Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜିଠୁ ବଢିବ ବର୍ଷା, ୧୧ ଜିଲ୍ଲାରେ ପ୍ରବଳ ଛେଚିବ
  • ||
  • ୨୮୬ ବସ୍ତା ପିଡିଏସ ଚାଉଳ ଜବତ, ଚୋରାରେ ବିକ୍ରି ପାଇଁ ଯାଉଥିବା ବେଳେ ଧରିଲେ ଲୋକେ
  • ||
  • ଭୟ ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୩ ଜଣଙ୍କ ଜୀବନ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୦୩୧ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଜାମ୍ମୁ କାଶ୍ମୀର ସପୋରରେ ଏନକାଉଣ୍ଟର: ଲସ୍କର କମାଣ୍ଡର ସମେତ ୩ ଆତଙ୍କୀ ନିହତ
  • ||
  • ଆମେରିକା-ମେକ୍ସିକୋ ସୀମାରେ ହିଂସାକାଣ୍ଡ, ଦୁର୍ବୃତ୍ତଙ୍କ ଆଖିବୁଜା ଗୁଳିମାଡରେ ୧୮ ମୃତ
  • ||
  • ଆଜି ଅନ୍ତର୍ଜାତୀୟ ଯୋଗ ଦିବସ, ଏବର୍ଷର ଥିମ୍ ‘ୟୋଗା ଫର ୱେଲନେସ୍’
  • ||
  • ଆଜିଠୁ କ୍ୟାମ୍ପେନ୍ ମୋଡ୍‌ରେ ଟିକାକରଣ, ରାଜ୍ୟରେ ଦୈନିକ ୩ ଲକ୍ଷ ଭାକସିନେସନ୍ ଟାର୍ଗେଟ୍
  • ||

ଆପଣ ଡେବିଟ୍ କିମ୍ବା କ୍ରେଡିଟ୍ କାର୍ଡରେ ଆର୍ଥିକ ନେଣଦେଣ କରୁଛନ୍ତି କି ? ତେବେ ଜାଣିରଖନ୍ତୁ ଏହି ନିୟମ

14/01/2019 at 1:45 PM

ନୂଆଦିଲ୍ଲୀ ୧୪|୧: ଯଦି ଆପଣ ଡେବିଟ୍ କିମ୍ବା କ୍ରେଡିଟ୍ କାର୍ଡରେ ଆର୍ଥିକ ନେଣଦେଣ କରୁଛନ୍ତି ତେବେ ଆପଣ ଏହି ନିୟମ ଜାଣିବା ନିହାତି ଜରୁରୀ । ବର୍ତ୍ତମାନ କୌଣସି ପ୍ରକାର ନେଣଦେଣ କରିବା ପାଇଁ ଆପଣଙ୍କୁ କାର୍ଡ ନମ୍ବର ଦେବାକୁ ପଡିବନାହିଁ । ଏଥିପାଇଁ ବ୍ୟାଙ୍କ୍ ଆପଣଙ୍କୁ ପ୍ରତିଥର ଏକ ନୂଆ ନମ୍ବର ଦେବ ।

 ଆରବିଆଇର ନୂଆ ନିୟମ ଅନୁସାରେ କୌଣସି ପ୍ରକାରର ସୂଚନା କାହାରିକୁ ବି ଦେବାକୁ ପଡିବନାହିଁ । ଏଥିପାଇଁ ବ୍ୟାଙ୍କ୍ ଆପଣଙ୍କୁ ଏକ ଟୋକନ୍ ନମ୍ବର ଜାରି କରିବ । ସେହି ଟୋକନ୍ ମାଧ୍ୟମରେ ଆପଣ ନେଣଦେଣ କରିପାରିବେ । ନୂଆ ନିୟମ ଅନୁସାରେ, ଆପଣଙ୍କ କାର୍ଡର ତଥ୍ୟକୁ ସ୍ବତନ୍ତ୍ର କୋଡ୍ କିମ୍ବା ଟୋକନ୍ ରେ ବଦଳାଇ ଦିଆଯିବ ।

କୌଣସି ତୃତୀୟ ପକ୍ଷ ଆପ୍ ଅଥବା ଓ୍ବେବସାଇଟକୁ କାର୍ଡର ତଥ୍ୟ ବଦଳରେ କେବଳ ଟୋକନ୍ ନମ୍ବର ଦେବାକୁ ପଡିବ । ଟୋକନ୍ ନମ୍ବର ମଧ୍ୟ ପ୍ରତ୍ୟେକ ଥର ବଦଳାଇ ଦିଆଯିବ । ଟୋକନ୍ ଆସିବା ପରେ କୌଣସି ଆପ୍ ଅଥବା ଓ୍ବେବସାଇଟରେ କାର୍ଡର ତଥ୍ୟ ସେଭ୍ ହେବାର ଭୟ ମଧ୍ୟ କମ୍ ହୋଇଯିବ । ଏହା ବ୍ୟତୀତ ପିଓଏସ୍ ଏବଂ କ୍ୟୁଆର୍ କୋର୍ଡ ମାଧ୍ୟମରେ ମଧ୍ୟ ନେଣଦେଣରେ ଟୋକନର ବ୍ୟବହାର କରାଯାଇପାରିବ ।

ପ୍ରତ୍ୟେକ ଦେୟ ପାଇଁ ଅଲଗା ଅଲଗା ନେଣଦେଣ କରାଯିବ । ଏଥିପାଇଁ ଆପଣଙ୍କୁ କୌଣସି ପ୍ରକାରର ଅର୍ଥ ଦେବାକୁ ପଡିବ ନାହିଁ । ଏହି ନିୟମ ଲାଗୁ ହେବା ପରେ ଆପଣଙ୍କ କାର୍ଡ ନମ୍ବର କାହାରିକୁ ମଧ୍ୟ ମିଳିବ ନାହିଁ । ଏମିତିକି ବ୍ୟାଙ୍କ୍ କର୍ମଚାରୀଙ୍କୁ ମଧ୍ୟ ମିଳିବନାହିଁ । ଯଦି କୌଣସି ପ୍ରକାରର କିଛି ସମସ୍ୟା ହୁଏ ତେବେ ଏଥିପାଇଁ କାର୍ଡ ପ୍ରଦାନ କରିଥିବା କମ୍ପାନୀ ହିଁ ଦାୟୀ ରହିବ ।

ଟୋକନ୍ ମାଧ୍ୟମରେ ନେଣଦେଣର ସୁବିଧା ବର୍ତ୍ତମାନ ମୋବାଇଲ ଫୋନ୍ ଏବଂ ଟାବଲେଟ୍ ଜରିଆରେ ମିଳିବ । ଫିଡବ୍ୟାକ୍ ଆଧାରରେ ପରେ ଏହାକୁ ଅନ୍ୟ ଡିଭାଇସରେ ଲାଗୁ କରାଯିବ । ଟୋକନ୍ ବ୍ୟବସ୍ଥା ସହ ପିନ୍ ବ୍ୟବସ୍ଥା ମଧ୍ୟ ଲାଗୁ ରହିବ ।

   Related Posts