Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶେଷ ହେଲା ମାଟ୍ରିକ୍ ଅଫଲାଇନ୍ ପରୀକ୍ଷା, ୧୧ ରୁ ଆରମ୍ଭ ହେବ ମୂଲ୍ୟାୟନ
  • ||
  • ଉପର ମୁଣ୍ଡରେ ନାହିଁ ବଡ ବର୍ଷା, ରେଙ୍ଗାଳିରୁ ଗୋଟିଏ ଗେଟ୍ ଦେଇ ନିଷ୍କାସନ ହେଉଛି ବନ୍ୟାଜଳ
  • ||
  • ସାଲେପୁର : AC ମେକାନିକ୍‌ଙ୍କ କାରନାମା, ମହିଳାଙ୍କ ଗାଧୁଆ ଘରେ ରେକର୍ଡିଂ ମୋଡ୍‌ରେ ମୋବାଇଲ୍ ରଖି ହେଲେ ଗିରଫ
  • ||
  • ଦେଶରେ କମୁଛି ସଂକ୍ରମଣ : ୨୪ ଘଣ୍ଟାରେ ବାହାରିଲେ ୪୨ହଜାରରୁ ଅଧିକ ପଜିଟିଭ୍
  • ||
  • ଦେଶରେ କମୁଛି ସଂକ୍ରମଣ : ୨୪ ଘଣ୍ଟାରେ ବାହାରିଲେ ୪୨ହଜାରରୁ ଅଧିକ ପଜିଟିଭ୍
  • ||
  • ବାରିପଦା : ଆଜିଠୁ ଖୋଲିଲା ଦ୍ବିତୀୟ ଶ୍ରୀକ୍ଷେତ୍ର, ମୟୂରଭଞ୍ଜର ସମସ୍ତ ମଠ ମନ୍ଦିରରେ ଦର୍ଶନ କରିପାରିବେ ଶ୍ରଦ୍ଧାଳୁ
  • ||
  • ମହାକାଳପଡା : ଆଜିଠୁ ଖୋଲିଲା ଐତିହାସିକସ୍ଥଳୀ ହୁକିଟୋଲା, ଜଳଯାତ୍ରାର ମଜା ଉଠାଉଛନ୍ତି ପର୍ଯ୍ୟଟକ
  • ||
  • ବୌଦ୍ଧ : ଚୋରା ଚାଲାଣ ବେଳେ ୧୬ପେଟି କଫ୍ ସିରପ୍ ଜବତ, ସ୍କର୍ପିଓ ସହ ଜଣେ ଗିରଫ
  • ||
  • ଇତିହାସ ରଚିଲା ଭାରତୀୟ ହକି ଟିମ୍, ୪୧ ବର୍ଷ ପରେ ଅଲିମ୍ପିକ୍ସରେ ଜିତିଲା ପଦକ
  • ||
  • ଇତିହାସ ରଚିଲା ଭାରତୀୟ ହକି ଟିମ୍, ୪୧ ବର୍ଷ ପରେ ଅଲିମ୍ପିକ୍ସରେ ଜିତିଲା ପଦକ
  • ||

ପ୍ରଥମ ପର୍ଯ୍ୟାୟ ସେରୋ ସର୍ଭେର ରିପୋର୍ଟ ବିଏମସିକୁ ହସ୍ତାନ୍ତର କଲା ଆରଏମଆରସି: ସ୍ବାସ୍ଥ୍ୟ ଟିମ୍‌ର ତର୍ଜମା

3/08/2020 at 7:02 PM

ଭୁବନେଶ୍ବର୩/୮: ଭୁବନେଶ୍ୱରରେ ପ୍ରାୟ ୨୦ ହଜାରରୁ ଅଧିକ ଲୋକଙ୍କ ଦେହରେ ସୃଷ୍ଟି ହୋଇଛି ଆଣ୍ଟିବଡ଼ି । ଅର୍ଥାତ କରୋନାରେ ସଂକ୍ରମଣ ହୋଇବି ଏହି ଲୋକମାନେ ନିଜର ପ୍ରତିରୋଧକ ଶକ୍ତି ବୃଦ୍ଧି ଯୋଗୁଁ ସୁସ୍ଥ ହୋଇଛନ୍ତି । ବିନା କରୋନା ଔଷଧ ଖାଇ ନିଜ ଦେହରେ କରୋନା ଭୁତାଣୁ ଅଛି ନଜାଣି ସାମାନ୍ୟ ଥଣ୍ଡାକାଶ ଭାବି ଦେଶୀ ଉପଚାର କରି ସୁସ୍ଥ ହୋଇଛନ୍ତି ଏତେ ସଂଖ୍ୟକ ଲୋକ । ତାହା ପୁଣି ଜୁଲାଇ ମାସ ସୁଧା । ଭୁବନେଶ୍ବରରେ କରାଯାଇଥିବା ସେରୋ ସର୍ଭେ ରିପୋର୍ଟରୁ  ଏହି ତଥ୍ୟ ସାମ୍ନାକୁ ଆସିଛି ।

