Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ‘ଜଓ୍ଵାଦ’ ପ୍ରଭାବ: ଆସନ୍ତାକାଲି ୧୯ ଜିଲ୍ଲାରେ ସ୍କୁଲ ଛୁଟି
  • ||
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ଯୁବକଙ୍କୁ ପିଟି ପିଟି ହତ୍ୟା: ତାତିଲେ ଗାଁ ଲୋକ, ହତ୍ୟାକାରୀଙ୍କ ଗିରଫ ଦାବିରେ କଲେ ରାସ୍ତା ଅବରୋଧ

15/06/2020 at 4:58 PM

ଢ଼େଙ୍କାନାଳ୧୫/୬: ଢେଙ୍କାନାଳ ସଦର ଥାନା ଅନ୍ତର୍ଗତ କଳା ପାଣି ନିକଟସ୍ଥ ରାଇପୁରଠାରେ ଜଣେ ଯୁବକକୁ ସଂଘବଦ୍ଧ ଭାବେ ପିଟି ପିଟି ହତ୍ୟା କରାଯାଇଛି । କଟକ ମେଡିକାଲରେ ଗୁରୁତର ଅବସ୍ଥାରେ ତାଙ୍କର ମୃତ୍ୟୁ ହୋଇଥିବେଳେ ମୃତ ଯୁବକଙ୍କ ନିଜ ଗାଁରେ ଉତ୍ତେଜନା ଲାଗି ରହଛି। ଏପରି କି ଶବ ବ୍ୟବଚ୍ଛେଦ ପରେ ଆଜି ଅପରାହ୍ନରେ  ଯୁବକଙ୍କ ମୃତଦେହ ଢେଙ୍କାନାଳ ଆସିବ ପରେ ମୃତ ଯୁବକଙ୍କ ଗ୍ରାମ ତରଭା ଗ୍ରାମବାସୀ କଳା ପାଣି ଛକଠାରେ ରାସ୍ତାରେ ମୃତଦେହ ରଖି ଅବରୋଧ କରିଛନ୍ତି ।

ହତ୍ୟାକାରୀଙ୍କୁ ତୁରନ୍ତ ଗିରଫ ଦାବିରେ ଆଜି ରାସ୍ତାରେ ରୋକ କରିଛନ୍ତି ଗ୍ରାମବାସୀ। ଘଟଣା ସ୍ଥଳରେ ସଦର ଥାନା ପୁଲିସ ଓ ଏସଡ଼ିପିଓ ପୁଲିସ ଫୋର୍ସ ସହ ପହଁଞ୍ଚି ବୁଝାସୁଝା ଜାରି ରଖିଛନ୍ତି । ମିଳିଥିବା ସୂଚନା ମୁତାବକ, ମୃତ ଯୁବକ ତରଭା ଗ୍ରାମର ଚିକୁନ ବିଶ୍ବାଳ ବୋଲି ଜଣାପଡିଛି । ଗତ କାଲି ସଦର ଥାନା ଅନ୍ତର୍ଗତ କାଙ୍କଡ଼ପାଳର କିଛି ଯୁବକଙ୍କ ବଚସା ହୋଇଥିଲା । ଫଳରେ କାଙ୍କଡ଼ପାଳର କିଛି ଯୁବକ ଢେଙ୍କାନାଳ ସହର ବାଜିଚୌକର କିଛି ଯୁବକ ମିଶି ଚିକୁନକୁ ଜବରଦସ୍ତ ବାଇକରେ ନେଇ ରାଇପୁରଠାରେ ସଂଘବଦ୍ଧ ଭାବେ ଆକ୍ରମଣ କରିଥିଲେ ।

ତେବେ ତାଙ୍କ ଅବସ୍ଥା ସଙ୍କଟପନ୍ନ ହେବାରୁ ତାଙ୍କୁ ଢେଙ୍କାନାଳ ମୁଖ୍ୟ ଡକ୍ଟରଖାନରେ ପକାଇ ପଳାଇଥିଲେ । ପରେ ଅବସ୍ଥା ସଂଙ୍କଟାପନ୍ନ ହେବାରୁ କଟକ ସ୍ଥାନାନ୍ତରିତ ହୋଇଥିଲେ । ମାତ୍ର ଗତକାଲି ବିଳମ୍ବିତ ରାତିରେ କଟକରେ ତାଙ୍କର ମୃତ୍ୟୁ ହୋଇଛି। ହତ୍ୟାକାଣ୍ଡର ସଠିକ କାରଣ ଜଣ ନପଡିଥିଲେ ମଧ୍ୟ ସଦର ପୁଲିସ ଏହି ହତ୍ୟାକାଣ୍ଡରେ ୪ ଜଣଙ୍କ ଅଟକ ରଖିଥିଲେ ମଧ୍ୟ ଗିରଫ ନ ଦର୍ଶାଇ ଛାଡି ଦେବାକୁ ମସୁଧା କରୁଛି ବୋଲି ଅଭିଯୋଗ ଉଠାଇଛନ୍ତି ତରଭା ଗ୍ରାମବାସୀ । ଗତ ୨୦୧୭ମ ସିହାରେ ତାରଭାର ବହୁ ଚର୍ଚ୍ଚିତ ସଲମାନ ରାଉତ ହତ୍ୟାଅଭିଯୁକ୍ତ ମାନଙ୍କ ଘରପୋଡି ମାମଲାରେ ଅଭିଯୁକ୍ତ ଭାବେ ଚିକୁନ ଗିରଫ ହୋଇ ଥିଲେ । ତେବେ ଗତ ୫ ମାସ ପୂର୍ବେ ସେ  ଜାମିନରେ ଆସିଥିବା ଜଣାପଡିଛି ।

   Related Posts