ନବରଙ୍ଗପୁର୧୯/୩: ମାଲେସିଆ କୁଆଲାଲମପୁର ବିମାନ ବନ୍ଦର ଫସିରହିଛନ୍ତି ନବରଙ୍ଗପୁରର ନବଦମ୍ପତି । ଘରକୁ ଫେରିବା ପାଇଁ ସାହାଯ୍ୟ କରିବାକୁ whatsaapରେ ଭିଡିଓ ପଠାଇ ସରକାରଙ୍କୁ ନିବେଦନ କରିଛନ୍ତିl ନବରଙ୍ଗପୁର ଇଛାବତୀଗୁଡାର ଗୁପ୍ତେଶ୍ୱର ମିଶ୍ରଙ୍କ ଝିଅ ପଲ୍ଲବୀ ଫେବୃଆରୀ ୨୬ରେ ସେହି ସାହିର ପରିମଳ ହାଲଦାର ର ପୁଅ ଶଙ୍କର ହାଲଦାର ଙ୍କୁ ବିବାହ କରିଥିଲେ ।
wp:html /wp:htmlଉଭୟ ଗତ ୧୨ ରେ ହନିମୁନ ଟ୍ରିପରେ ମାଲେସିଆ ଯାଇଥିଲେ l ସେମାନଙ୍କ ଫେରିବା ଟିକଟ ୧୭ରେ ହେଇଥିଲା। କିନ୍ତୁ କରୋନା ଯୋଗୁଁ ସେଠିକାର ସମସ୍ତ ଫ୍ଲାଇଟ ରଦ୍ଧ କରାଯାଇ ଥିବାରୁ ସେମନାନେ ଫେରି ପାରୁନାହାନ୍ତି। ପରବରର୍ତ୍ତୀ ସମୟରେ କ୍ୟୁଲାଲମପୁର ରୁ ସିଙ୍ଗାପୁର ଓ ସିଙ୍ଗାପୁର ରୁ ବିଶାଖାପାଟଣା ଫ୍ଲାଇଟ ଯିବ ବୋଲି ଜଣାପଡିଥିଲା । ତେବେ ପରେ ତାହାରଦ୍ଧ ହୋଇଯାଇଥିଲା l
wp:html /wp:htmlପୁଣିଥରେ କୁଆଲାଲାମପୁରରୁ ସିଙ୍ଗାପୁର ଓ ସିଙ୍ଗାପୁର ରୁ ଅମୃତସରକୁ ଫ୍ଲାଇଟ ଯିବ ବୋଲି କହିବାରୁ ସେମାନେ ପୁଣି ଫ୍ଲାଇଟ ଟିକଟ କରିଥିଲେ l କିନ୍ତୁ ଏବେ ସେହି ଫ୍ଲାଇଟ କୁ ରଦ୍ଧ କରିଦିଆ ଯାଇଥିବାରୁ ସେମାନେ ହଇରାଣ ହେଉଛନ୍ତି l ଯାହାକୁ ନେଇ ପଲ୍ଲବୀ ଓ ଶଙ୍କର ଏକ ଭିଡିଓ କରି ଓଡିଶା ସରକାର ଓ ଭାରତ ସରକାର କୁ ଫେରାଇ ଆଣିବାକୁ ଅନୁରୋଧ କରିଛନ୍ତି l ୩ଥର ଫ୍ଲାଇଟ ଟିକଟ କରି ଟଙ୍କା ସରିଯାଇଥିବାରୁ ସେମାନେ ଚିନ୍ତିତ। ଏପଟେ ପାଖରେ ପଇସା ମଧ୍ୟ ସରି ଯାଇଥିବାରୁ ଭୋକ ଉପାସରେ ବହୁ ଅସୁବିଧା ରେ ଅଛନ୍ତି ଏହି ନବ ଦମ୍ପତି କହିଛନ୍ତି । ଏହି ନବ ଦମ୍ପତିଙ୍କ ସହ ବିମାନ ବନ୍ଦରରେ ୨୦୦ ରୁ ଅଧିକ ଭାରତୀୟ ଯାତ୍ରୀ ବି ଫସି ରହିଛନ୍ତି ।