ଜୁଲାଇ ମାସରେ ଭୁବନେଶ୍ବରରେ ହୋଇଥିବା ସେରୋ ସର୍ଭେରୁ ଜଣା ପଡିଛି ଯେ ୧.୪ ପ୍ରତିଶତ ଲୋକଙ୍କ ଦେହରେ ଆଣ୍ଟିବଡି ସୃଷ୍ଟି ହୋଇଛି । ୨୫ ଶହ ଲୋକଙ୍କ ଉପରେ ପ୍ରଥମ ପର୍ଯ୍ୟାୟରେ ହୋଇଥିବା ସେରୋ ସର୍ଭେ ଅନୁଯାୟୀ ପ୍ରାୟ ୩୮ ଜଣଙ୍କ ଦେହରେ କରୋନା ଆଣ୍ଟିବଡ଼ି ସୃଷ୍ଟି ହୋଇଛି।  ଯେହେତୁ ଭୁନେଶ୍ବରର ଲୋକସଂଖ୍ୟା ୧୦ ଲକ୍ଷରୁ ଅଧିକ ସେଥିପାଇଁ ଆଣ୍ଟିବଡି ଥିବା ଲୋକଙ୍କ ସଂଖ୍ୟା ୨୦ ହଜାର ଡେଇଁବ ବୋଲି କୁହାଯାଉଛି । ଆରଏମଆରସି ଓ ଆଇଏଲଏସ ପକ୍ଷରୁ  କରାଯାଇଥିବା କମ୍ୟୁନିଟି ସେରୋ ସର୍ଭେରୁ ଏହି ତଥ୍ୟ ହସ୍ତଗତ ହୋଇଛି । ଜୁନ ମାସରେ ଏହି ସର୍ଭେ କରାଯାଇଥିଲା ।

ପ୍ରଥମ ପର୍ଯ୍ୟାୟ ସେରୋ ସର୍ଭେର ରିପୋର୍ଟ ବିଏମସିକୁ ହସ୍ତାନ୍ତର କରିଛି ଆରଏମଆରସି । ସର୍ଭେ ରିପୋର୍ଟ ପାଇବା ପରେ ବିଏମସିର ସ୍ବାସ୍ଥ୍ୟ ଟିମ୍ ଏହାକୁ ତର୍ଜମା କରୁଛି । ସେପଟେ ଭୁବନେଶ୍ବରରେ ଅଗଷ୍ଟ ୧୬ରୁ ପୁଣି ଆରମ୍ଭ ହେବ ଦ୍ବିତୀୟ ପର୍ଯ୍ୟାୟ ସର୍ଭେ। ଜୁଲାଇ ମାସରେ ହୋଇଥିବା ସଂକ୍ରମଣ ଏବଂ ଆଣ୍ଟିବଡ଼ି ସୃଷ୍ଟି ଉପରେ ଏହି ସର୍ଭେ କରାଯିବ । ସେରୋ ସର୍ଭ ରିପୋର୍ଟ ଆଧାରରେ ଖୁବଶିଘ୍ର ବିଏମସି ତାର ରଣନୀତି ପ୍ରସ୍ତୁତ କରିବ ବୋଲି ଜଣା ପଡିଛି ।

ସେପଟେ ଆଜିଠାରୁ ଗଞ୍ଜାମରେ ଦ୍ବିତୀୟ ପର୍ଯ୍ୟାୟ ସେରୋ ସର୍ଭେ ଆରମ୍ଭ ହେଉଛି। ୨୫ ଶହ ସାମ୍ପୁଲକୁ ନେଇ ଗଞ୍ଜାମ ଜିଲ୍ଲାରେ ହେବ ସର୍ଭେ । ସେହିପରି ଗ୍ରାମାଞ୍ଚଳରେ କରୋନା ସଂକ୍ରମଣ ଉପରେ ତର୍ଜମା ପାଇଁ କଟକ ଜିଲ୍ଲା ବଡ଼ମ୍ବା ନରସିଂହପୁରରେ ୯୦୦ କମ୍ୟୁନିଟି ଓ ୬୦୦ ହାଇରିସ୍କ ଗ୍ରୁପ୍ ଙ୍କ ଠାରେ ସେରୋ ସର୍ଭେ କରାଯିବ।

   Related Posts