Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

କରୋନାର ପ୍ରଥମ ଲହର ପରେ ବେପରୁଆ ହୋଇ ପଡିଥିଲେ ସରକାର ଓ ଜନତା, ତେଣୁ ଆଜି ଏମିତି ସ୍ଥିତିର ସମ୍ମୁଖୀନ ହେବାକୁ ପଡିଛି: ମୋହନ ଭାଗବତ

15/05/2021 at 7:12 PM

ନୂଆଦିଲ୍ଲୀ ୧୫।୦୫: ଦେଶରେ କରୋନାର ସାଂପ୍ରତିକ ସ୍ଥିତିକୁ ନେଇ ରାଷ୍ଟ୍ରୀୟ ସ୍ଵଂୟ ସେବକ ସଂଘ(ଆରଏସଏସ) ପ୍ରମୁଖ ମୋହନ ଭାଗବତଙ୍କ ପ୍ରତିକ୍ରିୟା ଆସିଛି। ଶନିବାର ଭାଗବତ କହିଛନ୍ତି ଯେ, ପରୀକ୍ଷାର ଘଡିରେ ଆମକୁ ସକରାତ୍ମକ ରହିବାକୁ ପଡିବ। ଭାଗବତ ‘ପଜିଟିଭିଟି ଅନଲିମିଟେଡ୍’ କାର୍ଯ୍ୟକ୍ରମକୁ ସମ୍ଵୋଧିତ କରିବା ବେଳେ ଏହା କହିଛନ୍ତି। ସେ କହିଛନ୍ତି ଯେ, କରୋନାର ପ୍ରଥମ ଲହର ପରେ ସରକାର ବେପରୁଆ ହୋଇ ପଡିଥିଲେ।

ଭାଗବତ କହିଛନ୍ତି, ଆମକୁ ସକରାତ୍ମକ ରହିବାକୁ ପଡିବ। ସାଂପ୍ରତିକ ସ୍ଥିତିରେ ନିଜକୁ କୋଭିଡ୍ ନେଗେଟିଭ ରଖିବା ପାଇଁ ସାବଧାନ ରହିବାକୁ ପଡିବ। ବର୍ତ୍ତମାନ ପରିସ୍ଥିତିରେ ଭିତ୍ତିହୀନ ବୟାନ ଦେବାରୁ ନିବୃତ୍ତ ରହିବା ଉଚିତ୍। ଏହା ପରୀକ୍ଷାର ସମୟ ମାତ୍ର ଆମକୁ ଏକଜୁଟ୍  ହୋଇ ରହିବାକୁ ହେବ ଏବଂ ଏକ ଟିମ୍ ଭାବେ କାର୍ଯ୍ୟ କରିବାକୁ ପଡିବ।

ଆରଏସଏସ ପ୍ରମୁଖ କହିଛନ୍ତି, ସଫଳତା ଏବଂ ବିଫଳତା ଜୀବନରେ ଅନ୍ତିମ ନୁହେଁ। କୌଣସି କାମକୁ ଜାରି ରଖିବାର ସାହାସ ହିଁ ଗୁରୁତ୍ଵ ବହନ କରେ। ଆମେ ବର୍ତ୍ତମାନ ଜଟିଳ ପରିସ୍ଥିତିର ସାମ୍ନା କରୁଛେ କାରଣ ସରକାର, ପ୍ରଶାସନ ଓ ଜନତା ସମସ୍ତେ କୋଭିଡ୍‌ର ପ୍ରଥମ ଲହର ପରେ ବେପରୁଆ ହୋଇ ପଡିଥିଲେ। ଏବେ ଦେଶରେ ତୃତୀୟ ଲହର ଆସିବାର ଆଶଙ୍କା ସୃଷ୍ଟି  ହୋଇଛି। ମାତ୍ର ଆମକୁ ଭୟଭୀତ ହେବାର ନାହିଁ, ବରଂ ନିଜକୁ ପ୍ରସ୍ତୁତ ରଖିବାର ଆବଶ୍ୟକତା ରହିଛି।

କାର୍ଯ୍ୟକ୍ରମକୁ ସମ୍ବୋଧନ କରି ମୋହନ ଭାଗବତ କହିଛନ୍ତି, କରୋନା ମହାମାରୀ ମାନବତା ପାଇଁ ଏକ ଆହ୍ଵାନ। ଏହାର ସଫଳ ମୁକାବିଲା କରି ଭାରତକୁ ଦୁନିଆ ପାଇଁ ଉଦାହରଣ  ପାଲଟିବାର ଅଛି। ଆମକୁ ଭୁଲ୍-ଠିକ୍‌ର ଆଲୋଚନା ବିନା ଏକ ଦଳ ଭାବେ କାମ କରିବାକୁ ପଡିବ।

   Related Posts