Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସଚିନ୍ ପାଇଲଟ୍‌ଙ୍କ ଫୁସଫୁସରେ ସଂକ୍ରମଣ, ଆଜି ଆସିବ ଟେଷ୍ଟ ରିପୋର୍ଟ
  • ||
  • ବରିଷ୍ଠ ବିଜେପି ନେତାଙ୍କ ବିବାଦୀୟ ବୟାନ୍-‘ମୁସଲମାନ୍ ପ୍ରାର୍ଥୀଙ୍କୁ କେବେ ବି ଦେବୁନି ଟିକେଟ୍’
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୩୯ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୧୮ କରୋନା ସଂକ୍ରମିତ, ୩୧୮୭୨୫ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଆଜି ପ୍ରଧାନମନ୍ତ୍ରୀଙ୍କ ‘ଟିକା’ ସମୀକ୍ଷା, ଭ୍ୟାକସିନ୍ ବିକାଶରେ ଲାଗିଥିବା ୩ କମ୍ପାନୀ ସହ ଆଲୋଚନା
  • ||
  • ଆସନ୍ତାକାଲିଠୁ ପ୍ରସିଦ୍ଧ କୋଣାର୍କ ମହୋତ୍ସବ: କୋଭିଡ଼ କଟକଣା ମଧ୍ୟରେ ପାଳିତ ହେବ ଉତ୍ସବ
  • ||
  • ଆଜି ପବିତ୍ର କାର୍ତ୍ତିକ ପୂର୍ଣ୍ଣିମା : ଡଙ୍ଗା ଭସା ଉପରେ ରୋକ , କୋଭିଡ କଟକଣା ଯୋଗୁଁ ଉତ୍ସବ ଫିକା
  • ||
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||

ଗାଁ କମିଟିର କଠୋର ନିଷ୍ପତ୍ତି: ନିୟମ ନ ମାନିବାରୁ ୩ ପରିବାରକୁ ବାସନ୍ଦ

14/07/2020 at 3:53 PM

ଖୋର୍ଦ୍ଧା୧୪/୭: ପୁଣି ସାମ୍ନାକୁ ଆସିଲା କଙ୍ଗାରୁ କୋର୍ଟର କଳା କାରନାମା। ନିୟମ ନମାନିବାରୁ ଗାଁରୁ ବାସନ୍ଦ ହୋଇଛନ୍ତି ୩ ଟି ପରିବାର । ନିଜ ଜାଗାରେ ଥିବା ଗଛ ନ କାଟିବାରୁ ଗାଁ କମିଟି ନେଇଛି ଏଭଳି କଠୋର ନିଷ୍ପତ୍ତି । ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଗେଡିଆପଲ୍ଲୀ ଗ୍ରାମରେ ଦେଖିବାକୁ ମିଳିଛି ଏଭଳି ଅଭାବନୀୟ ଘଟଣା ।

କଙ୍ଗାରୁ କୋର୍ଟର ବିଚିତ୍ର ନିଷ୍ପତ୍ତି। ଗଛ ନକାଟିବାରୁ ବାସନ୍ଦ ହେଲେ ପରିବାର ଉକ୍ତ ଗ୍ରାମର ସୁଦର୍ଶନ ନାଟୁଆ ଏବଂ ତାଙ୍କ ଦୁଇ ପୁଅ ଗାଁ କମିଟି ନେଇଥିବା ନିଷ୍ପତ୍ତିକୁ ଅବମାନନା କରିବା କାରଣରୁ ତାଙ୍କୁ ଗାଁରେ କରାଯାଇଛି ବାସନ୍ଦ । ଏଥିସହିତ ସେମାନଙ୍କ ସହ ଗାଁର ଯିଏ କଥା ହେବ ତାକୁ ଜୋରିମାନା ବାବଦକୁ ୫ ଶହ ଟଙ୍କା ଦେବାକୁ ନିୟମ କରାଯାଇଛି । ଯଦି ଜୋରିମାନା ନ ଦିଅନ୍ତି ତେବେ ଉକ୍ତ ପରିବାରକୁ ଗାଁରୁ ବାସନ୍ଦ କରାଯିବ ବୋଲି କୁହାଯାଇଛି। ତେବେ ଏତିକିରେ ଥମିନି ଗାଁର ତଥାକଥିତ ବଡ଼ ପଣ୍ଡା ମାନଙ୍କ ଔଦ୍ଧତାମୀ । ସୁଦର୍ଶନଙ୍କ ଘର ନିକଟରେ ଥିବା ଦୋକାନୀକୁ କୌଣସି ସାମଗ୍ରୀ ଦେବାକୁ ମଧ୍ୟ ବାରଣ କରାଯାଇଛି । ଗାଁ ନିଷ୍ପତ୍ତିରେ ଦୀର୍ଘଦିନ ଧରି ବାସନ୍ଦ ପରିବାର ନ୍ୟାୟ ପାଇଁ ଖୋର୍ଦ୍ଧା ଜିଲ୍ଲାପାଳ, ଏସପି ଏବଂ ସ୍ଥାନୀୟ ଥାନାର ଦ୍ବାରସ୍ଥ ହୋଇ ନ୍ୟାୟ ଭିକ୍ଷା କରିଛନ୍ତି।

