Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||
  • ଶୀତ ଖେଳୁଛି ଲୁଚକାଳି : ଆଜି ବଢିବ ଥଣ୍ଡା, କିନ୍ତୁ କାଲି କମିଯିବ
  • ||
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||

କୋଭିଡ୍ ପଜିଟିଭ୍ ଯୋଗୁଁ ପରୀକ୍ଷା କେନ୍ଦ୍ରକୁ ପଶି ପାରିଲେନି ଜେଇଇ ପରୀକ୍ଷାର୍ଥୀ, ଦ୍ଵିତୀୟ ସୁଯୋଗ ପାଇଁ ଅନୁରୋଧ ପତ୍ର ଲେଖି ଫେରିଲେ

2/09/2020 at 8:02 PM

ବ୍ରହ୍ମପୁର ୦୨।୦୯:  କରୋନା ମହାମାରୀ କାଳରେ ଦେଶରେ ସବୁ ପ୍ରକାରର  ବ୍ୟବସ୍ଥା କରାଯାଇ ଜେଇଇ ଓ ନିଟ୍ ପରୀକ୍ଷା ଆୟୋଜିତ ହେଉଛି। ସେପ୍ଟେମ୍ବର ୧ରୁ ଆରମ୍ଭ ହୋଇଥିବା ଏହି ପରୀକ୍ଷା ଆସନ୍ତା ୬ ତାରିଖ  ଯାଏଁ ଚାଲିବ। ନ୍ୟାସନାଲ ଟେଷ୍ଟିଂ ଏଜେନ୍ସି(ଏନଟିଏ) ଏହାର ଆୟୋଜନ କରୁଛି। ଅନେକ ପ୍ରକାରର ଗାଇଡ୍‌ଲାଇନ୍‌ ସହିତ ପରୀକ୍ଷାରେ ବସିବାକୁ ପରୀକ୍ଷାର୍ଥୀଙ୍କୁ ଅନୁମତି ଦିଆଯାଇଛି। ହେଲେ ଏସବୁ ମଧ୍ୟରେ ଜଣେ କୋଭିଡ୍ ଆକ୍ରାନ୍ତକାରୀ ଛାତ୍ର ଜେଇଇ ପ୍ରବେଶିକା ପରୀକ୍ଷା ଦେବାକୁ ଆସି ପରୀକ୍ଷା ନଦେଇ ପାରି କେନ୍ଦ୍ରରୁ ଫେରି ଯାଇଛନ୍ତି। ନିୟମ ଅନୁଯାୟୀ ପରୀକ୍ଷା ଦେବାକୁ ଛାତ୍ରଙ୍କୁ ସୁଯୋଗ ଦିଆଯାଇ ନାହିଁ।

ସୂଚନା ଅନୁଯାୟୀ କୋଭିଡ୍ ପଜିଟିଭ୍ ଛାତ୍ର ଜଣକ ଜେଇଇ ପରୀକ୍ଷା ପାଇଁ ରୋନାଲ୍ଡ ଇନଷ୍ଟିଚ୍ୟୁୟଟ୍‌ ପରୀକ୍ଷା କେନ୍ଦ୍ରକୁ ପହଞ୍ଚିଥିଲେ। ସେ ସକାଳ ୭ଟା ୩୦ରେ କୋଭିଡ୍ ଆମ୍ବୁଲାନ୍ସରେ ପରୀକ୍ଷା ଦେବାକୁ ଆସିଥିଲେ। ହେଲେ ପ୍ରାୟ ୮ଟାରେ ଛାତ୍ରଙ୍କ ପାଖକୁ ଟିସିଏସ ପକ୍ଷରୁ ଏକ ମେଲ୍‌ ଆସିଥିଲା ଯେ, କରୋନା ପଜିଟିଭ୍ ଛାତ୍ରଙ୍କୁ ପରୀକ୍ଷା ଦେବାକୁ ଅନୁମତି ନାହିଁ। ଏହା ପରେ ସେଠାରେ ଜିଲ୍ଲା ପ୍ରଶାସନ ତରଫରୁ ଉପସ୍ଥିତ ଆସିଷ୍ଟାଣ୍ଡ କଲେକ୍ଟର ଏନଟିଏ ପ୍ରଭାରୀଙ୍କୁ କୋଭିଡ୍-୧୯ ପଜିଟିଭ୍ ଛାତ୍ରଙ୍କୁ ପରୀକ୍ଷାରେ  ବସିବାକୁ ଅନୁମତି ନଦେବା ସମ୍ବନ୍ଧରେ ଲିଖିତ ଭାବେ ଦେବାକୁ କହିଥିଲେ।

ଏହା ପରେ ଏନଟିଏ ପ୍ରଭାରୀ ଉଚ୍ଚ କର୍ତ୍ତୃପକ୍ଷଙ୍କ ପରାମର୍ଶ କ୍ରମେ ଆସିଷ୍ଟାଣ୍ଡ କଲେକ୍ଟରଙ୍କୁ ଲିଖିତ ପତ୍ର ଦେଇଥିଲେ। ଛାତ୍ରଙ୍କୁ ମଧ୍ୟ କେଉଁ କାରଣ ପାଇଁ ପରୀକ୍ଷାରେ ବସିବାକୁ ଦିଆଗଲା ନାହିଁ ତାର ଲିଖିତ କପି ମଧ୍ୟ ଦିଆଯାଇଛି। ନିୟମ ଅନୁଯାୟୀ ଛାତ୍ରଙ୍କକୁ ପରୀକ୍ଷା ଦେବାକୁ ଦିଆଗଲା ନାହିଁ ବୋଲି କର୍ତ୍ତୃପକ୍ଷଙ୍କ ତରଫରୁ କୁହାଯାଇଛି।  ଏହା ପରେ ଛାତ୍ର ଜଣକ ଦ୍ଵିତୀୟ ସୁଯୋଗ ପାଇଁ ଅଧିକାରୀଙ୍କୁ ଅନୁରୋଧ ପତ୍ର ଲେଖି ଆମ୍ବୁଲାନ୍ସରେ ପରୀକ୍ଷା କେନ୍ଦ୍ରରୁ ଫେରି ଆସିଛନ୍ତି।

   Related Posts