Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

କୋଭିଡ୍-୧୯ ଲକ୍ଷଣ ଦେଖାଯାଉଥିବା ବ୍ୟକ୍ତିଙ୍କୁ ପଞ୍ଜିକରଣ ପାଇଁ ସାନି ଅପିଲ୍‌ କଲେ ରାଜ୍ୟ ସରକାର: କଥା ନ ମାନିଲେ ଦୃଢ଼ କାର୍ଯ୍ୟାନୁଷ୍ଠାନ

14/04/2020 at 8:35 PM

ଭୁବନେଶ୍ବର୧୪/୪: ରାଜ୍ୟରେ ବଢିଲା କରୋନା ଆକ୍ରାନ୍ତଙ୍କ ସଂଖ୍ୟା । ଦିନକରେ ଆଉ ୫ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଫଳରେ ରାଜ୍ୟରେ କରୋନା ପଜିଟିଭ୍ ସଂଖ୍ୟା ୬୦ ଛୁଇଁଛି । ଆଜି ଚିହ୍ନଟ ୫ ଜଣଙ୍କ ମଧ୍ୟରୁ ଯାଜପୁରର ଜଣେ ଏବଂ ଅନ୍ୟ ୪ଜଣ ଭୁବନେଶ୍ବରର । ଭୁବନେଶ୍ବରର ୪ ପଜିଟିଭଙ୍କ ମଧ୍ୟରୁ ଜଣେ ଝାରପଡାର, ଅନ୍ୟ ୩ଜଣ ବମିଖାଲର । ସବୁ ଆକ୍ରାନ୍ତଙ୍କ ଟ୍ରାଭେଲ ହିଷ୍ଟ୍ରି ଦେଇଛି ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ । ଝାରପଡା ୬୦ ନମ୍ବର ଆକ୍ରାନ୍ତ ଜଣେ ୫୦ ବର୍ଷିୟ ପରୁଷ । ସେ ୪୨ ନମ୍ବର ରୋଗୀଙ୍କ ସଂସ୍ପର୍ଶରେ ଆସିଥିଲେ ।

ସେହିଭଳି ବମିଖାଲର ୩ ଜଣ ଆକ୍ରାନ୍ତ କଣ୍ଟେନମେଣ୍ଟ ଜୋନ୍ ଭିତରୁ ଚିହ୍ନଟ ହୋଇଛନ୍ତି । ସମସ୍ତେ ପୂର୍ବରୁ ଚିହ୍ନଟ ହୋଇଥିବା ବମିଖାଲ ଅଞ୍ଚଳର ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ଜଣାପଡିଛି । ଆକ୍ରାନ୍ତଙ୍କ ମଧ୍ୟରେ ଜଣେ ୭୫ ବର୍ଷିୟ ବୃଦ୍ଧ ଅଛନ୍ତି । ସେହିପରି ଯାଜପୁର ଆକ୍ରାନ୍ତଙ୍କ ଲିଙ୍କ୍ କୋଲକୋତାର ଏକ ମାଛ ଓ ପରିବା ବୋଝେଇ ଗାଡି ବୋଲି ଜଣାପଡିଛି । ଜାଫରପୁର ପଞ୍ଚାୟତ କିଛି ଗାଁକୁ ସିଲ୍ କରିଦେଇଛି ପୋଲିସ । ଏହାକୁ ମିଶାଇ ଯାଜପୁରରେ କରୋନା ଆକ୍ରାନ୍ତଙ୍କ ସଂଖ୍ୟା ୨କୁ ବୃଦ୍ଧି ପାଇଛି ।

ସେପଟେ ସରକାର ଅଧିକ ମାତ୍ରାରେ ସାମ୍ପଲ ପରୀକ୍ଷା ଉପରେ ଗୁରୁତ୍ବ ଦେଇଛନ୍ତି । ପୂର୍ବରୁ ଦୈନିକ ୨ ଶହରୁ ୩ ଶହ ସାମ୍ପଲ ପରୀକ୍ଷା କରାଯାଉଥିବା ବେଳେ ଗତକାଲି ୫୬୪ ଜଣଙ୍କ ସ୍ବାବ୍ ଟେଷ୍ଟ କରାଯାଇଛି । ଏହି ସଂଖ୍ୟାକୁ ୮ଶହକୁ ବଢାଇବାକୁ ଯୋଜନା ହୋଇଛି । ସେପଟେ ଯେଉଁମାନେ କୋଭିଡ ୧୯ ଲକ୍ଷଣ ଥିବା ଅନୁଭବ କରୁଛନ୍ତି ସେମାନେ ତୁରନ୍ତ ୧୦୪କୁ ଫୋନ୍ କରି ନାଁ ପଞ୍ଜିକରଣ କରିବାକୁ ସରକାର ସାନି ଅପିଲ୍ କରିଛନ୍ତି । ନଚେତ୍ ସେମାନେଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କୋଭିଡ-୧୯ ମୁଖପାତ୍ର ସୁବ୍ରତ ବାଗଚୀ ଚେତାଇ ଦେଇଛନ୍ତି ।ଏବେ ସୁଦ୍ଧା ୧୯ ଜିଲ୍ଲାରେ କୋଭିଡ ହସ୍ପିଟାଲ ବ୍ୟବସ୍ଥା କରାସରିଛି । ବାକି ୧ ଜିଲ୍ଲାରେ ସପ୍ତାହେ ଭିତରେ କୋଭିଡ ହସ୍ପିଟାଲ ପ୍ରସ୍ତୁତ ହୋଇଯିବ ବୋଲି ରାଜ୍ୟ ସରକାର ସୂଚନା ଦେଇଛନ୍ତି ।

   Related Posts