କର୍ଣ୍ଣାଟକ୦୨/୧୦: ଆପଣ ଅନେକ ପ୍ରକାରର ମନ୍ଦିର ଦେଖିଥିବେ, କିନ୍ତୁ ଏପରି ଏକ ମନ୍ଦିର ଅଛି ଯାହା ବିଷୟରେ ଜାଣି ଆପଣ ଆଶ୍ଚର୍ଯ୍ୟ ହୋଇଯିବେ।ଏହି ମନ୍ଦିର କୌଣସି ଭଗବାନଙ୍କର ନୁହେଁ। କର୍ଣ୍ଣାଟକର ମଙ୍ଗଲୁରୁରେ ଅବସ୍ଥିତ ଏହି ମନ୍ଦିର ମହାତ୍ମା ଗାନ୍ଧୀଙ୍କର।
{"width":636,"height":377}କେବଳ ଭାରତରେ ନୁହେଁ ସମଗ୍ର ବିଶ୍ୱରେ ମହାତ୍ମା ଗାନ୍ଧୀଙ୍କ ପ୍ରଶଂସକ ଅଛନ୍ତି, ଯେଉଁମାନେ ତାଙ୍କ ବିଚାରକୁ ଅନୁସରଣ କରନ୍ତି। ଏହା ସହିତ, ଲୋକ ଗାନ୍ଧିଜୀଙ୍କ ସ୍ମୃତିରେ କିଛି ବିଶେଷ କରିଥାନ୍ତି। କିନ୍ତୁ, ମଙ୍ଗଲୁରୁର ଶ୍ରୀ ବ୍ରହ୍ମା ବାଇଦାରକାଲା କ୍ଷେତ୍ର ଗାରୋଡିରେ ଏହି ମନ୍ଦିରରେ ମହାତ୍ମା ଗାନ୍ଧୀଙ୍କୁ ଦେବତା ପରି ପୂଜା କରାଯାଏ।
{"width":636,"height":439}୧୯୪୮ ମସିହାରେ, ଏଠାରେ ଗାନ୍ଧିଜୀଙ୍କ ଏକ ମାଟି ପ୍ରତିମୂର୍ତ୍ତି ସ୍ଥାପନ କରାଯାଇଥିଲା। ତା’ପରେ ଲୋକଙ୍କ କହିବା ଅନୁଯାୟୀ ୨୦୦୬ ରେ ଏକ ମନ୍ଦିର ନିର୍ମାଣ କରାଯାଇଥିଲା। ଏହି ମନ୍ଦିରରେ ଗାନ୍ଧିଜୀଙ୍କ ଏକ ମାର୍ବଲ ପ୍ରତିମୂର୍ତ୍ତି ସ୍ଥାପନ କରାଯାଇଛି। ଗାନ୍ଧିଜୀଙ୍କୁ ପ୍ରତିଦିନ ୩ ଥର ପୂଜା କରାଯାଏ ଏବଂ ତାଙ୍କର ଆରତୀ କରାଯାଏ। କେବଳ ଏତିକି ନୁହେଁ, ଏଠାରେ ବିଶେଷ ପୂଜାପାଠ ମଧ୍ୟ ଆୟୋଜିତ ହୋଇଥାଏ। ଫଳ ଏବଂ ମିଠା ସହିତ ବ୍ଲାକ୍ କଫି ଗାନ୍ଧିଜୀଙ୍କୁ ଭୋଗ ଲଗାଯାଏ। ସେହି ବ୍ଲାକ୍ କଫିକୁ ଭକ୍ତମାନଙ୍କ ମଧ୍ୟରେ ପ୍ରସାଦ ଆକାରରେ ବଣ୍ଟନ କରାଯାଏ।