ଭୁବନେଶ୍ବର୩୧/୫: ଯାହା ପୂର୍ବରୁ କୁହାଯାଉଥିଲା ଜୁନ୍ ୧୭ରେ ଖୋଲିବ ସ୍କୁଲ ସେମିତି କିନ୍ତୁ ସମ୍ଭାବନା ନାହିଁ। ଜୁଲାଇ ମାସରେ ସ୍କୁଲ ଖୋଲିବା ଉପରେ ନିଷ୍ପତି ନେବ ବିଦ୍ୟାଳୟ ଓ ଗଣଶିକ୍ଷା ବିଭାଗ। ସେପଟେ କରୋନା କଟକଣା ଯୋଗୁଁ ପାଠ ପଢାରେ ଉପୁଜିଛି ବାଧା। ଆସନ୍ତାକାଲିଠାଲୁ ଆରମ୍ଭ ହେବାକୁ ଯାଉଛି ଯୁକ୍ତ ଦୁଇ ଇ -ଭାଲ୍ୟୁସନ।
ଜୁନ୍ ୧୭ରେ ଖୋଲିବ ନାହିଁ ସ୍କୁଲ । ଏମିତି ଜୁନ ମାସରେ ବି ଖୋଲିବନି। ଜୁଲାଇ ମାସରେ କରୋନା ସ୍ଥିତିର ଅନୁଧ୍ୟାନ ପରେ ସ୍କୁଲ କେବେ ଖୋଲିବ ସେ ନେଇ ନିଷ୍ପତ୍ତି ନିଆଯିବ । କେନ୍ଦ୍ର ସରକାର ଜାରି କରିଥିବା ସାନି ଗାଇଡଲାଇନ ଅନୁସାରେ ଜୁଲାଇ ମାସ ପୂର୍ବରୁ ସ୍କୁଲ ଖୋଲିବା ସମ୍ଭାବନା ନାହିଁ। ସେହିପରି ଲକ୍ଡାଉନ ଯୋଗୁ ଅଧାରେ ରହିଛି ଯୁକ୍ତ ଦୁଇ ପରୀକ୍ଷା। ଆସନ୍ତାକାଲିଠାରୁ ଯୁକ୍ତ ଦୁଇ ଇ ମୂଲ୍ୟାୟନ ଆରମ୍ଭ ହେବ।
କାଲି ଠାରୁ ରାଜ୍ୟର ୩୬ଟି ଅନଲାଇନ ମୁଲ୍ୟାୟନ କେନ୍ଦ୍ରରେ ହେବ ଯୁକ୍ତ ୨ ଖାତା ଦେଖା । ୨ଟି ପର୍ଯ୍ୟାୟରେ ଏବଂ ୨ଟି ସିଫ୍ଟରେ ହେବ ଇ ମୁଲ୍ୟାୟନ । ପ୍ରଥମ ସିଫ୍ଟ ସକାଳ ୭ଟାରୁ ଦିନ ୧୨ଟା୩୦ ଓ ଦ୍ବିତୀୟ ସିଫ୍ଟ ଅପରାହ୍ନ ୧ଟାରୁ ସନ୍ଧ୍ୟା ୬ଟା ୩୦ ଯାଏଁ ଚାଲିବ । ଜୁନ୮ ତାରିଖରୁ ଅଫଲାଇନରେ ଖାତା ମୁଲ୍ୟାୟନ ହେବ । ୨୩ଟି କେନ୍ଦ୍ରରେ ପରୀକ୍ଷା ଖାତା ମୁଲ୍ୟାନ ହେବ । କିଛି କେନ୍ଦ୍ରରେ କେରାନା କ୍ବାରେଣ୍ଟିନ ସେଣ୍ଟର କରାଯାଇଥିବାରୁ ଖାତା ଦେଖାରେ ବାଧା ଉପୁଜିବା ସମ୍ଭାବନା ରହିଛି। ତେଣୁ କେନ୍ଦ୍ରଗୁଡିକୁ ପ୍ରଥମେ ସାନିଟାଇଜ କରାଯିବ। ଏଥିସହ ମାସ୍କ ପିନ୍ଧିବା ଓ ଦୂରତା ଉପରେ ଗୁରୁତ୍ବ ଦିଆଯିବ। ୪୫ ଦିନ ମଧ୍ୟରେ ରେଜଲ୍ଟ ପ୍ରକାଶ କରିବାକୁ ଲକ୍ଷ୍ୟ ଧାର୍ଯ୍ୟ ରଖାଯାଇଛି।
୩ ଲକଡାଉନ ଯୋଗୁ ଅନଲାଇନ ପାଠ ପଢାକୁ ଗୁରୁତ୍ବ ଦେଉଛନ୍ତି ସରକାର । ହେଲେ ଅନଲାଇନ କ୍ଲାସ ସେମିତି କିଛି ଆଶାନୁରୂପ ଫଳ ଦେଉନି। ଗାଁ ଗହଳିର ଗରିବ ପିଲାଙ୍କ ପାଖରେ ନା ଅଛି ହାଇସ୍ପିଡ ଇଣ୍ଟରନେଟ ସୁବିଧା ନ ପାଖରେ ଅଛି ଆଣ୍ଡ୍ରଏଡ ଫୋନ । କାଳବୌଶାଖୀ ଯୋଗୁ ବିଜୁଳି ବାଧକ ସାଜିବା ସହ ଅନଲାଇନ କ୍ଲାସ କରି ପାରୁ ନାହାନ୍ତି। ଫଳରେ ଅନଲାଇନ କ୍ଲାସର ଫାଇଦା ଉଠାଇ ପାରୁ ନାହାନ୍ତି ଗାଁ ଗହଳିର ଗରିବ ଛାତ୍ର ଛାତ୍ରୀ।
ବିଜ୍ଞାନର ବାୟୋଲୋଜି, ଇକୋନୋମିକ୍ସ, ଷ୍ଟାଟିଷ୍ଟିକ୍ସ, ଆନ୍ଥ୍ରୋପୋଲୋଜି, ସୋସିଓଲୋଜି, ଭଳି ବଳକାଥିବା ୨୩ ଟି ପରୀକ୍ଷା ଜୁଲାଇ ପ୍ରଥମ ସପ୍ତାହରେ କରିବାକୁ ଯୋଜନା କରିଛି ବିଭାଗ। ପରୀକ୍ଷା ୧୫ ଦିନ ପୁର୍ବରୁ ଏ ନେଇ ନୋଟିଫିକେସନ କରିବ ଉଚ୍ଚ ମାଧ୍ୟମିକ ଶିକ୍ଷା ପରିଷଦ।
