Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଚାୟତ ନିର୍ବାଚନ ପୂର୍ବରୁ ହିଂସା ! ସମିତି ସଭ୍ୟାଙ୍କ ଗାଡି ଜାଳିଦେଲେ ଦୁର୍ବୃତ୍ତ
  • ||
  • ମହିଳାଙ୍କ ଦେହରେ ନିଆଁ ଲଗାଇ ଦେଲେ ଧରମ ଭାଇ ! ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ବିଲଡର୍ ସଂସ୍ଥାର ଘର ଉପରେ ବୋମାମାଡ, ୩ ଶ୍ରମିକ ଆହତ
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୪କୁ ବୃଦ୍ଧି
  • ||
  • ରାଜ୍ୟରେ ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୪୮୯ କୋଭିଡ୍ ପଜିଟିଭ୍, ୧୧୪୪୪୦୧ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୫୮ ହଜାରରୁ ଅଧିକ କରୋନା ପଜିଟିଭ୍, ୩୮୫ ମୃତ
  • ||
  • ଖୋଲିଲା ଶିମିଳିପାଳ, ପର୍ଯ୍ୟଟକଙ୍କ ପାଇଁ ଖୁସି ଖବର
  • ||
  • ଆଉ ନାହାଁନ୍ତି ପଦ୍ମଶ୍ରୀ ଶାନ୍ତିଦେବୀ, ୮୮ ବର୍ଷ ବୟସରେ ପରଲୋକ
  • ||
  • କଥକ ସମ୍ରାଟ ବିରଜୁ ମହାରାଜଙ୍କ ପରଲୋକ, ୮୩ ବର୍ଷ ବୟସରେ ଦେହାନ୍ତ
  • ||
  • ତ୍ରିସ୍ତରୀୟ ପଞ୍ଚାୟତ ନିର୍ବାଚନ : ସୋମବାରଠୁ ଦାଖଲ ହେବ ପ୍ରାର୍ଥୀପତ୍ର, କରୋନା କଟକଣାରେ ସରିବ ପୁରା ପ୍ରକ୍ରିୟା
  • ||

ଚାଲିଯାଇଛି ବାତ୍ୟା ଅମ୍ଫାନ, ହେଲେ ଛାଡି ଯାଇଛି ଛାପ: ଭାଙ୍ଗି ଦେଇଛି ଚାଷୀ ପୁଅର ଅଣ୍ଟା

21/05/2020 at 8:47 PM

ବାଲେଶ୍ବର୨୧/୫: ଚାଲିଯାଇଛି ବାତ୍ୟା ଅମ୍ଫାନ, ହେଲେ ଛାଡି ଯାଇଛି ଛାପ । ଉଜାଡି ଦେଇଛି ହେକ୍ଟର ହେକ୍ଟର ଚାଷ । ଯାହାକୁ ନେଇ ଏବେ ଚିନ୍ତାରେ ଚାଷୀକୂଳ । ବାଲେଶ୍ବର ଏବଂ ଭଦ୍ରକରେ ପ୍ରବଳ ବର୍ଷା ଏବଂ ପବନ ପାଇଁ ବ୍ୟାପକ ଫସଲ ନଷ୍ଟ ହୋଇଛି । କେନ୍ଦ୍ରାପଡା, ଜଗତସିଂହପୁର ଏବଂ ପୁରୀ ଜିଲ୍ଲାରେ ବି  ଧାନ, ପାନ, ମୁଗ, ବିଗି, ପନିପରିବା ଫସଲ ନଷ୍ଟ କରିଛି ବାତ୍ୟା ।

ପବନ ଏବଂ ବର୍ଷା ମାଡରେ ଶୋଇ ଯାଇଛି ହେକ୍ଟର ହେକ୍ଟର ଧାନ ଫସଲ । ପାଚିଲା କ୍ଷେତରେ ଲହଡି ମାରୁଛି ପାଣି । ଅମ୍ଫାନ ବାତ୍ୟା ଓଡିଶା ଉପକୂଳ ଅତିକ୍ରମ କଲାବେଳେ ଭାଙ୍ଗି ଦେଇଛି ଚାଷୀପୁଅର ଅଣ୍ଟା । ପାଣିରେ ଭାସୁଛି ଧାନ । ଏହାକୁ ଦେଖି କେମିତି ବା ଧୈର୍ଯ୍ୟ ଧରନ୍ତା ଚାଷାପୁଅ । ବାଲିଆପାଳ, ସୋର, ଖଇରା ବ୍ଲକରେ ବି ସମାନ ଅବସ୍ଥା । ବାଲେଶ୍ବର ଜିଲ୍ଲାରେ  ୩୨ ହଜାର ୩୪  ହେକ୍ଟର ଜମିରେ ଧାନ ଚାଷ ହୋଇଥିଲା । ୨୪ ହଜାର ହେକ୍ଟର ଧାନ ଫସଲ ବାତ୍ୟାରେ ନଷ୍ଟ ହୋଇଥିବା ଅନୁମାନ କରାଯାଉଛି । କେବଳ ଧାନ ନୁହେଁ, ବାଲେଶ୍ବର ଜିଲ୍ଲାର ୧୨ ଟି ବ୍ଲକରେ ପନି ପରିବା, ଚିନାବାଦାମ ଚାଷ ମଧ୍ୟ ନଷ୍ଟ ହୋଇଛି ।

