Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୨୪୫୨ ଆକ୍ରାନ୍ତ, କିନ୍ତୁ ସଂକ୍ରମଣ ବୃଦ୍ଧିରେ ଲାଗୁନି ରୋକ୍‌
  • ||
  • କମ୍ବିଂ ବେଳେ ଏସ୍‌ଓଜି ଯବାନ-ମାଓବାଦୀ ମୁହାଁମୁହିଁ, ଗୁଳି ବିନିମୟରେ ମାଓବାଦୀ ମୃତ !
  • ||
  • ସାଲେପୁର : ଡାକ ଘରେ ଚାଲିଥିଲା ଭୋଜି ଭାତର ଆୟୋଜନ, ୩ ହଜାର ଟଙ୍କା ତଣ୍ଡ ଗଣିଲେ କର୍ମଚାରୀ
  • ||
  • ନୀଳଗିରି : ପୋଖରୀରେ ଗାଧୋଇବା ବେଳେ ଖସିଗଲା ଗୋଡ, ଚାଲିଗଲା ନାବାଳିକାଙ୍କ ଜୀବନ
  • ||
  • ସାନଖେମୁଣ୍ଡି : ବେଆଇନ ମଦ ବିକ୍ରିକୁ ନେଇ ଜନ ଅସନ୍ତୋଷ, ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ
  • ||
  • କର୍ଲାମୁଣ୍ଡା : ୨ ହଜାର ଟଙ୍କା ଲାଞ୍ଚ ନେବା ବେଳେ ଧରାପଡିଲେ ରାଜସ୍ବ ନିରୀକ୍ଷକ
  • ||
  • ଆନନ୍ଦପୁର : ଯୁକ୍ତ ୨ ପରୀକ୍ଷା ବାତିଲ ଦାବିରେ ୨ଟି ମହାବିଦ୍ୟାଳୟ ଛାତ୍ରଙ୍କ ରାସ୍ତାରୋକ
  • ||
  • ଭୁବନେଶ୍ବର : ଦୈନିକ ଲକ୍ଷେ ଟେଷ୍ଟ କରନ୍ତୁ ରାଜ୍ୟ ସରକାର – ବିଜୟ ମହାପାତ୍ର
  • ||
  • ଭୁବନେଶ୍ବର : ଓଡିଶାର ଚିହ୍ନଟ ହୋଇନି କରୋନାର ଟ୍ରିପଲ ମ୍ୟୁଣ୍ଟାଣ୍ଟ – ସ୍ବାସ୍ଥ୍ୟ ଓ ପରିବାର କଲ୍ୟାଣ ନିର୍ଦ୍ଦେଶକ
  • ||
  • ଖୋର୍ଦ୍ଧା : ଅନଲାଇନ୍‌ରେ ପରୀକ୍ଷା ଅଥବା ବାତିଲ୍ ଦାବିରେ ଯୁକ୍ତ ୨ ଛାତ୍ରଛାତ୍ରୀଙ୍କ ବିକ୍ଷୋଭ
  • ||

ମହାନଦୀକୁ ନେଇ ବିଧାନସଭାରେ ହଟ୍ଟଗୋଳ, ଉତ୍ତର ରଖିଲେ ମନ୍ତ୍ରୀ

25/02/2021 at 6:56 PM

ଭୁବନେଶ୍ୱର, ୨୫/୦୨: ମହାନଦୀ ତଳମୁଣ୍ଡରେ ବ୍ୟାରେଜ୍ ହୋଇପାରୁନାହିଁ । ବିଭିନ୍ନ କାରଣରୁ ହେବାକୁ ଥିବା ଏହି ପ୍ରକଳ୍ପ ନାଲି ଫିତା ତଳେ ଚାପି ହୋଇ ଯାଇଛି । ଏକଥା ଖୋଦ୍ ଜଳ ସଂପଦ ମନ୍ତ୍ରୀ ରଘୁ ନନ୍ଦନ ଦାସ ଶ୍ୱୀକାର କରିଛନ୍ତି ।

