Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ପୁରୀ : ମହାପ୍ରଭୁଙ୍କ ଦୁର୍ଲଭ ନାଗାର୍ଜୁନ ବେଶ, ସୁରକ୍ଷା ବଳୟରେ ଶ୍ରୀମନ୍ଦିର, ଦର୍ଶନ ପାଇଁ ଭକ୍ତ ବ୍ୟାକୁଳ
  • ||
  • ମହାପ୍ରଭୁଙ୍କ ଦୁର୍ଲଭ ନାଗାର୍ଜୁନ ବେଶ: ସୁରକ୍ଷା ବଳୟରେ ଶ୍ରୀମନ୍ଦିର, ଦର୍ଶନ ପାଇଁ ଭକ୍ତ ବ୍ୟାକୁଳ
  • ||
  • ଭାରତ-ଅଷ୍ଟ୍ରେଲିଆ ପ୍ରଥମ ଦିନିକିଆ : ଟସ୍ ଜିତିଲା ଅଷ୍ଟ୍ରେଲିଆ, ପ୍ରଥମେ କରିବ ବ୍ୟାଟିଂ
  • ||
  • ଚଳିତ ବର୍ଷ ବିନ୍ଦୁସାଗରରେ ଡଙ୍ଗା ଭସା ଉପରେ ରୋକ୍, ନିଷ୍ପତ୍ତି ନେଲା ବିଏମସି
  • ||

ସ୍ତ୍ରୀର ଖୁସି ପାଇଁ ବୃଦ୍ଧ ବାପ-ମାଆଙ୍କୁ ରାସ୍ତା କଡ଼କୁ ଠେଲି ଦେଲା ପୁଅ…

6/08/2020 at 4:47 PM

ସାଲେପୁର୬/୮: ପୁତ୍ର ସନ୍ତାନ ଟେ ପାଇଁ ବାପା-ମାଆ କେତେ ଯେ ଦେବାଦେବୀଙ୍କୁ ପୂଜା କରନ୍ତି, ତାହାର ଜ୍ବଳନ୍ତା ଉଦାହରଣ ଆପଣ ଦେଖିଥିବେ। କିନ୍ତୁ ବୃଦ୍ଧ ଅବସ୍ଥାରେ ଏହି ପୁଅ ବାପ-ମାଆଙ୍କ ମୁହଁକୁ ଚାହୁଁ ନାହିଁ । ବୁଢ଼ା-ବୁଢ଼ୀ ବୟସରେ ପୁଅ ସାହାରା ଦେବା ବଦଳରେ ଘରୁ ତଡ଼ି ଦେଉଛି। ଆଉ ଏହି ପୁଅ ବାପ-ମାଆର ବୃଦ୍ଧା ଅବସ୍ଥାରେ ସାହାରା ହେବ କଣ ପୁଣି ବାପା-ମାଆଙ୍କୁ ମାଡ଼ ମାରି ରାସ୍ତା କଡ଼କୁ ଠେଲି ଦେଉଛୁ। ଆଉ ବାପା- ମାଆ ବାର ଦୁଆର ଶୁଣ୍ଢି ପିଣ୍ଡା ହୋଇ ଭିକ ମାଗିବା ସହ ମନ୍ଦିର ବେଢ଼ାରେ ଶୋଇ ଭଗବାନଙ୍କୁ ଲୁହ ଭରା ଆଖିରେ ଡ଼ାକି କହୁଛନ୍ତି,ହେ ଭଗବାନ ଆମକୁ ପୁଅ ଦେଉ ନ ଥିଲୁ ତ ଭଲ ଥିଲା ଆଉ ତୋତେ ଡାକି ଡ଼ାକି ବାର ଓଷା ତେର ପରବ କରି ଯେଉଁ ପୁଅକୁ ଆମକୁ ଦେଲୁ, ଏଭଳି ପୁଅ ଆଉ କେଉଁ ବାପା- ମାଆକୁ ଆଉ ଦିଅନି।

ଏଭଳି ଲଜ୍ଜାଜନକ ଘଟଣା ଦେଖିବାକୁ ମିଳିଛି କଟକ ଜିଲ୍ଲା ସାଲେପୁର ବ୍ଲକ ଡିଙ୍ଗେଶ୍ବର ଗାଁରେ। ଏହି ଗାଁର କୈଳାସ ଚନ୍ଦ୍ର ସାମଲ ଓ ମା’ କିରଣବାଳା ସାମଲଙ୍କ ଏକମାତ୍ର ପୁଅ ସୁବ୍ରତ ସାମଲ, ବୃଦ୍ଧ ବାପା ମା ଙ୍କୁ ଚଳିତ ମାସ ଅର୍ଥାତ୍ ୦୨-୦୮-୨୦୨୦ ବିଳମ୍ବିତ ରାତିରେ ମାଡ଼,ତଣ୍ଟିଆ ମାରି ଘରୁ ବାହାର କରିଦେଲା। କହିଲା ଆଉ ଘରକୁ ଆସିଲେ,”ତୁମ ଦୁଇ ଜଣଙ୍କୁ ଜୀବନରୁ ମାରିଦେବି। ଭୟରେ ବୁଢ଼ା ବାପ ମା ଜୀବନ ବିକଳରେ ସେହିଦିନଠାରୁ ବାହାରେ ବୁଲୁଛନ୍ତି। ଆଉ ଯଦି କିଏ ଦେଲା ଖାଉଛନ୍ତି ନ ହେଲେ ନାହିଁ। ଆଉ ରହିବା ଶୋଇବା ସ୍ଥାନ ସ୍ଥାନୀୟ ମନ୍ଦିର।