ବାଲେଶ୍ବର ଭଳି ଭଦ୍ରକ ଜିଲ୍ଲାରେ ବି ବ୍ୟାପକ ଫସଲ ନଷ୍ଟ କରିଛି ବାତ୍ୟା । ୪ ମାସ ଧରି ମୁଣ୍ଡ ଝାଳ ତୁଣ୍ଡରେ ମାରି ଫସଲ କରିଥିବା ଚାଷୀ ଏବେ ମୁଣ୍ଡରେ ହାତ ଦେଇ ବସିଛି।  ଧାନ, ପନି ପରିବା, ଆଖୁ ଏବଂ ବିଭିନ୍ନ ଡାଲି ଜାତୀୟ ଫସଲ ନଷ୍ଟ ହୋଇଛି ।  ଧାମରାରେ ସମୁଦ୍ର ଜୁଆର ମାଡି ଆସିବାରୁ ଶହ ଶହ ଏକର ଚାଷ ଜମି ଜଳମଗ୍ନ ହୋଇଛି । କରୋନା କଟକଣା ସ୍ଵତ୍ବେ ବିଭିନ୍ନ ଉପାୟରେ କୀଟନାଶକ, ସାର, ବିହନ ସଂଗ୍ରହ କରି ଚାଷ କରିଥିଲା ଚାଷୀ । କିନ୍ତୁ ଠିକ୍ ଅମଳ ସମୟରେ ବାତ୍ୟା ସେମାନଙ୍କ ମୁହଁରୁ ହସ ଛଡାଇନେଇଛି ।  

ବାତ୍ୟା ଉଜାଡି ଦେଇଛି ଚାଷୀର ସ୍ବପ୍ନ । ପାଚିଲା ମୁଗ କ୍ଷେତରେ ଲହଡି ମାରୁଛି ପାଣି । ନଷ୍ଟ ହେବାକୁ ବସିଛି ହେକ୍ଟର ହେକ୍ଟର ମୁଗ ଫସଲ । କେବଳ କେନ୍ଦ୍ରାପଡା ବ୍ଲକ ନୁହେଁ ଜିଲ୍ଲାର ଅଧିକାଂଶ ସ୍ଥାନରେ ଡାଲି ଜାତୀୟ ଫସଲ ସହ ପନିପରିବା, ଧାନ ଉଜୁଡିବା ଉପରେ ।  ସମାନ ଅବସ୍ଥା ଜଗତସିଂହପୁ ଜିଲ୍ଲାରେ । ଏଠି ବାତ୍ୟା ଉଡାଜି ଦେଇଛି ଚାଷୀର କ୍ଷେତ । ଧାନ, ପାନ, ପନିପରିବା କ୍ଷେତ ନଷ୍ଟ ହୋଇଛି । ଅନେକ ପାନ ବରଜ ମାଟିରେ ଶୋଇ ଯାଇଛି । ଏ ଦୃଶ୍ୟ  ଏରସମା ବ୍ଲକ ଢ଼ିଙ୍କିଆ ପଞ୍ଚାୟତର । ଛାରଖାର ହୋଇଯାଇଛି ଶହ ଶହ ପାନ ବରଜ । ପରିବାର ପ୍ରତିପୋଷଣର ମାଧ୍ୟମ ଉଜୁଡିଯିବା ପରେ ଚାଷୀ ମୁଣ୍ଡରେ ଚଡକ ପଡିଛି । ପୁରୀ ଜିଲ୍ଲା ଅସ୍ତରଙ୍ଗ, କାକଟପୁର  ଏବଂ କଟକ ଜିଲ୍ଲା ନିଆଳି ଅଞ୍ଚଳରେ ମଧ୍ୟ ଶତାଧିକ ପାନ ବଜର ଧରାଶାୟୀ ହୋଇଛି । କ୍ଷୟକ୍ଷତିର ଉପଯୁକ୍ତ ଆକଳନ କରି ଚାଷୀଙ୍କୁ ତୁରନ୍ତ କ୍ଷତିପୂରଣ ଯୋଗାଇ ଦେବାକୁ ଦାବି ହୋଇଛି ।

   Related Posts