Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||
  • ଭୁବନେଶ୍ବର : ସାଲିଆ ସାହିରୁ ୫ଶହ ଲିଟରରୁ ଅଧିକ ଦେଶୀ ମଦ ଜବତ, ୯ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୬ ଛୁଇଁଲା ମୃତକଙ୍କ ସଂଖ୍ୟା
  • ||

ଗରିବ ପରିବାରରୁ ବିଶ୍ୱର ସବୁଠାରୁ ଦାମୀ ଖେଳାଳି, କିଛି ଏମିତି ଥିଲା ମାରାଡୋନାଙ୍କ ସଫଳତାର ଯାତ୍ରା…

26/11/2020 at 11:21 AM

ନୂଆଦିଲ୍ଲୀ,୨୬|୧୧: ଆର୍ଜେଣ୍ଟିନାର ମହାନ ଫୁଟବଲ ଖେଳାଳି ଡିଏଗୋ ମାରାଡୋନା ବୁଧବାର ଶେଷ ନିଶ୍ୱାସ ତ୍ୟାଗ କରିଛନ୍ତି । ପେଲେଙ୍କ ଭଳି ୧୦ ନମ୍ବର ଜର୍ସି ପରିଧାନ କରୁଥିବା ମାରାଡୋନା ବିଶ୍ୱର ସର୍ବଶ୍ରେଷ୍ଠ ଫୁଟବଲର ଥିଲେ । ସେ ୬୦ ବର୍ଷ ବୟସରେ ପ୍ରାଣତ୍ୟାଗ କରିଛନ୍ତି । ସେ ସର୍ବଦା ନିଜର ବିଳାସପୂର୍ଣ୍ଣ ଜୀବନ, ଟଙ୍କା ଓ ବିବାଦକୁ ନେଇ ଚର୍ଚ୍ଚାରେ ରହୁଥିଲେ । ଗୋଟିଏ ସମୟ ଥିଲା ଯେତେବେଳେ ମାରାଡୋନା ବିଶ୍ୱର ସବୁଠାରୁ ଦାମୀ ଖେଳାଳି ଥିଲେ । କିନ୍ତୁ ତାଙ୍କର ପିଲାଦିନ ଆର୍ଥିକ ଅନଟନରେ କଟିଥିଲା ।

ମାରାଡୋନା ଆର୍ଜେଣ୍ଟିନାର ରାଜଧାନୀ ବ୍ୟୁନସରେ ଜନ୍ମଗ୍ରହଣ କରିଥିଲେ । ଏପରିକି ଚାଳଛପର ଘରେ ସେ ଜନ୍ମଲାଭ କରିଥିଲେ । ପିତାମାତାଙ୍କର ଆଠଗୋଟି ସନ୍ତାନ ମଧ୍ୟରୁ ମାରାଡୋନା ଥିଲେ ପଞ୍ଚମ ସନ୍ତାନ । ତାଙ୍କ ପିଲାଦିନ ଆର୍ଥିକ ଅନଟନରେ କଟିଥିଲା । ତାଙ୍କ ପିତା ଆଖପାଖ ଗାଁରେ ଗାଈ ବଳଦ ଆଦି ବିକ୍ରି କରୁଥିଲେ । ପରେ ତାଙ୍କୁ ଏକ କେମିକାଲ ଫାକ୍ଟ୍ରିରେ ଚାକିରୀ ମିଳିଥିଲା । କିନ୍ତୁ ମାରାଡୋନା ମାତ୍ର ୧୫ ବର୍ଷ ବୟସରେ ସୁପର ଷ୍ଟାର ପାଲଟିଥିଲେ ।

ମାତ୍ର ୨୨ ବର୍ଷ ବୟସରେ ବିଶ୍ୱର ଦାମୀ ଖେଳାଳି

୧୯୮୨ରେ ସ୍ପେନର ପ୍ରସିଦ୍ଧ କ୍ଲବ୍ ବାର୍ସିଲୋନାରେ ଆର୍ଜେଣ୍ଚିନାର ଏହି ଷ୍ଟାର୍ ଖେଳାଳିଙ୍କ ସହ ୩ ମିଲିୟନ ପାଉଣ୍ଡ ବା ୩୦ କୋଟି ଡଲାରର ଚୁକ୍ତି ସ୍ୱାକ୍ଷରିତ କରିଥିଲା । ଏହାକୁ ନେଇ ଫୁଟୁବଲ ଜଗତରେ ଚାଞ୍ଚଲ୍ୟ ଖେଳି ଯାଇଥିଲା ।  ୧୯୮୨ ଫୁଟବଲ ବିଶ୍ୱକପରେ ଦୁଇଟି ଗୋଲ୍ କରିବା ପରେ ମାରାଡୋନା ୧୯୮୦ରୁ ୧୯୯୦ ମଧ୍ୟରେ କ୍ରୀଡା ଜଗତରେ ଦବଦବା ଜାହିର କରିଥିଲେ । ୧୯୮୪ରେ ଇଟାଲୀ କ୍ଲବ୍ ନେପୋଲି ମାରାଡୋନାଙ୍କ ସହ ସମ୍ପର୍କ ଛିନ୍ନ କରିବା ପରେ ମଧ୍ୟ ତାଙ୍କୁ ୫୦ କୋଟି ଟଙ୍କା ଦେଇଥିଲା ।

ପେଲେଙ୍କ ସହ ହେଉଥିଲା ତୂଳନା

ମାରାଡୋନା ୪୯୧ଟି ମ୍ୟାଚ୍ ଖେଳି ୨୫୯ଟି ଗୋଲ୍ ଦେଇଥିଲେ । ୧୯୫୬ରେ ଆର୍ଜେଣ୍ଟିନାକୁ ସେ ବିଶ୍ୱକପ ବିଜୟୀ କରିବା ସହ ୧୯୯୦ରେ ଫାଇନାଲ ଯାଏଁ ନେଇଥିଲେ । କେବଳ ଏତିକି ନୁହେଁ ସେ ଏକ ସର୍ଭେରେ ପେଲେଙ୍କୁ ମଧ୍ୟ ପଛରେ ପକାଇ ଦେଇଥିଲେ । ବିଂଶ ଶତାବ୍ଦୀର ସବୁଠାରୁ ମହାନ ଫୁଟୁବଲର ଭାବେ ସେ ଗୌରବ ଅର୍ଜନ କରିଥିଲେ । ପରେ ଫିପା ନିୟମ ପରିବର୍ତ୍ତନ କରିଥିଲା ଓ ଉଭୟ ମାରାଡୋନା ଓ ପେଲେଙ୍କୁ ସମ୍ମାନିତ କରିଥିଲା ।

   Related Posts