Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରିଟେନ୍‌ ପରେ ଆଉ ଗୋଟିଏ ଦେଶ କଲା ବଡ଼ ଘୋଷଣା, ଆସନ୍ତା ସପ୍ତାହରୁ ଆରମ୍ଭ ହେବ ଟିକାକରଣ
  • ||
  • କମୁଛି ସଂକ୍ରମଣ, ଲୋକଙ୍କ ମନରୁ ଦୂର ହେଉଛି କରୋନା ଭୟ, ଆଉ ୬୬୦ ସଂକ୍ରମିତ ହେଲେ ଆରୋଗ୍ୟ
  • ||
  • ସମ୍ମାନ ରଖିଲା ଭାରତ, ଶେଷ ଦିନିକିଆରେ କଙ୍ଗାରକୁ ୧୩ ରନରେ ଦେଲା ମାତ୍, ୨-୧ରେ ସିରିଜ୍ ଜିତିଲା ଅଷ୍ଟ୍ରେଲିଆ
  • ||
  • ମାଲକାନଗିରି : ଶବ ସତ୍କାର ପାଇଁ ଗାଁ ମଶାଣୀରେ ମିଳୁନି ଜାଗା, ୨୪ ଘଣ୍ଟା ହେଲା ଗାଁ ଦାଣ୍ଡରେ ପଡିଛି ମୃତଦେହ
  • ||
  • ଜୟପୁର : ଆତ୍ମସମର୍ପଣ କଲେ ମହିଳା ମାଓବାଦୀ, ହାର୍ଡକୋର ମାଓବାଦୀ ରାମକ୍ରିଷ୍ଣାର ଥିଲା ଅଙ୍ଗରକ୍ଷୀ
  • ||
  • ଭୁବନେଶ୍ବର : ୧୧୨ ଡାଏଲ କରନ୍ତୁ, ମିଳିବ ସବୁ ଜରୁରୀ ସେବା ଓ ସହାୟତା : ନୂଆ ଏକକ ପୋଲିସ ହେଲ୍ପ ଲାଇନ୍ ନମ୍ବର ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • କଟକ : ‘ସ୍କୁଲ ଫି’ ଧାର୍ଯ୍ୟ ପାଇଁ ଆଇନ ନାହିଁ’- ହାଇକୋର୍ଟରେ ଏଭଳି ତଥ୍ୟ ରଖିଲେ ସରକାର
  • ||
  • ୩ ଦିନିଆ ରିମାଣ୍ଡରେ ଯିବେ ଅଭୟକାନ୍ତ ପାଠକ: ସ୍ବତନ୍ତ୍ର ଭିଜିଲାନ୍ସ କୋର୍ଟ ଦେଲେ ଅନୁମତି
  • ||
  • ଭୁବନେଶ୍ୱର : କମିଲା କରୋନା ପରୀକ୍ଷା ଦର, ଏଣିକି ୪ଶହ ଟଙ୍କାରେ ହେବ କୋଭିଡ୍ RT-PCR ଟେଷ୍ଟ
  • ||
  • କଳାହାଣ୍ଡି : ଜମିବାଡ଼ି ବିବାଦକୁ ନେଇ ଗୋଷ୍ଠୀ ସଂଘର୍ଷ, ୪ ଆହତ
  • ||

୬୮ କୋଟି କୋଭିଡ୍‌ ଟିକା କିଣିବେ ଭାରତ ସରକାର: ଭାରତୀୟମାନଙ୍କୁ ମାଗଣାରେ ଦିଆଯିବ ଟିକା

23/08/2020 at 8:21 PM

ନୂଆଦିଲ୍ଲୀ୨୩/୮: କରୋନା ଟିକା ଆସିଲେ ଭାରତୀୟମାନଙ୍କୁ ମାଗଣାରେ ଦିଆଯିବ। ଏଥିପାଇଁ ଭାରତ ସରକାର ୬୮ କୋଟି ଟିକା କିଣିବେ ।  ଦେଶକୁ କରୋନା ମୁକ୍ତ କରିବା ଦିଗରେ ଏହା ବିଶେଷ ଭାବେ ସହାୟକ ହେବ ।  ତେବେ ୭୩ ଦିନରେ  ଏହି ଟିକା ବଜାରରେ ଉପଲବ୍ଧ ହେବା ଖବରକୁ ସେରମ ଇନଷ୍ଟିଚ୍ୟୁଟ ଅଫ୍ ଇଣ୍ଡିଆ ପକ୍ଷରୁ ଖଣ୍ଡନ କରାଯାଇଛି।

