ଢେଙ୍କାନାଳ ୧୮।୦୯: ଢେଙ୍କାନାଳ ଜିଲ୍ଲାର ବିହୁଚର୍ଚ୍ଚିତ ବାଲିକୁମାର ବିଧବା ମହିଳାଙ୍କୁ ଗଣଦୁଷ୍କର୍ମ ଓ ହତ୍ୟା ଘଟଣାର ରାୟ ପ୍ରକାଶ ପାଇଛି । କାମାକ୍ଷାନଗର ଅତିରିକ୍ତ ଜିଲ୍ଲା ଦୌରା ଜଜ ଏହି ମାମଲାର ଶୁଣାଣି କରି ଅଭିଯୁକ୍ତ ଚାରି ଜଣଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି ।
ଉଲ୍ଲେଖନୀୟ କଙ୍କଡାହାଡ ଥାନା ବାଲିକୁମା ଗ୍ରାମର ଜଣେ ବିଧବା ମହିଳାଙ୍କୁ ଦୁଷ୍କର୍ମ ପରେ ତାଙ୍କ ଯୌନାଙ୍ଗରେ ରଡ଼ ଓ ତାୟା ବେଣ୍ଟ ପୁରାଇ ହତ୍ୟା କରିଥିଲେ। ଘଟଣାରେ ସମ୍ପୃକ୍ତ ୪ ଅଭିଯୁକ୍ତ ହରିପାତ୍ର, ରଘୁ ଲୋହାର, ଆନନ୍ଦ ପାତ୍ର, ସୁଦର୍ଶନ ଲୋହାରଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରାଇବା ସହ ୨୦ ହଜାର ଟଙ୍କାର ଅର୍ଥଦଣ୍ଡ ନିର୍ଦ୍ଦେଶ ଦେଇଛନ୍ତି। ଜୋରିମାନା ଅନାଦେୟ ହେଲେ ଅଧିକ ୧ ବର୍ଷ କାରାଦଣ୍ଡ ଘୋଷଣା କରିଛନ୍ତି।
ସୂଚନା ଅନୁସାରେ ଗତ ୨୦୧୭ ମସିହା ଜୁନ ୧୨ତାରିଖରେ ବାଲିକୁମା ଗ୍ରାମର ବିଧବା ମହିଳା ରାତିରେ ରୋଷେଇ ଘରେ ଏକାକି ଶୋଇଥିବା ସମୟରେ ଗ୍ରାମର ଏହି ୪ ଅଭିଯୁକ୍ତ ଗଣଦୁଷ୍କର୍ମ କରିବା ସହ ଯୌନାଙ୍ଗରେ ଲୁହା ରଡ ଓ ରୁଟି ତାଓ୍ଵାର ବେଣ୍ଟ ପୂରାଇ ହତ୍ୟା କରିଥିଲେ। ଏହି ଘଟଣା ପରେ ଆଜି ୧୭ ଜଣ ସାକ୍ଷୀ, ସାଇଣ୍ଟିଫିକ ଟିମର ତଥ୍ୟକୁ ଆଧାର କରି ଜିଲ୍ଲା ଦୈାରାଜଜ ତାଙ୍କର ରାଏ ଶୁଣାଇଛନ୍ତି।
