Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗହଣା ଦୋକାନରୁ ଚୋରି, ଛାତ କଣା କରି ଲୁଟିନେଲେ ୨ କିଲୋର ସୁନା ଅଳଙ୍କାର
  • ||
  • ସାରୁଅ ଜମି କେଳେଙ୍କାରୀ : ଓଡିଶା ଇନଫ୍ରାଟେକ୍‌ର ଦୁଇ କର୍ମଚାରୀ ଗିରଫ, ଶ୍ରମିକଙ୍କୁ ଧମକ ଅଭିଯୋଗରେ ବାନ୍ଧିଲା ବାଘମାରୀ ପୋଲିସ
  • ||
  • IPL 2020: ବୁମରା ଓ ବୋଲ୍ଟଙ୍କ ଶାଣିତ ବୋଲିଂ ପରେ ଇଶାନଙ୍କ ଅର୍ଦ୍ଧଶତକ, ୯ ଓ୍ଵିକେଟ୍‌ରେ ଜିତିଲା ମୁମ୍ବାଇ ଇଣ୍ଡିଆନ୍ସ, ଦିଲ୍ଲୀର କ୍ରମାଗତ ଚତୁର୍ଥ ପରାଜୟ
  • ||
  • ଭୁବନେଶ୍ୱର : ଆସିଲା ଅନଲକ୍ ୬.୦ ଗାଇଡ଼ଲାଇନ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ୧୪୭୦ କରୋନା ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ୧୬ତାରିଖରେ ଖୋଲିବ ସ୍କୁଲ, ନବମରୁ ଦ୍ୱାଦଶ ଶ୍ରେଣୀ ଯାଏଁ ପିଲା ପଢିବାକୁ ଆସିବେ
  • ||
  • ଝରକା ତାଡ଼ି ବ୍ୟାଙ୍କରୁ ଲୁଟ୍ ! ପୋଲିସର ତଦନ୍ତ ଜାରି
  • ||
  • ଭୟଙ୍କର ଭୂକମ୍ପରେ ଥରିଲା ତୁର୍କୀ ଓ ଗ୍ରୀସ : ମୃତ୍ୟୁ ସଂଖ୍ୟା ୧୭କୁ ବୃଦ୍ଧି, ୭ ଶହରୁ ଅଧିକ ଆହତ
  • ||
  • ସାଲେପୁର : ଟ୍ରକକୁ ଧକ୍କାଦେଲା ଆଉ ଏକ ଟ୍ରକ, ଜଣେ ମୃତ
  • ||

ବିବାହ ପୂର୍ବରୁ ଅପହୃତ ହେଲା ଝିଅ, ସାନ ଭଉଣୀ କଲା ଏମିତି କାମ…

19/05/2019 at 11:09 AM

ସୀତାପୁର ୧୯|୫: ଉତ୍ତରପ୍ରଦେଶ ସୀତାପୁରରେ ଏମିତି ଏକ ଘଟଣା ଘଟିଛି ଯାହା ଅନ୍ୟ ମାନଙ୍କ ପାଇଁ ଉଦାହରଣ ପାଲଟିଯାଇଛି । ଜଣେ ଯୁବତୀ ନିଜ ପରିବାରର ସମ୍ମାନ ରକ୍ଷା କରିବା ପାଇଁ ନିଜର ସବୁ ସୁଖକୁ ଜଳାଞ୍ଜଳି ଦେଇଦେଇଛି ।ସୀତାପୁରର ଶିବାନୀ ଏମିତି ଜଣେ ଯୁବକଙ୍କୁ ବିବାହ କରିଛନ୍ତି ଯାହାକୁ ସେ ନା ଜାଣିଛନ୍ତି ନା ଚିହ୍ନିଛନ୍ତି ନା ପସନ୍ଦ କରୁଥିଲେ । ତେବେ କାହିଁକି ସେ ଏଭଳି ପଦକ୍ଷେପ ନେଲେ ।

