Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୮୨ ହଜାରରୁ ଅଧିକ କରୋନା ପଜିଟିଭ୍, ୪୪୧ ମୃତ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୯୪କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୬୦୭ କୋଭିଡ୍ ପଜିଟିଭ୍, ୧୧୬୭୦୯୪ରେ ପହଞ୍ଚିଲା ସଂଖ୍ୟା
  • ||
  • ବୁଧବାର ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯିବ ଦିନକିଆ ସିରିଜ୍
  • ||
  • ଗ୍ଲୋବାଲ ମେୟର୍ସ ଚ୍ୟାଲେଞ୍ଜ-୨୦୨୧: ବିଶ୍ୱର ଶ୍ରେଷ୍ଠ ୧୫ ସହରରେ ରାଉରକେଲା, ଟ୍ୱିଟ୍‌ କରି ପ୍ରଶଂସା କଲେ ମୁଖ୍ୟମନ୍ତ୍ରୀ
  • ||

ରାଜ୍ୟବାସୀ ଗାଇଲେ ‘ବନ୍ଦେ ଉତ୍କଳ ଜନନୀ’

30/05/2020 at 7:38 PM

ଭୁବନେଶ୍ବର୩୦/୫: ରାଜ୍ୟବାସୀ ଗାଇଲେ ବନ୍ଦେ ଉତ୍କଳ ଜନନୀ। ମାନ୍ୟବର ମୁଖ୍ୟମନ୍ତ୍ରୀଙ୍କ ଅନୁରୋଧ କ୍ରମେ ଭଦ୍ରକ ବାସିନ୍ଦା ସନ୍ଧ୍ୟା ୫ ଟା ୩୦ ମିନିଟ୍‌ରେ ବନ୍ଦେ ଉତ୍କଳ ଜନନୀ ଗାନ କରିଛନ୍ତି । ଭଦ୍ରକ ଜିଲ୍ଲାର ବନ୍ତ ଛକ ନିକଟରେ ସ୍ବତପ୍ରବୃତ୍ତ ଭାବେ ଲୋକେ ଠିଆ ହୋଇ ବନ୍ଦେ ଉତ୍କଳ ଜନନୀ ଗାଇଛନ୍ତି । ଏଥି ପାଇଁ ସହରର ମହତାବ ଛକ ନିକଟରୁ ଚରମ୍ପା, ବାଇପାସ ଛକରୁ ଚନ୍ଦନ ବଜାର ଓ ଟାଉନହଲ ଛକରୁ ଭଦ୍ରକ କଲେଜ ପର୍ଯ୍ୟନ୍ତ ମାନବ ଶୃଙ୍ଖଳରେ ରହି ସଙ୍ଗୀତ ଗାନ କରିଛନ୍ତି ।

ଭଦ୍ରକ ସାଂସଦ, ବିଧାୟକଙ୍କ ସମେତ ଜିଲ୍ଲାର ପ୍ରଶାସନିକ ଅଧିକାରୀ ଓ କର୍ମଚାରୀ ମଧ୍ୟ ବନ୍ଦେ ଉତ୍କଳ ଜନନୀ ଗାନ କରିଥିବା ଦେଖିବାକୁ ମିଳିଛି । ସେହିପରି ଜିଲ୍ଲା ବଜେପି କାର୍ଯ୍ୟାଳୟ ଠାରେ ଜିଲ୍ଲା ସଭାପତି ଓ ଅନ୍ୟ କର୍ମୀ ମାନେ ମଧ୍ୟ ବନ୍ଦେ ଉତ୍କଳ ଜନନୀ ଗାନ କରିଛନ୍ତି । ଭଦ୍ରକ ପୋଲିସ ତରଫରୁ ବନ୍ତ ଛକ ନିକଟରେ ଗାନ କରାଯାଇଛି । ଜିଲ୍ଲା ପୋଲିସର ବରିଷ୍ଠ ଅଧିକାରୀଙ୍କ ସମେତ ପୋଲିସ ବ୍ୟାଣ୍ଡ ବାଦ୍ୟଯନ୍ତ୍ରର ତାଳେ ତାଳେ ବନ୍ଦେ ଉତ୍କଳ ଜନନୀ ଗାନ କରିଛନ୍ତି ।

ସେହିପରି କାନ୍ତକବିଙ୍କ ଗାଁ ଧାମନଗର ନିର୍ବାଚନମଣ୍ଡଳୀରେ ହୋଇଥିବାରୁ ଧାମନଗର ଠାରେ ମଧ୍ୟ ସମସ୍ତେ ରାସ୍ତା ଓ ନିଜ କର୍ମସ୍ଥଳୀ ରେ ଠିଆ ହୋଇ ଗାଁ କରିଥିବା ଦେଖିବାକୁ ମିଳିଛି। ଭଣ୍ଡାରିପୋଖରୀ ଓ ବନ୍ତ ବ୍ଲକରେ ମଧ୍ୟ ଅନୁରୂପ ଭାବେ ବନ୍ଦେ ଉତ୍କଳ ଜନନୀ ଗାନ କରାଯାଇଛି । କାନ୍ତକବି ଙ୍କ ନିଜ ଗାଁ ତାଳପଦା ଠାରେ ମଧ୍ୟ ସମସ୍ତେ ବନ୍ଦେଉତ୍କଳ ଜନନୀ ଗାଁ କରିଛନ୍ତି । ବନ୍ତ ବ୍ଲକ ଓଡଙ୍ଗ କ୍ଵାରେଣ୍ଟାଇନ ସେଣ୍ଟରରେ ମଧ୍ୟ ପ୍ରବାସୀମାନେ ବନ୍ଦେ ଉତ୍କଳ ଜନନୀ ଗାନ କରିଛନ୍ତି। ସବୁସ୍ଥାନରେ କାରୋନା ପାଇଁ ସରକାରୀ ନିୟମକୁ ମାନି ମାସ୍କ ପିନ୍ଧି ସାମାଜିକ ଦୂରତା ନିୟମକୁ ଅବଲମ୍ବନ କରି ଗାନ କରିଥିବା ଦେଖିବାକୁ ମିଳିଛି ।

   Related Posts