Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଭାରସାମ୍ୟ ହରାଇ ବ୍ରିଜ୍ ଉପରୁ ୨୦ଫୁଟ ତଳକୁ ଖସିଲା ବାଇକ୍, ୨ ଗୁରୁତର
  • ||
  • ନୀଳଗିିରି : ବିଦ୍ୟୁତ ବିଲ୍ ବୃଦ୍ଧି ପ୍ରତିବାଦରେ ସିପିଆଇର ରାସ୍ତାରୋକ
  • ||
  • ଢେଙ୍କାନାଳ : ମାଛ ଧରିବାକୁ ଯାଇ ନଦୀରେ ବୁଡିଗଲେ ମାଛ ଧରାଳି, ଚାଲିଗଲା ଜୀବନ
  • ||
  • ଭୁବନେଶ୍ବର : ଖରା ପାଇଁ ପାନୀୟ ଜଳ ବିଭାଗର ଛୁଟି ବାତିଲ
  • ||
  • ୨ ବିଶ୍ୱବିଦ୍ୟାଳୟରେ ନୂଆ କୁଳପତି, ରାଜଭବନ ପକ୍ଷରୁ ବିଜ୍ଞପ୍ତି ପ୍ରକାଶ
  • ||
  • ଭୁବନେଶ୍ବର : ଡାକ୍ତରଖାନା ପାଇଁ କୋଭିଡ୍ ଗାଇଡ୍‌ଲାଇନ୍, ଆବଶ୍ୟକତା ନଥିଲେ ସଂକ୍ରମିତଙ୍କୁ ଆଡମିଶନ ମନା
  • ||
  • ସରିଲା ରାଜ୍ୟ କ୍ୟାବିନେଟ୍‌ ବୈଠକ, ୯ଟି ପ୍ରସ୍ତାବ ଉପରେ ବାଜିଲା ମୋହର
  • ||
  • ଭୁବନେଶ୍ବର : BMCର ପେଡ୍ କ୍ବାରେଣ୍ଟାଇନ୍ ବ୍ୟବସ୍ଥା, ନନ୍ ଏସି ୧୦୯୯ ଓ ଏସି ରୁମ୍ ୧୪୯୯ ଟଙ୍କା
  • ||
  • ଭୁବନେଶ୍ବର : ପିପିଲି ହିଂସା ଘଟଣା, ମୁଖ୍ୟ ନିର୍ବାଚନ ଅଧିକାରୀଙ୍କୁ ଭେଟିଲା ବିଜେଡି
  • ||
  • କରଞ୍ଜିଆ : ବିଡିଓଙ୍କ ମନମୁଖୀ କାର୍ଯ୍ୟକୁ ବିରୋଧ, ବ୍ଲକ କାର୍ଯ୍ୟାଳୟରେ ତାଲା ପକାଇ ନିର୍ବାଚିତ ଜନ ପ୍ରତିନିଧିଙ୍କ ଧାରଣା ୪ର୍ଥ ଦିନରେ
  • ||

ବିଶ୍ୱସ୍ୱାସ୍ଥ୍ୟ ସଂଗଠନ ମହାନିର୍ଦେଶକ ଟେଡରସ ଅଧନମ: କରୋନା ଭାଇରସ୍‌ରେ ଅଧିକ କବଳିତ ଯୁବପିଢ଼ି

22/03/2020 at 12:54 PM

ନୂଆଦିଲ୍ଲୀ ୨୨/୦୩: କରୋନା ଭାଇରସ ଦିନକୁ ଦିନ ଭୟଙ୍କର ରୂପ ନେବାରେ ଲାଗିଛି| ଏହି ଭାଇରସକୁ ବିଶ୍ୱ ସ୍ୱାସ୍ଥ୍ୟ ସଂଗଠନ ମହାମାରୀ ନାଁ ଦେଇଛି | ବିଶ୍ୱସ୍ୱାସ୍ଥ୍ୟ ସଂଗଠନ ମହାନିର୍ଦେଶକ ଟେଡରସ ଅଧନମ କହିଛନ୍ତି ଯେ, ଯୁବପିଢ଼ି ମଧ୍ୟ ଏଥିରେ ସୁରକ୍ଷିତ ନୁହନ୍ତି | ଯୁବପିଢ଼ି ନିଜକୁ ସୁରକ୍ଷିତ ଭାବିବା ଭୁଲ | ରିପୋର୍ଟ ଅନୁଯାୟୀ, ଭାଇରସ ଯୁବପିଢ଼ିଙ୍କୁ ଅଧିକ କବଳିତ କରିବ | ଏପର୍ଯ୍ୟନ୍ତ ଆମେ ଜାଣିଚୁ ଯେ, ଭାଇରସରେ ପ୍ରାପ୍ତ ବୟସ୍କ ଓ ଶିଶୁ ଅଧିକ ଆକ୍ରାନ୍ତ ହେବାର ସମ୍ଭାବନା ରହିଛି | ଯୁବପିଢ଼ିଙ୍କ ଭିତରେ ଭାଇରସ ବ୍ୟାପିବାର ସମ୍ଭାବନା କମ | କିନ୍ତୁ ଶୁକ୍ରବାର ମିଳିଥିବା ରିପୋର୍ଟ ଅନୁଯାୟୀ, ବିଶ୍ୱର ଅନେକ ଦେଶରେ ୫୦ ବର୍ଷରୁ କମ ବୟସ୍କ ଲୋକ ଅଧିକ ଆକ୍ରାନ୍ତ ହୋଇଛନ୍ତି |

