Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||
  • ସୋର : ରୂପା ରାଧାକୃଷ୍ଣ ମୂର୍ତ୍ତି ନେଇଗଲେ ଚୋର, ସୁନା-ରୂପା ଅଳଙ୍କାର ବି ଲୁଟ୍
  • ||
  • କଟକ : କୁମ୍ଭମେଳା ଫେରନ୍ତା ୧୩ଜଣ କରୋନା ପଜିଟିଭ୍, ରେଳ ଯାତ୍ରୀଙ୍କ ରିପୋର୍ଟ ଯାଞ୍ଚ କଡାକଡି
  • ||
  • ଆଠମଲ୍ଲିକ : ଜଳ ପ୍ରକଳ୍ପ ସ୍ଥାନାନ୍ତର ପ୍ରତିବାଦ, ଉପଜିଲ୍ଲାପାଳ ଅଫିସ ସମ୍ମୁଖରେ ଗ୍ରାମବାସୀଙ୍କ ବିକ୍ଷୋଭ ପ୍ରଦର୍ଶନ
  • ||
  • ପୁରୀ : ସ୍ବଳ୍ପ ସଂଖ୍ୟକ ବ୍ୟକ୍ତିଙ୍କୁ ନେଇ ହେବ ପୁରୀର ପ୍ରସିଦ୍ଧ ସାହିଯାତ, କୋଭିଡ୍ କଟକଣା ଉପରେ ରହିବ ନଜର
  • ||
  • ମାଲକାନଗିରି : ପୋଲିସ-ନକ୍ସଲ ଗୁଳିବିନମୟ : ଜଣେ ନିହତ, ମୁଣ୍ଡ ଉପରେ ୫ଲକ୍ଷ ଟଙ୍କାର ପୁରସ୍କାର
  • ||
  • ତେଲକୋଇ : ମହୁଲ ବୋଝେଇ ମିନିଟ୍ରକ୍ ଜବତ, ଜଣେ ଅଟକ
  • ||
  • ସ୍ବଳ୍ପ ସଂଖ୍ୟକ ବ୍ୟକ୍ତିଙ୍କୁ ନେଇ ହେବ ପୁରୀର ପ୍ରସିଦ୍ଧ ସାହିଯାତ, କୋଭିଡ୍ କଟକଣା ଉପରେ ରହିବ ନଜର
  • ||

ଆସନ୍ତାକାଲି ଜାରି ହେବ ଟିଏମ୍‌ସିର ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ! କ’ଣ ରହିବ ଦିଦିଙ୍କ ଗେମ୍ ପ୍ଲାନ୍?

28/02/2021 at 9:16 PM

କୋଲକାତା ୨୮/୦୨ : ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ ସୋମବାର ପ୍ରାର୍ଥୀଙ୍କ ନାଁ ଘୋଷଣା କରିପାରନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ । ମିଳିଥିବା ସୂଚନା ଅନୁସାରେ ସନ୍ଧ୍ୟା ୫ଟା ବେଳେ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିପାରନ୍ତି ଦିଦି ।

ପଶ୍ଚିମବଙ୍ଗରେ ମୋଟ ୮ଟି ପର୍ଯ୍ୟାୟରେ ନିର୍ବାଚନ ହେବାକୁ ଯାଉଛି । ପ୍ରଥମ ପର୍ଯ୍ୟାୟ ୨୭ ମାର୍ଚ୍ଚ, ଦ୍ବିତୀୟ ପର୍ଯ୍ୟାୟ ୧ ଏପ୍ରିଲ, ତୃତୀୟ ୬ ଏପ୍ରିଲ, ଚତୁର୍ଥ ପର୍ଯ୍ୟାୟ ୧୦ ଏପ୍ରିଲ, ପଞ୍ଚମ ୧୭ ଏପ୍ରିଲ, ଷଷ୍ଠ ୨୨ ଏପ୍ରିଲ, ସପ୍ତମ ୨୬ ଏପ୍ରିଲ ଏବଂ ଅଷ୍ଟମ ପର୍ଯ୍ୟାୟ ନିର୍ବାଚନ ଏପ୍ରିଲ ୨୯ ତାରିଖରେ ଅନୁଷ୍ଠିତ ହେବ । ଚଳିତ ଥର ମୋଟ ୧ ଲକ୍ଷ ୧ ହଜାର ୯୧୬ଟି ଭୋଟ ଗ୍ରହଣ କେନ୍ଦ୍ର କରାଯିବ । ମେ ୨ ତାରିଖରେ ଫଳାଫଳ ଘୋଷଣା କରାଯିବ ।