ଆଜି ବିଧାନସଭାରେ ଏପ୍ରସଙ୍ଗରେ ବିରୋଧୀଙ୍କ ପ୍ରଶ୍ନର ଉତ୍ତର ଦେବା ବେଳେ ମନ୍ତ୍ରୀ କହିଛନ୍ତି, ତଳମୁଣ୍ଡରେ ବ୍ୟାରେଜ କରିବା ପାଇଁ ଯେତିକି ଉଦ୍ୟମ କରାଯିବା କଥା ତାହା ଆମେ କରିପାରିନାହୁଁ । ମନ୍ତ୍ରୀ ଏକଥା ବି କହିଛନ୍ତି, ଧିରେଧିରେ ମହାନଦୀରେ ଜଳ ପ୍ରବାହ କମିବାରେ ଲାଗିଛି । ଆଗାମୀ ବର୍ଷ ଗୁଡିକରେ ସ୍ଥିତି ଆହୁରି ସଙ୍ଗୀନ ହୋଇପାରେ । ଛତିଶଗଡ଼ ସରକାର ବ୍ୟାରେଜ କରିବା କାରଣରୁ କ୍ରମାଗତ ଜଳ ପ୍ରବାହ କମୁଛି ।

ମହାନଦୀର ତଳମୁଣ୍ଡରେ ୧୫ ପ୍ରକଳ୍ପ ପାଇଁ ସିଡବ୍ଲୁସି ଅନୁମତି ମଗାଯାଇଥିଲା । ମହାନଦୀ ଜଳ ବିବାଦ ପାଇଁ ୭ ପ୍ରକଳ୍ପକୁ ଅନୁମତି ନ ଦେଇ ଫେରାଇ ଦେଇଛି ସିଡବ୍ଲୁସି । ଇନଷ୍ଟ୍ରିମ ଷ୍ଟୋରେଜ୍ ଯୋଜନାରେ ଚଳିତ ବର୍ଷ ୧୩ ଟି ପ୍ରକଳ୍ପ କରାଯିବ । ଏଥି ପାଇଁ ୭୯୫ କୋଟି ଟଙ୍କା ବ୍ୟୟ ବରାଦ ହୋଇଥିବା ମନ୍ତ୍ରୀ ସୂଚନା ଦେଇଛନ୍ତି ।

୨୦୧୫ରୁ ମହାନଦୀ ଜଳକୁ ନେଇ ଓଡ଼ିଶା-ଛତିଶଗଡ଼ ମଧ୍ୟରେ ବିବାଦ ତେଜିବାରେ ଲାଗିଛି । ରାଜ୍ୟ ସରକାରଙ୍କ ପକ୍ଷରୁ ତଳ ମୁଣ୍ଡରେ ବ୍ୟାରେଜ କରି ସମୁଦ୍ରକୁ ଚାଲିଯାଉଥିବା ପାଣିକୁ ସଂରକ୍ଷଣ ପାଇଁ ଥିବା ଯୋଜନା କେବଳ ଘୋଷଣାରେ ରହିଛି । ଯାହାକୁ ନେଇ ଆଜି ବିରୋଧି ପ୍ରଶ୍ନ ଉଠାଇଛନ୍ତି । କଂଗ୍ରେସ ପ୍ରଶ୍ନ କରିଛି , ମହାନଦୀରେ ପାଣିତ ନାହିଁ ଏବେ ବନ୍ଧ ବାନ୍ଧିବା ପାଇଁ ଅର୍ଥ ବରାଦ କଥା ମନ୍ତ୍ରୀ କହିବା ମୂଲ୍ୟ କଣ ।

ବିଜେପି କହିଛି ଯେ, ସରକାର ଶୋଇଥିଲେ, ଏବେ ଚେଇଁଛନ୍ତି । ବିଜେଡି ଏହାର ଉତ୍ତରରେ କହିଛି ହୀରାକୁଦ ତଳମୁଣ୍ଡରେ ବିବାଦ ନାହିଁ । ତେବେ ବୌଦ୍ଧ ଜିଲ୍ଲାର ଦୁଇଟି ପ୍ରକଳ୍ପକୁ କାହିଁକି ବନ୍ଦ କରାଯାଇଛି ବୋଲି ବିଜେଡି ବିଧାୟକ ପ୍ରଦୀପ ଅମାତ ପ୍ରଶ୍ନ କରିଛନ୍ତି ।

   Related Posts