ନୂଆଦିଲ୍ଲୀ ୧୬।୧୦ ମହାମାରୀ କରୋନା ରୋକିବାକୁ ସରକାର ମାଗଣାରେ ଟିକା କରଣ ଅଭିଯାନ ଚଳାଇଥିଲେ । କିନ୍ତୁ କିଛି ଲୋକ ଟିକା ନନେବା ପାଇଁ ବାରଣ କରୁଛନ୍ତି । ଏହାରି ମଧ୍ୟରେ ଏମିତି କିଛି ଘଟଣା ଦେଖିବାକୁ ମିଳିଛି । ଯାହାକି ଟିକା ନ ପାଇବା ପାଇଁ ମଧ୍ୟ ସେମାନେ ସାପ ଦେଖାଇ ଡାକ୍ତରୀଙ୍କ ଦଳକୁ ଭୟଭୀତ କରିବାକୁ ଚେଷ୍ଟା କରୁଛନ୍ତି।
ତେବେ ଏହି ମାମଲା ରାଜସ୍ଥାନର ଅଜମେର ଜିଲ୍ଲା ଏଭଳି ଆଶ୍ଚର୍ଯ୍ୟ ଘଟଣା ଦେଖିବାକୁ ମିଳିଛି । ଲୋକଙ୍କ କରୋନା ଟୀକାକରଣ ପାଇଁ ଏଠାରେ ମେଡିକାଲ ବିଭାଗ ଦ୍ୱାରା ଏକ ଅଭିଯାନ ଚାଲିଛି। ଏହି ବିଭାଗୀୟ ଦଳମାନେ ଘର ଘର ଦ୍ୱାରକୁ ଯାଇ ଲୋକଙ୍କୁ ଟୀକାକରଣ ବିଷୟରେ ଅବଗତ କରାଉଛନ୍ତି ଏବଂ ଟିକା ଉପଲବ୍ଧତା ଆଧାରରେ ଟୀକାକରଣ ମଧ୍ୟ କରାଯାଉଛି।
ଯେତେବେଳେ ଡାକ୍ତରୀ ବିଭାଗର ଟିମ୍ ପିସଙ୍ଗାନ ସବଡିଭିଜନ୍ ଅଞ୍ଚଳର ନାଗେଲାଭ ଗ୍ରାମର ଏକ ବସ୍ତିରେ ପହଞ୍ଚିଥିଲେ, ସେତେବେଳେ ମହିଳା ସାପ ଦେଖାଇ ତାଙ୍କୁ ଭୟଭୀତ କରିବା ଆରମ୍ଭ କରିଥିଲେ। ମହିଳା ଟିକା ନେବାକୁ ମନା କରିଦେଇଥିଲେ। ଚିକିତ୍ସା ବିଭାଗର ଅଧିକାରୀଙ୍କ କହିବାନୁସାରେ, ଟୀକାକରଣର ୧୦୦ ପ୍ରତିଶତ ହାସଲ କରିବା ଲକ୍ଷ୍ୟରେ ଟୀକାକରଣ ଅଭିଯାନ ଚାଲିଛି। ନାଗେଲାଭ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ କାର୍ଯ୍ୟ କରୁଥିବା ଡକ୍ଟର ଚାରୁଙ୍କ ନିର୍ଦ୍ଦେଶରେ ଡାକ୍ତରୀ ଦଳ କଲବେଲିଆ ଶିବିରରେ ପହଞ୍ଚିଥିଲେ। ବହୁ ପ୍ରବର୍ତ୍ତାଇବା ପରେ, ଏହି ମହିଳା ଜଣକ ଟିକା ନେବାକୁ ରାଜି ହୋଇଥିଲେ, ଏହା ପରେ ଅନ୍ୟ ଲୋକଙ୍କୁ ମଧ୍ୟ ଟିକା ଦିଆଯାଇଥିଲା।