ନୂଆଦିଲ୍ଲୀ, ୦୩/୦୭: ସୋସିଆଲ ମିଡିଆରେ ପ୍ରତିଦିନ ଅନେକ ଭିଡିଓ ଭାଇରାଲ ହୁଏ । ଏହି ଭଳି ଭିଡିଓ ଦେଖିବା ପରେ ସୋସିଆଲ ମିଡିଆ ବ୍ୟବହାରକାରୀ ମାନେ ମଧ୍ୟ ସେମାନଙ୍କର ଭିନ୍ନ ଭିନ୍ନ ପ୍ରତିକ୍ରିୟାକୁ ଏହି ଭିଡିଓକୁ ଲକ୍ଷ୍ୟ କରି ଦିଅନ୍ତି । ବର୍ତ୍ତମାନ ସୋସିଆଲ ମିଡିଆରେ ଗୋଟିଏ ମାଙ୍କଡର ଏକ ଭିଡିଓ ଭାଇରାଲ ହେବାରେ ଲାଗିଛି। ଏହି ଭିଡିଓରେ, ମାଙ୍କଡ଼ଟି ଏକ ଚା ଦୋକାନ ପାଖରେ ବସି ବାସନ ଧୋଇଥିବାର ନଜର ଆସିଛି ।
ଭାଇରାଲ ଭିଡିଓରେ ଏହା ଦେଖିବାକୁ ମିଳୁଛି ଯେ ଏକ ଚା ’ଦୋକାନରେ ଅନେକ ଲୋକ ଏକାଠି ହୋଇଛନ୍ତି । ମାଙ୍କଡ଼ ବସିଥିବା ଦୋକାନ ନିକଟରେ ଏକ ଟେବୁଲ୍ ରହିଛି । ଟେବୁଲ ଉପରେ ଏକ ଟବ୍ ଅଛି । ଭିଡିଓରେ ଦେଖାଯାଉଛି ଯେ ଏହି ମାଙ୍କଡ଼ ଟବରେ ଭର୍ତ୍ତି ପାଣିରେ ବାସନଗୁଡ଼ିକୁ ଧୋଉଛି । ମାଙ୍କଡ଼ ହାଣ୍ଡିକୁ ବାରମ୍ବାର ଟବ ପାଣିରେ ବୁଡ଼ାଇ ବାହାର କରୁଛି । ପାଖରେ ଛିଡ଼ା ହୋଇଥିବା ଲୋକ ମାଙ୍କଡକୁ ବାସନ ସଫା କରୁଥିବା ଦେଖୁଛନ୍ତି ।
wp:html/wp:html
ଭିଡ଼ିଓଟିରେ ଗୋଟିଏ ବିଶେଷ ଉକ୍ତି ଶୁଣିବାକୁ ମିଳୁଛି । ପ୍ରସିଦ୍ଧ ଚଳଚ୍ଚିତ୍ର ଅଭିନେତା ଶାହାରୁଖ ଖାନଙ୍କ ଫିଲ୍ମ ରଇସ୍ ଏକ ପ୍ରସିଦ୍ଧ ସଂଳାପ ମଧ୍ୟ ଶୁଣିବାକୁ ମିଳୁଛି। ଶାହାରୁଖ ଖାନଙ୍କ ସ୍ୱରରେ ଏହି ସଂଳାପଟି ବେଶ୍ ଗୁରୁତ୍ୱବହନ କରୁଛି । 'ଆମ୍ମି ଜାନ କହୁଥିଲେ ଯେକୌଣସି ବ୍ୟବସାୟ ଛୋଟ ନୁହେଁ ଏବଂ କୌଣସି ଧର୍ମ ବ୍ୟବସାୟଠାରୁ ବଡ଼ ନୁହେଁ । ତେବେ ଏହି ଭିଡିଓକୁ ନେଇ କିଛି ବ୍ୟକ୍ତି କମେଣ୍ଟ କରିବା ସହିତ ନିଜ ନିଜର ପତିକ୍ରିୟା ରଖିଛନ୍ତି ।
