Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଏସଏଫର ବଡ କାର୍ଯ୍ୟାନୁଷ୍ଠାନ, ବାଂଲାଦେଶ ସୀମାରେ ୮୨ ନକଲି ଡ୍ରାଇଭିଂ ଲାଇସେନ୍ସ ଜବତ
  • ||
  • ୟୁପି ସମର: ଅଖିଳେଶଙ୍କ ପାଇଁ ପ୍ରଚାର କରିବେ ମମତା, ଫେବୃଆରୀ ୮ରେ ଲକ୍ଷ୍ନୌରେ ଭର୍ଚୁଆଲ ରାଲି
  • ||
  • ଆସନ୍ତାକାଲି ପ୍ରଥମ ଦିନିକିଆ: କିଏ କରିବ ଓପନିଂ ? ଖୁଲାସା କଲେ ରାହୁଲ, ୫ ବର୍ଷ ପରେ ଦିନିକିଆକୁ ପ୍ରତ୍ୟାବର୍ତ୍ତନ କରିବେ ଏହି ଖେଳାଳି
  • ||
  • କାରିଗରଙ୍କଠୁ ଲାଞ୍ଚ ନେବା ମହଙ୍ଗା ପଡିଲା, ଭିଜିଲାନ୍ସ ଦ୍ଵାରା ବନ୍ଧା ହେଲେ ହସ୍ତଶିଳ୍ପ ନିଗମର ସହ-ନିର୍ଦ୍ଦେଶକ ଓ କ୍ରାପ୍ଟମ୍ୟାନ୍
  • ||
  • କଲେଜ୍ରେ ନିର୍ବାଚନୀ ସଭା ନେଇ କଠୋର ହେଲେ ଏସଇସି: ଏସଡିପିଓ ଏବଂ ପ୍ରିନ୍ସିପାଲଙ୍କୁ ନିଲମ୍ବନ କରିବାକୁ ଦେଲେ ନିର୍ଦ୍ଦେଶ
  • ||
  • IPL 2022: କେଏଲ ରାହୁଲଙ୍କ ସହ ଏହି ଦୁଇ ଖେଳାଳିଙ୍କୁ ନିଜ ଦଳରେ ସାମିଲ୍ କଲା ଲକ୍ଷ୍ନୌ ଫ୍ରାଞ୍ଚାଇଜି
  • ||
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||

କେତେବେଳେ ଲୋକେ ଥଟ୍ଟା କରୁଥିଲେ, କିନ୍ତୁ ଆଜି କରୁଛନ୍ତି ସାଲ୍ୟୁଟ୍… ମହାମାରୀ ବଦଳାଇ ଦେଇଛି ଏହି ମହିଳା ପୋଲିସ କର୍ମଚାରୀଙ୍କ ଜୀବନ

24/04/2020 at 11:18 PM

ନୂଆଦିଲ୍ଲୀ ୨୪।୪: କରୋନା ଭାଇରସ୍ ବିରୋଧରେ ଚାଲିଥିବା ଯୁଦ୍ଧରେ ସାମିଲ୍ ହୋଇଥିବା ଦିଲ୍ଲୀ ପୋଲିସର ଜଣେ କର୍ମଚାରୀ ମୌସମ ଯାଦବ ମହାମାରୀ ପରେ ତାଙ୍କ ଜୀବନରେ ଆସିଥିବା ପରିବର୍ତ୍ତନକୁ ନେଇ ବହୁତ ଖୁସି ଅଛନ୍ତି । ସେ କହିଛନ୍ତି ଯେ ପୂର୍ବରୁ ପରିବାର ସଦସ୍ୟ ଏବଂ ପଡୋଶୀମାନେ ତାଙ୍କର ଏହି ବୃତ୍ତି ବାଛିବା ପାଇଁ ତାଙ୍କୁ ଥଟ୍ଟା କରୁଥିଲେ । କିନ୍ତୁ ବର୍ତ୍ତମାନ ସେହିଲୋକ ତାଙ୍କୁ ପ୍ରଶଂସା କରୁଛନ୍ତି । ମୌସମ କହିଛନ୍ତି ଯେ ଯେତେବେଳେ ମହାମାରୀ ଆରମ୍ଭ ହେଲା, ସେତେବେଳେ ତାଙ୍କ ପରିବାର ସଦସ୍ୟ ତାଙ୍କୁ ଛୁଟିରେ ଯାଇ ଘରେ ରହିବାକୁ ପରାମର୍ଶ ଦେଇଥିଲେ । କିନ୍ତୁ ସେ ଡ୍ୟୁଟିରେ ରହିଥିଲେ । ସେ କହିଛନ୍ତି ଯେ ଲୋକଙ୍କ ସେବା କରିବା ପାଇଁ ମୁଁ ପୋଲିସ ୟୁନିଫର୍ମ ପିନ୍ଧିଛି । ଯଦି ମୁଁ ସଙ୍କଟ ସମୟରେ ପଛକୁ ହଟିଯାଏ, ତେବେ ଏହାର ଫାଇଦା କଣ ।

