Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||
  • ନଭେମ୍ବରରୁ ପର୍ଯ୍ୟଟକଙ୍କ ପାଇଁ ଖୋଲିବ ଶିମିଳିପାଳ ବ୍ୟାଘ୍ର ପ୍ରକଳ୍ପ
  • ||

ସ୍ତ୍ରୀ ୫୦ ଟଙ୍କା ନ ଦେବାରୁ ଆତ୍ମହତ୍ୟା କଲେ ସ୍ବାମୀ…

13/03/2020 at 12:46 PM

ଭଞ୍ଜନଗର ୩/୩ : ମାତ୍ର ୫୦ ଟଙ୍କା ପାଇଁ ଜୀବନ ହାରିଲେ ହୋମଗାର୍ଡ । ଏଭଳି ଅଭାବନୀୟ ଘଟଣା ତାରାସିଂ ଥାନା ଇଲାକାରେ ଘଟିଛି । ତାରାସିଂ ଥାନାରେ କାର୍ଯ୍ୟରତ ଜଣେ ମହିଳା କନେଷ୍ଟବଲଙ୍କ ସ୍ୱାମୀ ତଥା ସେହି ଥାନାର ହୋମ୍‌ଗାର୍ଡ ଦିବ୍ୟଜ୍ୟୋତି ଆଚାର୍ଯ୍ୟ (ମୂଳତଃ ଛତ୍ରପୁର ବାସିନ୍ଦା) ବୁଧବାର ଦିନ ପ୍ରବଳ ମଦ୍ୟପାନ କରିଥିଲେ । ଘରକୁ ଆସି ପୁଣି ଥରେ ପତ୍ନୀଙ୍କୁ ମଦ ପିଇବାକୁ ୫୦ ଟଙ୍କା ମାଗିଥିଲେ । ମାତ୍ର ଟଙ୍କା ଦେବାକୁ ସ୍ପଷ୍ଟ ମନା କରିଥିଲେ କନେଷ୍ଟବଲଙ୍କ ପତ୍ନୀ ।

ଏଥିରେ ରାଗି ହୋମଗାର୍ଡ ଜଣକ କୌଣସି ବିଷାକ୍ତ ଜିନିଷ ଖାଇ ଦେଇଥିଲେ । ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ଭଞ୍ଜନଗର ଓ ପରେ ବ୍ରହ୍ମପୁର ବଡ଼ ଡାକ୍ତରଖାନା ସ୍ଥାନାନ୍ତର କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ଗୁରୁବାର ଦିବ୍ୟଜ୍ୟୋତିଙ୍କ ମୃତ୍ୟୁ ଘଟିଥିବା ତାରାସିଂ ଥାନା ଅଧିକାରୀ ସବ୍ୟସାଚୀ ମଲ୍ଲ ସୂଚନା ଦେଇଛନ୍ତି । ଏସମ୍ପର୍କରେ ବ୍ରହ୍ମପୁର ବୈଦ୍ୟନାଥପୁର ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯାଇ ଶବ ବ୍ୟବଚ୍ଛଦ କରାଯାଇଛି । ମାତ୍ର ୫୦ ଟଙ୍କା ପାଇଁ ମଦ ନିଶାରେ ଜୀବନ ହାରିବା ଭଳି ଅଭାବନୀୟ ଘଟଣା ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି ।

   Related Posts