ ସ୍ଥାନୀୟ ନାଗରିକଙ୍କ ପ୍ରାଣହାନୀ ମଧ୍ୟ ଘଟିଛି।

   Related Posts