Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଟୋକୁ ଧକ୍କା ଦେଲା କାର୍, ଜଣେ ମୃତ, ୪ ଗୁରୁତର
  • ||
  • ବାଇକ୍ ସହ ଧକ୍କା ହୋଇ ରାସ୍ତା କଡକୁ ଖସିଲା ବସ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ସେନେଗଲ୍‌ ଉପକୂଳ ସମୁଦ୍ରରେ ବୁଡ଼ିଗଲା ଶରଣାର୍ଥୀଙ୍କ ଡଙ୍ଗା: ୧୪୦ ଜଣଙ୍କ ମୃତ୍ୟୁ, ବଞ୍ଚିଗଲେ ୬୦
  • ||
  • ରାଜଧାନୀରୁ ଆଉ ୮୭ କରୋନା ଆକ୍ରାନ୍ତ ଚିହ୍ନଟ, ସୁସ୍ଥ ହେଲେ ୨୩୭
  • ||
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଦୂରଦର୍ଶନରେ ଆରମ୍ଭ ହେଲା ‘ରାମାୟଣ’, ସେଦିନର ସୀତାଙ୍କୁ ଏବେ ଦେଖି ହୋଇଯିବେ ଆଶ୍ଚର୍ଯ୍ୟ

28/03/2020 at 7:10 PM

ମୁମ୍ବାଇ ୨୮। ୩: ଅଶୀ ଦଶକର ଲୋକପ୍ରିୟ ଟେଲିସିରିୟଲ ରାମାୟଣ ପୁଣି ଥରେ ଦୂରଦର୍ଶନରେ ପ୍ରସାରିତ ହେଉଛି। ରାମାୟଣ ଦ୍ୱାରା ଘରେ ଘରେ ରାମ ଏବଂ ସୀତାଙ୍କ ନାଁରେ ପରିଚିତ ହେଉଥିବା ଅରୁଣ ଗୋଭିଲ ଏବଂ ଦୀପିକା ଚିଖଲାଇ ଆଜି ବି ସେହି ରୂପରେ ​ଲୋକଙ୍କ ମନରେ ବସିଛନ୍ତି। ଫରକ କେବଳ ଏତିକି ଏବେ ଉଭୟଙ୍କ ବୟସ ହୋଇଯାଇଛି। ଏବେ ଯେତେବେଳେ ରାମାୟଣର ପ୍ରସାରଣ ପୁଣି ଥରେ ଆରମ୍ଭ ହୋଇଛି ତେବେ ଆସନ୍ତୁ ଜାଣିବା ସୀତାଙ୍କ ଭୂମିକାରେ ଅଭିନୟ କରିଥିବା ଅଭିନେତ୍ରୀ ଦୀପିକା ଚିଖଲାଇଙ୍କ ବିଷୟରେ।

ନିକଟରେ ଦୀପିକା ଚିଖଲାଇ କମେଡ଼ି ଶୋ କପିଲ ଶର୍ମାରେ ଆସିଥିଲେ। ଶୋ ରେ ରାମାୟଣର ୩ଜଣ ମୁଖପାତ୍ର ଅରୁଣ ଗୋଭିଲ,ଦୀପିକା ଚିଖଲାଇ ଏବଂ ସୁନୀଲ ଲାହିରୀ ପହଞ୍ଚିଥିଲେ। ଏଠାକୁ ଆସିଥିବାବେଳେ ସେମାନେ ତାଙ୍କର ଲୋକପ୍ରିୟତାର ଏକ ଘଟଣା ଶୁଣାଇଥିଲେ। ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ଦିଲ୍ଲୀକୁ ଡାକି ସେମାନଙ୍କୁ ସମ୍ମାନିତ କରିବାରୁ ସେମାନେ ତାଙ୍କ ଲୋକପ୍ରିୟତା ବିଷୟରେ ଜାଣି ପାରିଥିଲେ।

ରାମାନନ୍ଦ ସାଗରଙ୍କ ଏହି ଧାରାବାହିକ ରାମାୟଣ ୧୯୮୭ମସିହା ଜାନୁୟାରୀ ମାସରୁ ୧୯୮୮ମସିହା ଜୁଲାଇ ଯାଏଁ ଚାଲିଥିଲା ଏବଂ ବହୁତ ହିଟ୍ ମଧ୍ୟ ହୋଇଥିଲା। ପରେ କେତେକ ପ୍ରଡକ୍ସନ୍ ହାଉସ୍ ରାମାୟଣ ଉପରେ ଆଧାରିତ ଧାରାବାହିକ ନିର୍ମାଣ କଲେ କିନ୍ତୁ ରାମାନନ୍ଦ ସାଗରଙ୍କ ଶୋ ଭଳି ଏତେ ହିଟ୍ ହୋଇପାରିନଥିଲା।

ଦୀପିକା କିଛି ସିରିୟଲ୍ ଏବଂ ଫିଲ୍ମରେ କାମ କରିବା ପରେ ବିବାହ କରିଥିଲେ। ବିବାହ ପରେ ସେ ଫିଲ୍ମ ଇଣ୍ଡଷ୍ଟ୍ରିକୁ ଅଲବିଦା କହି ଦେଇଥିଲେ। ପାଖାପାଖି ୨୩ବର୍ଷ ପରେ ୨୦୧୮ମସିହାରେ ସେ ଗାଲିବ ଫିଲ୍ମରେ କମବ୍ୟାକ୍ କରିଥିଲେ।

ଏହି ଫିଲ୍ମରେ ସେ ଆତଙ୍କବାଦୀ ଅଫଜଲ ଗୁରୁଙ୍କ ମାଆଙ୍କ ଭୂମିକାରେ ଅଭିନୟ କରିଥିଲେ। ରାମାୟଣ ବ୍ୟତୀତ ଦୀପିକା ବଲିଉଡ ଫିଲ୍ମରେ ମଧ୍ୟ କାମ କରିଛନ୍ତି। ଘର କା ଚିରାଗ(୧୯୮୯) ଏବଂ ରାଜେଶ ଖାନ୍ନାଙ୍କ ସହ ରୁପୟେ ଦସ କରୋଡ଼(୧୯୯୧)ରେ ଦୀପିକା ଅଭିନୟ କରିଛନ୍ତି।

୨୧ଦିନର ଲକଡାଉନ୍ ମଧ୍ୟରେ ଭାରତ ସରକାର ରାମାୟଣକୁ ପୁଣି ଥରେ ପ୍ରସାରଣ କରିବାକୁ ଘୋଷଣା କରିଛନ୍ତି ଏବଂ ଏବେ ୮୦ଦଶକର ଏହି ଲୋକପ୍ରିୟ ଶୋ ରାମାୟଣକୁ ପୁଣି ଥରେ ଦେଖିବାକୁ ମିଳିଛି।

   Related Posts