ସେହିଭଳି ଗ୍ରାମର ଚିତ୍ରା ପ୍ରଧାନଙ୍କ ପରିବାର ସୁଦର୍ଶନଙ୍କ ପରିବାର ସହ କଥା ହେବାରୁ ଗାଁ କମିଟିକୁ 500ଟଙ୍କା ଜୋରିମାନା ଦେଇଥିବା କହିଛନ୍ତି । ଗ୍ରାମର ନିରଞ୍ଜନ ପ୍ରଧାନ ସୁଦର୍ଶନଙ୍କ ପୁଅ କାର୍ତ୍ତିକ ନାଟୁଆ ସହ କଥା ହୋଇ ଜୋରିମାନା ନଦେବାରୁ ଗାଁରୁ ବାସନ୍ଦ ହୋଇଥିବା କହିଛନ୍ତି ।ସରକାରଙ୍କ ନିୟମକୁ ଉଲ୍ଲଂଘନ କରି ଗାଁ କମିଟି ନେଇଥିବା ନିଷ୍ପତ୍ତିକୁ ଗ୍ରାମରେ ଥିବା ସମସ୍ତ ପରିବାର ମାନିବା ଦ୍ବାରା କାହା ସହ ମିଶି ନପାରି ଗାଁରୁ ବାସନ୍ଦ ହୋଇଥିବା ପରିବାର ଏବେ ଚିନ୍ତାରେ ପଡିଛନ୍ତି । ଜରୁରୀ ସାମଗ୍ରୀ ପାଇଁ ଘର ନିକଟ ଦୋକାନୀ ପାଖକୁ ଗଲେ ଗାଁ କମିଟି ଭୟରେ କୌଣସି ସାମଗ୍ରୀ ବାସନ୍ଦ ପରିବାରକୁ ନଦେବାରୁ ଦହଗଞ୍ଜ ହେଉଛନ୍ତି ବାସନ୍ଦ ପରିବାର । କେବଳ ସେତିକି ନୁହେଁ ବାସନ୍ଦ ହୋଇଥିବା ପରିବାର ର ପିଲାମାନଙ୍କର ଶିକ୍ଷାଦାନରେ ବ୍ୟାଘାତ ଉପୁଜୁଛି।  ଏନେଇ ଖୋର୍ଦ୍ଧା ଏସ୍‌ପିଙ୍କ ଦ୍ବାରସ୍ଥ ହୋଇଛନ୍ତି ଗେଡିଆପଲ୍ଲୀର ତିନିଟି ବାସନ୍ଦ ପରିବାର।

ସାମାଜିକ ବାସନ୍ଦ ଯୋଗୁଁ ଗେଡିଆପଲ୍ଲୀର ତିନିଟି ପରିବାର ଅନେକ ଅସୁବିଧା ରେ ଜୀବନ କାଟୁଛନ୍ତି । ନ୍ୟାୟ ପାଇବା ନେଇ  ଖୋର୍ଦ୍ଧା ଏସ୍ପି ଙ୍କ ଦ୍ବାରସ୍ଥ ହୋଇଛନ୍ତି।  ଏନେଇ  ଏକ ମାମଲା ରୁଜ୍ଜୁ  ହୋଇଛି ଏହାର ତଦନ୍ତ ଚାଲିଥିବା ଖୋର୍ଦ୍ଧା ଅତିରିକ୍ତ ଏସ୍‌ପି ମାୟାଧର ସେଠୀ କହିଛନ୍ତି। 

   Related Posts