ସୂଚନା ଅନୁସାରେ ସୀତାପୁରର ଓରିପୁର ଅଞ୍ଚଳରେ ରହୁଥିବା ୧୯ବର୍ଷ ବୟସ୍କା ଶିବାନୀଙ୍କ ବଡ ଭଉଣୀଙ୍କ ବିବାହ ୩ ଏପ୍ରିଲ ୨୦୧୯ରେ ଅପହରଣ ହୋଇଯାଇଥିଲା । ଅପହରଣ ନେଇ ପରିବାର ଲୋକ ଥାନାରେ ଅଭିଯୋଗ କରିଥିଲେ । ୪ଜଣଙ୍କ ବିରୋଧରେ ମାମଲା ମଧ୍ୟ ଦାୟର ହୋଇଛି । ଅପହରଣର ଦୁଇ ଦିନ ପରେ ଯୁବତୀଙ୍କୁ ଉଦ୍ଧାର କରାଯାଇଥିଲା ।

ଏ ଘଟଣା ପରେ ପରିବାରଲୋକ ଶିବାନୀଙ୍କ ବଡ ଭଉଣୀଙ୍କ ବିବାହ ମେ ୧୫ ତାରିଖରେ ବୀର ସିଂହଙ୍କ ସହ ଠିକ୍ କରିଦେଇଥିଲେ । ଉଭୟ ପରିବାର ବିବାହ ପ୍ରସ୍ତୁତିରେ ଲାଗିଯାଇଥିଲେ । ଏ ମଧ୍ୟରେ ପୁଣି ସେହି ୪ ଯୁବକ ପୁଣି ଥରେ ଶିବାନୀଙ୍କ ଭଉଣୀଙ୍କୁ ଅପହରଣ କରିନେଇ ଫେରାର ହୋଇଯାଇଥିଲେ । ପୀଡିତ ପରିବାର ଏ ଘଟଣା ସଂପର୍କରେ ପୋଲିସକୁ ସୂଚନା ଦେଇଥିଲେ । ମାତ୍ର ପୋଲିସ କୌଣସି କାର୍ଯ୍ୟାନୁଷ୍ଠାନ ନେଇନଥିଲା । ଶିବାନୀଙ୍କ ପରିବାରଲୋକ ଥାନାଠୁ ନେଇ ଅଧିକାରୀଙ୍କ ନିକଟରେ ଚକ୍କର କାଟିଥିଲେ ମଧ୍ୟ କୌଣସି ସୁଫଳ ମିଳିନଥିଲା । ବରଂ ୪ଯୁବକ ଖୁଲମଖୁଲା ଘୁରିବୁଲୁଥିଲେ । ପୀଡିତ ପରିବାରକୁ ଧମକ ମଧ୍ୟ ଦେଉଥିଲେ ।

ମେ ୧୫ତାରିଖରେ ଶିବାନୀଙ୍କ ବଡ ଭଉଣୀଙ୍କ ବିବାହ ହେବାର ଥିଲା । ମାତ୍ର ତାଙ୍କ ଅପହରଣ ହେବା କାରଣରୁ ଘରର ସମ୍ମାନ ହାନି ନହେଉ ବୋଲି ଶିବାନୀ ନିଷ୍ପତ୍ତି ନେଇଥିଲେ ଯେ ସେ ବୀର ସିଂହଙ୍କୁ ବିବାହ କରିବାକୁ ରାଜିହୋଇଯାଇଥିଲେ । ଏଥିପାଇଁ ସେ ନିଜେ ବୀର ସିଂହଙ୍କ ସହ କଥା ହୋଇ ତାଙ୍କୁ ରାଜି କରାଇଦେଇଥିଲେ । ଶିବାନୀ ଏବେ ଯୁକ୍ତ ୨ରେ ପଢୁଛନ୍ତି । ସେ ତାଙ୍କର ପାଠପଢା ଶ୍ବଶୁରଘରେ ରହି କରିବେ ବୋଲି କହିଛନ୍ତି । ଉଭୟ ଶିବାନୀ ଏବଂ ବୀର ସିଂହ କହିଛନ୍ତି ସେମାନଙ୍କ ଏଭଳି ନିଷ୍ପତ୍ତି ଉଭୟ ପରିବାରର ସମ୍ମାନ ରକ୍ଷା କରିବ ।

ଅନ୍ୟପଟେ ପୋଲିସ ଅଧିକାରୀ କହିଛନ୍ତି ଯେ, ୪ ଯୁବକଙ୍କ ବିରୋଧରେ ମାମଲା ଦାୟର କରାଯାଇଛି । ତଦନ୍ତ ଜାରି ରହିଛି । ଖୁବ୍ ଶୀଘ୍ର ଯୁବତୀଙ୍କୁ ଉଦ୍ଧାର କରାଯାଇ ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ।

   Related Posts