ଦେଶର ୪ଟି ରାଜ୍ୟ ଏବଂ ଗୋଟିଏ କେନ୍ଦ୍ର ଶାସିତ ଅଞ୍ଚଳ ପାଇଁ ବିଧାନସଭା ନିର୍ବାଚନ ତାରିଖ ଏବଂ ଗାଇଡ୍‌ଲାଇନ୍‌ ଜାରି କରିଛନ୍ତି ଭାରତୀୟ ନିର୍ବାଚନ କମିଶନର । ୨୦୨୪ ଲୋକସଭା ନିର୍ବାଚନ ପୂର୍ବରୁ ସାଧାରଣ ନିର୍ବାଚନ ସେମିଫାଇନାଲ ମ୍ୟାଚ୍‌ ବୋଲି ଧରାଯାଉଛି । ତେବେ  ଘୋଷଣା ହୋଇଥିବା ରାଜ୍ୟମାନଙ୍କ ମଧ୍ୟରୁ ସବୁଠାରୁ ଅଧିକ ନଜର ରହିଛି ପଶ୍ଚିମବଙ୍ଗ ଉପରେ ।

୨୦୧୬ ସାଧାରଣ ନିର୍ବାଚନରେ ବିଜେପିକୁ ମୋଟ ୨୯୪ ସିଟ୍‌ରୁ ମାତ୍ର ୩ଟି ସିଟ୍‌ ମିଳିଥିଲା । କିନ୍ତୁ ୨୦୧୯ ଲୋକସଭା ନିର୍ବାଚନରେ ଦମ ଦେଖାଇଥିଲା ଦଳ । ମୋଟ ୪୨ଟି ସଂସଦୀୟ କ୍ଷେତ୍ର ମଧ୍ୟରୁ ୧୮ଟି ହାତେଇ ନେଇଥିଲା ଗେରୁଆ ଦଳ ଏବଂ ଭୋଟ ପ୍ରତିଶତ ଥିଲା ୪୦.୪୬ ପ୍ରତିଶତ । ଯାହାକି ଟିଏମସି ଠାରୁ ମାତ୍ର ୩ ପ୍ରତିଶକ କମ । ତେଣୁ ଏଥର ସାଧାରଣ ନିର୍ବାଚନରେ ଉଭୟ ଦଳ ମଧ୍ୟରେ ଜୋରଦାର ଟକ୍କର ହେବ ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି ।

ଗୋଟିଏ ପଟେ ମମତା ବାନାର୍ଜୀଙ୍କ ଲୋକପ୍ରିୟତା ଏବଂ ଅନ୍ୟପଟେ ମୋଦି ମ୍ୟାଜିକ୍‌ ଓ ଶାହା ଫ୍ୟାକ୍ଟର୍‌ । ତେବେ ନିର୍ବାଚନ ପୂର୍ବରୁ ଓପିନିଅନ୍‌ ପୋଲ ଜାରି କରିଛି ସି-ଭୋଟର । ଏହି ସର୍ଭେରେ ବେଙ୍ଗଲ ଜନତାଙ୍କ ମୁଡ୍‌କୁ ପରଖିଛି ସି-ଭୋଟର ।

 ବେଙ୍ଗଲରେ କାହାକୁ ମିଳିପାରେ ବହୁମତ ?

ଏବିପି ନ୍ୟୁଜ୍‌ ସି-ଭୋଟର ଓପିନିୟନ୍‌ ପୋଲ୍ ଅନୁଯାୟୀ ପଶ୍ଚିମବଙ୍ଗର ମୋଟ ୨୯୪ ଆସନରେ ଭୋଟ ପ୍ରତିଶତ କଥାକହିବାକୁ ଗଲେ ଟିଏମ୍‌ସିକୁ ୪୩ ପ୍ରତିଶଥ ଭୋଟ ମିଳିବ । ବିରୋଧୀ ବିଜେପିକୁ ୩୮ ପ୍ରତିଶତ ଭୋଟ ମିଳିବା ନେଇ ଆକଳନ କରାଯାଉଛି । ସେହିଭଳି କଂଗ୍ରେସ-ବାମପନ୍ଥୀ ମେଣ୍ଟକୁ ୧୩ ପ୍ରତିଶତ ଏବଂ ଅନ୍ୟମାନଙ୍କୁ ୬ ପ୍ରତିଶତ ଭୋଟ ମିଳିପାରେ ।

ଆସନ ସଂଖ୍ୟା କଥା କହିବାକୁ ଗଲେ ମମତା ବାନାର୍ଜୀଙ୍କ ଟିଏମ୍‌ସି ପୁଣି ଥରେ ପଶ୍ଚିମବଙ୍ଗ କବ୍‌ଜା କରିପାରେ । ସର୍ଭେ ଅନୁଯାୟୀ TMCକୁ ୧୪୮-୧୬୪ ସିଟ୍‌ ମିଳିପାରେ । ୨୦୦ରୁ ଉର୍ଦ୍ଧ୍ବ ସିଟ୍‌ରେ ବିଜୟ ହେବା ନେଇ ଆଶାବାଦୀ ଥିବା BJPକୁ ୯୨-୧୦୮ ସିଟ୍‌ ମିଳିପାରେ । ସେହପରି କଂଗ୍ରେସ-ବାମପନ୍ଥୀ ମେଣ୍ଟକୁ ୩୧-୩୯ ସିଟ୍‌ ମିଳିବା ନେଇ ଆକଳନ କରାଯାଉଛି ।

   Related Posts