ଟେଡରସ ଅଧନମ ଆଜି ଯୁବପିଢ଼ିଙ୍କୁ ଏକ ମେସେଜ ଦେଇଛନ୍ତି | ଭାଇରସ ଯୁବପିଢ଼ିଙ୍କୁ ମଧ୍ୟ ଆକ୍ରାନ୍ତ କରିପାରେ ଏବଂ ଏଥିରୁ ମୃତ୍ୟୁ ମଧ୍ୟ ହୋଇପାରେ ବୋଲି ସେ ସ୍ପଷ୍ଟ କରିଛନ୍ତି | ସେ ଆହୁରି କହିଛନ୍ତି ଯେ, ଯଦିବା ଯୁବପିଢ଼ି ସୁସ୍ଥ ଅନୁଭବ କରୁଛନ୍ତି ତଥାପି କେଉଁଠାକୁ ଯିବା ଉଚିତ କେଉଁଠାରୁ ନିଜକୁ ଦୁରେଇ ରହିବାକୁ ହେବା ତାହା ଜାଣିରଖିବା ଦରକାର |

ମେଡିକାଲ ରିସର୍ଚ୍ଚ ଅନୁଯାୟୀ, ଯେଉଁମାନେ କରୋନାରେ ଆକ୍ରାନ୍ତ କିମ୍ବା ଯେଉଁପିଢୀ ଆକ୍ରାନ୍ତ ତଥାପି ସେମାନଙ୍କ ଭିତରେ କୌଣସି ଲକ୍ଷଣ ଦେଖାନଦିଏ ସେମାନଙ୍କ ସଂସ୍ପର୍ଶରେ ଆସି ଅନେକ ଲୋକ ଆକ୍ରାନ୍ତ ହେବାର ସମ୍ଭାବନା ରହିଛି | ଏହା ଉଭୟ ଯୁବପିଢ଼ି ଓ ପ୍ରାପ୍ତ ବୟସ୍କଙ୍କ ପାଇଁ ଭୟାନକ ବୋଲି ସେ କହିଛନ୍ତି |

ଡିସେମ୍ବର ୩୧ ତାରିଖରେ ଚୀନ ବିଶ୍ୱ ସ୍ୱାସ୍ଥ୍ୟ ସଂଗଠନକୁ ରିପୋର୍ଟ ପ୍ରଦାନ କରିବ ପରଠାରୁ କରୋନାରେ ଏଯାଏଁ ୨ ଲକ୍ଷ ୧୦ ହଜାର ଆକ୍ରାନ୍ତ ହୋଇଥିବାବେଳେ ୯ ହଜାରରୁ ଅଧିକ ଲୋକଙ୍କ ମୃତ୍ୟୁ ହୋଇସାରିଲାଣି | 

ବିଶ୍ୱ ସ୍ୱାସ୍ଥ୍ୟ ସଂଗଠନ ମହା ନିର୍ଦେଶକ ଟେଡରସ ଅଧନମ ଆଡ଼ଭାଇଜାରୀ ଜାରି କରିବ ସହ କିଛି ଜରୁରୀ ପଦକ୍ଷେପ ଆପଣେଇବାକୁ ନିର୍ଦେଶ ଦେଇଛନ୍ତି | ଏଥିପାଇଁ ନିଜ ସ୍ୱାସ୍ଥ୍ୟ ପରୀକ୍ଷା କରିବ ସହ ନିଜ ଖାଦ୍ୟପେୟ ପ୍ରତି ବିଶେଷ ଦୟାନ ଦେବାକୁ କହିଛନ୍ତି | ଯେଉଁ ଖାଦ୍ୟ ଖାଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇଥାଏ ସେହିଭଳି ଖାଦ୍ୟ ଖାଇବା ପାଇଁ ସେ ଲୋକଙ୍କୁ ପରାମର୍ଶ ଦେଇଛନ୍ତି | ମଦ, ଥଣ୍ଡା ପାନୀୟ, ଆଇସ କ୍ରିମ, ଆଦି ଠାରୁ ଦୁରେଇ ରହିବା ଦରକାର | ଧୂମପାନ ନ କରିବା ପାଇଁ ନିର୍ଦେଶ ଦେଇଛନ୍ତି | ଧୂମପାନ କରିବା ଦ୍ୱାରା ଅକ୍ରାଙ୍କଙ୍କ ମଧ୍ୟରେ କରୋନା ସଂକ୍ରମଣ ବଢିବାର ଅନେକ ସମ୍ଭାବନା ରହିଛି | ଯଦି ବାହାରକୁ ଚାଲିବା ପାଇଁ ଯାଉଛନ୍ତି ତାହେଲେ ଆବଶ୍ୟକୀୟ ବ୍ୟବଧାନ ବଜାୟ ରଖିବାକୁ ନିର୍ଦେଶ ଦେଇଛନ୍ତି | ଅଧିକ ଚିନ୍ତା ନ କରି ନିଜେ ସଚେତନ, ସୁରକ୍ଷିତ ରହିବା ପାଇଁ ଲୋକଙ୍କୁ ପରାମର୍ଶ ଦେଇଛନ୍ତି |

   Related Posts