ମୌସମ ୨୦୧୪ରେ ଦିଲ୍ଲୀ ପୋଲିସରେ ଯୋଗ ଦେଇଥିଲେ ଏବଂ ମେହେରୁଲିରେ ତାଙ୍କର ପୋଷ୍ଟିଂ କରାଯାଇଥିଲା । ସେ ତିନି ବର୍ଷ ପୂର୍ବେ ବିବାହ କରିଥିଲେ ଏବଂ ବର୍ତ୍ତମାନ ତାଙ୍କର ଦେଢ ବର୍ଷର ଶିଶୁଟିଏ ଅଛି । ତାଙ୍କ ସ୍ବାମୀ ପ୍ରବୀଣ ଯାଦବ ଗୁରୁଗାଓଁର ଏକ ଘରୋଇ କମ୍ପାନୀରେ କାମ କରନ୍ତି । ହରିୟାଣାର ମହେନ୍ଦ୍ରଗଡ ଗାଁର ବାସିନ୍ଦା ମୌସମଙ୍କ ବାପା ଚାହୁଁଥିଲେ ଯେ ତାଙ୍କ ଝିଅ ପୋଲିସ ହୁଅନ୍ତୁ । ସେ କହିଥିଲେ ଯେ ଯେତେବେଳେ ମୁଁ ଦିଲ୍ଲୀ ପୋଲିସରେ ମନୋନୀତ ହୋଇଥିଲି ସେତେବେଳେ ସେ ବହୁତ ଖୁସି ଥିଲେ, ତଥାପି ମୋର ଗାଁର ଅନେକ ଲୋକ ମୋର ବୃତ୍ତିକୁ ସମାଲୋଚନା କରି ମୋତେ ଅପମାନିତ କରିବାକୁ ଚେଷ୍ଟା କରୁଥିଲେ । ତଥାପି, ବର୍ତ୍ତମାନ ସେହି ଲୋକମାନେ ମୋତେ ପ୍ରଶଂସା କରୁଛନ୍ତି ।

ମୌସମ କହିଛନ୍ତି ଯେ ବିବାହ ପରେ ମଧ୍ୟ ତାଙ୍କ ବୃତ୍ତି ପାଇଁ ତାଙ୍କୁ ସମାଲୋଚନା କରାଯାଇଥିଲା । ଲୋକମାନେ ତାଙ୍କୁ କିପରି ପରିହାସ କରିଥିଲେ ଏବଂ ତାଙ୍କୁ ବୃତ୍ତି ଛାଡିବାକୁ କହିଥିଲେ ବୋଲି ସେ ମନେ ପକାଇଥିଲେ । ତେବେ ଦେଶରେ କରୋନା ଭାଇରସ ମହାମାରୀ ଆରମ୍ଭ ହେବା ପରେ କିଛି ପରିବର୍ତ୍ତନ ହୋଇଛି । ଲକ୍ ଡାଉନ୍ ହେବା ଦିନଠାରୁ ତାଙ୍କ ସ୍ବାମୀ ଘରୁ କାମ କରି ପୁଅର ଯତ୍ନ ନେଉଛନ୍ତି ଯେତେବେଳେ ସେ ଚାକିରୀକୁ ଯାଉଛନ୍ତି । ସେ ବର୍ତ୍ତମାନ ରାଜଧାନୀର ସବୁଠାରୁ ବ୍ୟସ୍ତବହୁଳ ସ୍ଥାନରେ ଡ୍ୟୁଟି କରୁଛନ୍ତି । ସେ ସନ୍ଧ୍ୟା ଡ୍ୟୁଟି କରନ୍ତି, ଯାହା ଅପରାହ୍ନ ୨ ଟାରୁ ଆରମ୍ଭ ହୋଇ ରାତି ୮ ଟା ପର୍ଯ୍ୟନ୍ତ ଚାଲିବ ।

ମୌସମ କହିଛନ୍ତି ଯେ ମୁଁ ସନ୍ଧ୍ୟା ଡ୍ୟୁଟି ବାଛିଲି ଯାହା ଦ୍ବାରା ମୁଁ କାମକୁ ଯିବା ପୂର୍ବରୁ ମୋ ପିଲାର ଯତ୍ନ ନେଇ ପାରିବି । ମୁଁ ଶୀଘ୍ର ଉଠେ । ଜଳଖିଆ, ମଧ୍ୟାହ୍ନ ଭୋଜନ ରାନ୍ଧେ ଏବଂ କାମକୁ ଯିବା ପୂର୍ବରୁ ମୋ ପିଲାକୁ ଶୁଆଇଦେଇ ଯାଏ । ମୌସମଙ୍କ କାର୍ଯ୍ୟ ଏବଂ ପରିବାର ପାଇଁ ତତ୍ପରତା ବର୍ତ୍ତମାନ ତାଙ୍କ ଶାଶୁଘର ଏବଂ ସାଙ୍ଗମାନେ ମଧ୍ୟ ଗର୍ବିତ ଅନୁଭବ କରୁଛନ୍ତି । ତାଙ୍କ ଶାଶୁଘର ଲୋକ କୁହନ୍ତି ଯେ ବର୍ତ୍ତମାନ ତାଙ୍କ ବୋହୂ ପୋଲିସରେ ଅଛି ବୋଲି ସେମାନେ ଗର୍ବିତ । ବର୍ତ୍ତମାନ ସେମାନେ ଦେଖୁଛନ୍ତି କି କରୋନା ଭାଇରସ୍ ମୁକାବିଲା କରିବାରେ ସ୍ବାସ୍ଥ୍ୟ କର୍ମୀ, ଡାକ୍ତର ଏବଂ ପୋଲିସ କିପରି ଜଡିତ ଅଛନ୍ତି । ପୋଲିସ ୟୁନିଫର୍ମ ପ୍ରତି ଚିନ୍ତାଧାରାର ଏହି ପରିବର୍ତ୍ତନ ମୋତେ ମୋର କାର୍ଯ୍ୟକୁ ଭଲ ଭାବେ କରିବାରେ ଏବଂ ଏହାକୁ ଗୁରୁତ୍ବ ଦେବାରେ ସାହାଯ୍ୟ କରିଛି ବୋଲି ମୌସମ କୁହନ୍ତି ।

   Related Posts