ଭାରତର ନାଗରିକଙ୍କୁ ଦିଆଯିବ ମାଗଣା ଟିକା।  ଏହି ବର୍ଷ ଶେଷ ଆଡକୁ ଆସିଯିବ ଟିକା।  ୬୮ କୋଟି କୋଭିଡ ଟିକା ଭାରତ ସରକାର କିଣିବେ।  ଅକ୍ସଫୋର୍ଡ ସହଯୋଗିତାରେ ଭାରତର ସେରମ ଇନଷ୍ଟିଚ୍ୟୁଟ ପ୍ରସ୍ତୁତ କରୁଥିବା ଟିକାର ଆରମ୍ଭ ହୋଇଯାଇଛି । ଦେଶରେ ଏବେ ତିଟିନି ଟିକା ତିନି ପର୍ଯ୍ୟାୟରେ ପରୀକ୍ଷା ଚାଲିଛି। ଯେବେ ଟିକାର ପରୀକ୍ଷା ଶେଷ ହୋଇଯିବ ସେତେବେଳେ ଏହାକୁ ସାଧାରଣ ବ୍ୟବହାର ପାଇଁ ଉପଲବ୍ଧ କରାଯିବ ବୋଲି କେନ୍ଦ୍ର ସ୍ବସ୍ଥ୍ୟମନ୍ତ୍ରୀ ଡକ୍ଟର ହର୍ଷ ବର୍ଦ୍ଧନ କହିଛନ୍ତି।  ଦେଶକୁ କରୋନା ମୁକ୍ତ କରିବା ଦିଗରେ ଏହା ଏକ ବଡ ପଦକ୍ଷେପ ହେବ।

ଭାରତରେ କରୋନା ଟିକା ରେସରେ  ସେରମ ଇନଷ୍ଟିଚ୍ୟୁଟ ଅଫ୍ ଇଣ୍ଡିଆ  ସବା ଆଗରେ ରହିଛି। ଅକ୍ସଫୋର୍ଡ ୟୁନିଭରସିଟି –ଆଷ୍ଟ୍ରା ଜେନେକା ଦ୍ବାରା ମିଳିତ ଭାବେ ବିକଶିତ ହେଉଥିବା ଟିକାର ମାନବୀୟ ପରୀକ୍ଷଣ ଓ ପ୍ରଡକ୍ସନ ସେରମ ଇନଷ୍ଟିଚ୍ୟୁଟ ଅଫ୍ ଇଣ୍ଡିଆ ପରିଚାଳନା କରୁଛି। ସେରମ କମ୍ପାନୀକୁ ମଧ୍ୟ ଭାରତ ସରକାର ଟିକା ପ୍ରଡକ୍ସନ ପାଇଁ ମଞ୍ଜୁରି ଦେଇଛନ୍ତି।

ତେବେ ଏହି ଅନୁମତି କେବଳ ଭବିଷ୍ୟତରେ ବ୍ୟବହାର ପାଇଁ ମିଳିଛି। କିଛି ଗଣମାଧ୍ୟମରେ ଖବର ଆସିଥିଲା ଯେ ୭୩ ଦିନ ଭିତରେ ଏହି ଟିକା ବଜାରରେ ଉପଲବ୍ଧ  ହେବ। ତେବେ କମ୍ପାନୀ ପକ୍ଷରୁ ଏଭଳି ଖବରକୁ ଖଣ୍ଡନ କରାଯାଇଛି।ଟ୍ବିଟ କରି କମ୍ପାନି ପକ୍ଷରୁ ଏହି ସୂଚନା ଦିଆଯାଇଛି।  ଟିକା ସେତେବେଳେ ବଜାରରେ ଉପଲବ୍ଧ ହେବ ଯେତେବେଳେ ଏହାର ମାନବୀୟ ପରୀକ୍ଷଣ ସଫଳ ହେବ ଏବଂ ବ୍ୟବହାର ପାଇଁ  ରେଗୁଲେଟରି ଆପ୍ରୁଭାଲ ମିଳିବ  ବୋଲି ସେରମ କମ୍ପାନି ପକ୍ଷରୁ କୁହାଯାଇଛି। ଏବେ କୋଭିସେଲ୍ଡର ତୃତୀୟ ପର୍ଯ୍ୟୟ ମାନବୀୟ ପରୀକ୍ଷଣ ଚାଲିଛି।

ଏପଟେ ଭାରତରେ ୩୦ ଲକ୍ଷ ଟପିଲା କରୋନା ଆକ୍ରାନ୍ତଙ୍କ ସଂଖ୍ୟା । ଗତ ୨୪ ଘଣ୍ଟାରେ ୬୯ ହଜାର ୨୩୯ ନୂଆ ପଜିଟିଭ ଚିହ୍ନଟ ହୋଇଛନ୍ତି । ଏଥି ସହିତ ୯୧୨ ଜଣଙ୍କର ମୃତ୍ୟୁ ହୋଇଛି । ତେବେ ଭାରତରେ କରୋନାରୁ ସୁସ୍ଥ ହେଉଥିବା ସଂଖ୍ୟା ୭୫ ପ୍ରତିଶତକୁ ଟପିଯାଇଛି। ଦିଲ୍ଲୀରେ ସ୍ଥିତି ନିୟନ୍ତ୍ରଣକୁ ଆସିଲାଣି ବୋଲି ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ କହିଛନ୍ତି। ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା ୩୦ ଲକ୍ଷ ୪୪ ହଜାର ୯୪୧କୁ ବୃଦ୍ଧି ପାଇଛି । ଦେଶରେ ୭ ଲକ୍ଷ ୭ ହଜାର ୬୬୮ ଆକ୍ଟିଭ କେସ ଥିବା ବେଳେ ୨୨ ଲକ୍ଷ ୮୦ ହଜାର ୫୬୭ ଆକ୍ରାନ୍ତ ସୁସ୍ଥ ହୋଇଛନ୍ତି ।

   Related Posts