Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

୧୫ ଲକ୍ଷ ମୂଲ୍ୟର କପା ନେଇ ଭୂଆଁ ବୁଲାଉଥିଲେ ବ୍ୟବସାୟୀ, ଟ୍ରକ ଅଟକାଇଲେ ଚାଷୀ, କହିଲେ- ଆଗେ ଟଙ୍କା ଦିଅ, ତା ପରେ…

14/01/2021 at 7:36 PM

ସାନଖେମୁଣ୍ଡି ୧୪।୦୧: ଚାଷ କାମ ଯାହାର  କି ଆନନ୍ଦ ତାହାର। ଉକ୍ତି ଟି ଶୁଣିବାକୁ ସିନା ଭଲ ଲାଗେ ବାସ୍ତବରେ ଚାଷୀ କେତେ ଯେ କଷ୍ଟ କରି ମୁଣ୍ଡ ଝାଳ ତୁଣ୍ଡରେ ମାରି  ଫସଲ ଉପୁଜାଏ ତାହା ନିଜେ ହିଁ କହି ପାରିବ।  ତଥାପି ସେ ତାର ପାରିଶ୍ରମିକ ପାଇ ପାରେ ନାହିଁ। ଏଭଳି ଏକ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଶେରଗଡ଼ ବ୍ଲକ ଲାଞ୍ଜିଆପଲ୍ଲୀ ଗାଁର।

୨୦୧୭ ମସିହା ବିମୁଦ୍ରିକରଣ ସମୟରେ ଶେରଗଡ଼ ବ୍ଲକ ଲାଞ୍ଜିଆପଲ୍ଲୀ ଗାଁର ଶହେରୁ ଉର୍ଦ୍ଧ୍ବ କପା ଚାଷୀ  ସମ୍ବଲପୁରର ଜଣେ ବ୍ୟବସାୟୀ ସିରାଜ ମହମ୍ମଦଙ୍କ କଥାରେ ପଡି ପ୍ରାୟ ୧୫ ଲକ୍ଷ ଟଙ୍କାର କପା  ଦଲାଲ ହାତକୁ ଟେକି ଦେଇଥିଲେ। ପାଞ୍ଚ ଲକ୍ଷ ଟଙ୍କା ଦେଇ ଚାରି ବର୍ଷରୁ ଉର୍ଦ୍ଧ୍ଵ ସମୟ ହୋଇ ଯାଇଥିଲେ ହେଁ ସେ କପା ବ୍ୟବସାୟୀ ଏବଂ ଦଲାଲ ଚାଷୀଙ୍କୁ ପ୍ରତିଶ୍ରୁତି ହିଁ ଦେଇ ଆସୁଛନ୍ତି। ଏବେ ସୁଦ୍ଧା  ଦଶ ଲକ୍ଷ ଟଙ୍କା ପାଇ ନାହାନ୍ତି ଚାଷୀ। କଳା ବେପାରୀଙ୍କ ହାବୁଡ଼ରେ ପଡି ଅଭାବୀ ବିକ୍ରିର ଶିକାର ହୋଇ ଦଲାଲଙ୍କ ଜୁଲୁମ ଶିକାର ହୋଇଛନ୍ତି ଶତାଧିକ ଚାଷୀ। ତେବେ ଏହି ଦୁଃଖ ବୁଝିବ ଆଉ ଚାଷୀଙ୍କ କପା ନେଇଥିବା ଦଲାଲ ଠାରୁ ଚାଷୀ ପ୍ରାପ୍ୟ ପାଇବେ କିପରି ? ତାକୁ ନେଇ କପା ଚାଷୀ ଚିନ୍ତିତ। ଏଣୁ ସରକାର ପ୍ରଶାସନ ନିକଟରେ ଗୁହାରି କରିଛନ୍ତି ଶେରଗଡ଼ ର ଚାଷୀ।

ସବୁ ବର୍ଷ ଭଳି ଏହି ସମ୍ବଲପୁର ବ୍ୟବସାୟୀ ଚାଷୀଙ୍କୁ ଭୂୟାଁ ବୁଲାଇ ବକେୟା ଟଙ୍କା ପ୍ରଦାନ କରିବା ନାଁରେ ପୁଣି ସେହି ଗାଁରୁ କପା ଚାଷୀଙ୍କ ଠାରୁ କପା ନେଉଥିଲେ। ହେଲେ ଠକେଇର ଶିକାର ହେଉଥିବା ଚାଷୀ ଏହା ଜାଣିବା ପରେ ବ୍ୟବସାୟୀ ପଠାଇ ଥିବା କପା ବୋଝେଇ ଟ୍ରକଟିକୁ ଗାଁ ମୁଣ୍ଡରେ ଅଟକାଇ ରଖିଥିଲେ। ପରେ ଫୋନ ଯୋଗେ ସମ୍ବଲପୁର କପା  ବ୍ୟବସାୟୀ ସିରାଜ ମହମ୍ମଦ ଏବଂ ଦଲାଲ ଚାଷୀଙ୍କୁ ଫୋନ କରି ବକେୟା ଦଶ ଲକ୍ଷ ପ୍ରଦାନ ପରେ ଟ୍ରକ ଛଡ଼ାଯିବ ବୋଲି କହିଥିଲେ।

ବ୍ୟବସାୟ ଜଣଙ୍କ ଚାଷୀ ସେହି ଟ୍ରକ ମୋ ର ନୁହେଁ ମୋ ଭଣଜାର ବୋଲି କହି ଫାଙ୍କି ଟ୍ରକଟିକୁ ଖସାଇ ବାକୁ ଉଦ୍ୟମ କରିଥିଲେ। ତଥାପି ମାନି ନ ଥିଲେ ଚାଷୀ। ଚାଷୀ ପ୍ରଶାସନିକ ଅଧିକାରୀଙ୍କଠାରୁ ଆରମ୍ଭ  କରି ବିଭାଗୀୟ ଅଧିକାରୀ  ପୋଲିସ ବିଭାଗ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ ହେ ଫଳ ଶୂନ। ବାଧ୍ୟ ହୋଇ ଟ୍ରକ ଟିକୁ ଗାଁ ମୁଣ୍ଡରେ ଅଟକାଇ ରଖିଛନ୍ତି ଚାଷୀ।  ବକେୟା ଟଙ୍କା ପ୍ରଦାନ କଲେ ଟ୍ରକ ଟିକୁ ଛଡା ଯିବ ବୋଲି ଚାଷୀ କହିଥିବା ବେଳେ ଏନେଇ କୌଣସି RMC ଅଧିକାରୀ କିମ୍ବା କର୍ମଚାରୀଙ୍କ ପ୍ରତିକ୍ରିୟା ମିଳି ପାରି ନାହିଁ।

   Related Posts