ପାଟଣା, ୦୬/୦୬: କେନ୍ଦୁଝର ଜିଲ୍ଲା ସାହରାପଡା ବ୍ଲକ ଗୋରାଣ୍ଡିଯୋଡି ମାଟିଆ ସାହି ସ୍ଥିତ ଓଡିଶା ଆଦର୍ଶ ବିଦ୍ୟାଳୟର ନିର୍ମାଣଧୀନ ଛାତ୍ରାବାସରୁ ଲକ୍ଷାଧିକ ଟଙ୍କାର ବିଦ୍ୟୁତ ସରଞ୍ଜାମ ଚୋରି ହୋଇଛି । ଏନେଇ ସାହାରପଡା ଫାଣ୍ଡିରେ ଠିକାଦାର ବିଶ୍ୱରଞ୍ଜନ ମହାରଣା ଅଭିଯୋଗ କରିଥିବା ଜଣାପଡ଼ିଛି ।
ଆଦର୍ଶ ବିଦ୍ୟାଳୟ କବାଟ ଭାଙ୍ଗି ଛାତ୍ରାବାସ ଭିତରୁ ୪୫ଟି ସିଲିଂ ଫ୍ୟାନ ଗୋଟିଏ ଜେନେରେଟର, ଏକଜିଷ୍ଟ ଫ୍ୟାନ ଓ ଷ୍ଟ୍ରିଟ୍ ଲାଇଟ ଆଦି ବିଦ୍ୟୁତ ଉପକରଣ କେହି ଦୁର୍ବୁତ୍ତ ଚୋରି କରି ନେଇଥିବା ଠିକାଦାର ଅଭିଯୋଗ କରିଛନ୍ତି । ଅଭିଯୋଗ ପରେ ପୋଲିସ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଥିବା ଫାଣ୍ଡି ଅଧିକାରୀ ଶିବ ପ୍ରସାଦ ଆଇଚ ସୂଚନା ଦେଇଛନ୍ତି ।
