Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟି-୨୦ ବିଶ୍ବକପର ଧମାକାଦାର ଆରମ୍ଭ : PNGକୁ ୧୦ ଓ୍ବିକେଟରେ ହରାଇଲା ଓମାନ, କମାଲକଲେ ଭାରତୀୟ ବଂଶୋଦ୍ଭବ ଜତୀନ୍ଦର ସିଂହ
  • ||
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ସହଯୋଗୀଙ୍କ ଘରେ ଭିଜିଲାନ୍ସ ଚଢ଼ାଉ, ଜବତ ହେଲା ୨୦ ଲକ୍ଷ
  • ||
  • ଜାମ୍ମୁ କାଶ୍ମୀରରେ ଆତଙ୍କବାଦୀଙ୍କ ଉତପାତ୍‌ ଜାରି, ୨ ଅଣ-କାଶ୍ମୀରୀଙ୍କୁ ନିର୍ମମ ହତ୍ୟା
  • ||
  • ବିସିସିଆଇ ନୂତନ କୋଚ୍ ଏବଂ ସପୋର୍ଟିଂ ଷ୍ଟାଫ ପାଇଁ ମଗାଇଲା ଆବେଦନ, ଏମିତି ରହିଛି ସର୍ତ୍ତ
  • ||
  • ରାଜ୍ୟରେ ଆସନ୍ତା ୨୪ ଘଣ୍ଟା ମଧ୍ୟରେ ହେବ ବଜ୍ରପାତ, ୧୭ ଜିଲ୍ଲାକୁ ସତର୍କ ସୂଚନା
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||

ବଢିଲା କୁଳପତିଙ୍କ କାର୍ଯ୍ୟକାଳ, ଏବେ ସବୁ ବିଶ୍ଵ ବିଦ୍ୟାଳୟ ପାଇଁ ଗୋଟିଏ ଆଇନ, ଉଚ୍ଛେଦ ହେଲା ରେଭେନ୍ସା ବିଶ୍ଵ ବିଦ୍ୟାଳୟ ଆକ୍ଟ

2/09/2020 at 7:21 PM

ଭୁବନେଶ୍ଵର ୦୨।୦୯: ଏବେ ରାଜ୍ୟରେ ସବୁ ବିଶ୍ଵ ବିଦ୍ୟାଳୟ ପରିଚାଳନା ପାଇଁ ରହିବ ଗୋଟିଏ ଆଇନ। ବିଶ୍ଵ ବିଦ୍ୟାଳୟରୁ ଉଠିଲା ସିନେଟ୍  ବ୍ୟବସ୍ଥା। ଆଜି ଅନୁଷ୍ଠିତ ରାଜ୍ୟ  କ୍ୟାବିନେଟ୍‌ ବୈଠକରେ ଶିକ୍ଷା ବିଭାଗକୁ ନେଇ ଏହି ଗୁରୁତ୍ଵପୂର୍ଣ୍ଣ ନିଷ୍ପତ୍ତି ନିଆଯାଇଛି। ଆଉ ଏକ ନିଷ୍ପତ୍ତି କ୍ରମେ ୧୯୮୯ ଉଚ୍ଚଶିକ୍ଷା ଆଇନରେ ସଂଶୋଧନ ପ୍ରସ୍ତାବକୁ ମଞ୍ଜୁରୀ ମିଳିଛି। ଏହା ସହିତ କୂଳପତିଙ୍କ କାର୍ଯ୍ୟକାଳ ବୃଦ୍ଧି ନିଷ୍ପତ୍ତି ହୋଇଛି।

ବୈଠକ ପରେ ଏହାର ସୂଚନା ଦେଇ ବିଭାଗୀୟ ସଚିବ କହିଛନ୍ତି ବୈଠକରେ ୧୯୮୯ ଉଚ୍ଚଶିକ୍ଷା ଆଇନରେ ସଂଶୋଧନ ପ୍ରସ୍ତାବକୁ ମଞ୍ଜୁରୀ ମିଳିଛି। ୨୦୦୫ ରେଭେନ୍ସା ବିଶ୍ଵ ବିଦ୍ୟାଳୟ ଆକ୍ଟ ଉଚ୍ଛେଦ କରାଯାଇଛି। ଏବେ ରାଜ୍ୟରେ ସବୁ ବିଶ୍ଵ ବିଦ୍ୟାଳୟ ପରିଚାଳନା ପାଇଁ ଗୋଟିଏ ଆଇନ ରହିବ। ଏପରିକି ବିଶ୍ଵ ବିଦ୍ୟାଳୟରୁ ସିନେଟ୍ ହଟିବ ଏବଂ ସିଣ୍ଡିକେଟ୍ ଅଧିକ କ୍ରିୟାଶୀଳ  ହେବ। ବର୍ତ୍ତମାନ ରାଜ୍ୟରେ ଥିବା ସମସ୍ତ ବିଶ୍ଵ ବିଦ୍ୟାଳୟର ଅଲଗା ଅଲଗା ଆଇନ ରହିଛି। ସେହି ଅନୁସାରେ ବିଶ୍ଵ ବିଦ୍ୟାଳୟର ପରିଚାଳନା ହେଉଥିଲା।

ଏହା ସହିତ କୂଳପତିଙ୍କ କାର୍ଯ୍ୟକାଳ ୪ ବର୍ଷକୁ ବୃଦ୍ଧି  କରିବାକୁ ନିଷ୍ପତ୍ତି ହୋଇଛି। ପୂର୍ବେ କୁଳପତିଙ୍କ କାର୍ଯ୍ୟକାଳ ୩ ବର୍ଷ ରହିଥିଲା। କୁଳପତି ଚୟନ ପାଇଁ ଥିବା ଚୟନ କମିଟିରେ ସରକାର ପକ୍ଷରୁ ଜଣେ ଶିକ୍ଷାବିତ୍ ରହିବେ। କୁଳପତିଙ୍କ ସର୍ବୋଚ୍ଚ ବୟସସୀମା ୬୫ ବର୍ଷରୁ ୬୭ ବର୍ଷକୁ ବୃଦ୍ଧି ନିଷ୍ପତ୍ତି ହୋଇଛି। ଏହା ସହିତ ବିଶ୍ଵ ବିଦ୍ୟାଳୟର ଶିକ୍ଷକ ଚୟନ ଦାୟିତ୍ଵ ଓପିଏସସିକୁ ଦେବାକୁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି।

   Related Posts