ବାପା ମା ଙ୍କୁ ଘରୁ ପୁଅ ସୁବ୍ରତ ମାଡ଼ ମାରି ଘରୁ ତଡ଼ି ଦେବା କାରଣ ବଡ଼ ଅଜବ୍ ! କାରଣ ହେଲା ନିଜର ସ୍ତ୍ରୀ, ଯାହାକୁ ପୁଅ ସୁବ୍ରତ ଆଜକୁ ପ୍ରାୟ ୭ ବର୍ଷ ତଳେ ବିବାହ କରିଥିଲା,ସେ ଏବେ ଆଉ ସ୍ବାମୀ ପାଖରେ ପାଖାପାଖି ୯ ମାସ ହେଲା ରହୁ ନାହାନ୍ତି। ତାଙ୍କର ୫ ବର୍ଷ ର ଝିଅ କୁ ସାଙ୍ଗରେ ନେଇ ସ୍ତ୍ରୀ ତାଙ୍କ ବାପ ଘରେ ରହୁଛନ୍ତି। କାରଣ ସ୍ବାମୀ ସୁବ୍ରତ ସବୁ ସମୟରେ ସ୍ତ୍ରୀ ଙ୍କୁ ମାରଧର କରନ୍ତି। ଫଳରେ ନିଜକୁ ସୁରକ୍ଷିତ ମନେ ନ କରି ବାପ ଘରକୁ ଚାଲିଯାଇଛନ୍ତି। ଆଉ ନିଜ ସ୍ତ୍ରୀ ଫେରାଇ ଆଣିବାକୁ ବାପା ମା ଙ୍କୁ ବାଧ୍ୟ କରି ନିଜ ଶ୍ଵଶୁର ଘରକୁ ପଠାଇ ଥିଲେ। ହେଲେ ସ୍ବାମୀର ଏହି ଗୁଣ୍ଡା ଗିରି ରେ ସ୍ତ୍ରୀ ଏବଂ ତାଙ୍କ ବାପଘର ଲୋକେ ଝିଅ କୁ ଛାଡ଼ିବାକୁ ନାରାଜ୍। ତେଣୁ ବାପ ମା ପୁଅ ର ସ୍ତ୍ରୀକୁ ନ ଆଣିବାରୁ ପୁଅ ସୁବ୍ରତ ମାଡ଼ ମାରି ଘରୁ ବିଦା କରିଦେଲା।

ଏଠି ଦୋଷ କଲା କିଏ ଆଉ ଦଣ୍ଡ ପାଉଛି କିଏ ? କୈଳାଶ ସାଲେପୁର ଥାନାରେ ଏତଲା ଦେଇଥିଲେ ସୁଦ୍ଧା ପୋଲିସ ର କୈାଣସି କାର୍ଯ୍ୟାନୁଷ୍ଠାନ ନ ନେବା, ଏହି ବୃଦ୍ଧ ବାପା ମା ଙ୍କ ପାଇଁ ବିପଦ ସୃଷ୍ଟି କରୁଛି। ଯଦି ତୁରନ୍ତ କାର୍ଯ୍ୟାନୁଷ୍ଠାନ ନ ନିଆଯାଏ ତାହେଲେ ଏଭଳି ପୁଅ ମାନେ ବାପାମା ଙ୍କୁ ନିଜର କ୍ରୀତଦାସ ବୋଲି ଭାବିବେ। ଯେଉଁ ମା’ର ୧୦ ମାସ ନିଜ ଗର୍ଭରେ ରଖି ଏହି ପୁଅକୁ ସଂସାରରେ ହାତ ଧରି ବାଟ ଚଲାଇଲା, ଆଜି ସେହି ପୁଅ ବୁଢ଼ୀ ମା’ର ହାତ ବିଚ୍ ରାସ୍ତା ରେ ଛାଡି ଦେଲା। ଏହାକୁ ଆମେ କ’ଣ କହିବା, ମଣିଷ ନା ଅମଣିଷ। ଖବର ଆମର ଆଉ ବିଚାର ଆପଣଙ୍କର।

   Related Posts