ବାଲିତୁଠ୧୨/୭: ପାରାଦୀପ ଉପକଣ୍ଠ ଚଟୁଆ ପଞ୍ଚାୟତର ଗୋଟିଏ ପରିବାରର ଦମ୍ପତି କରୋନା ପଜିଟିଭ୍ ଜଣାପଡିବା ପରେ ଉକ୍ତ ପରିବାରର ବାକି ୫ ଜଣ ସଦସ୍ୟଙ୍କୁ ସଙ୍ଗରୋଧ କେନ୍ଦ୍ରକୁ ପଠାଇ ଦିଆଯାଇଛି। ସୂଚନା ମୁତାବକ, ପରିବାରର ଦୁଇଜଣ ସଦସ୍ୟ ମୁମ୍ବାଇରେ ରହି କାମ କରୁଥିଲେ। ଗତ ୩ ତାରିଖରେ ସେମାନେ ମୁମ୍ବାଇରୁ ଆସି ଗାଁରେ ପହଁଞ୍ଚିଥିଲେ। ସେମାନଙ୍କୁ ତୁରନ୍ତ ନୂଆଗାଁ କ୍ବାରେଣ୍ଟାଇନ୍ ସେଣ୍ଟରକୁ ପଠାଯାଇଥିଲା। ଉଭୟଙ୍କ ସ୍ବାବ୍ ପରୀକ୍ଷା ପାଇଁ ଯାଇଥିବା ବେଳେ ପଜିଟିଭ୍ ଆସିଥିଲା। ଉଭୟଙ୍କୁ ପାରାଦୀପ କୋଭିଡ୍ ହସ୍ପିଟାଲକୁ ସ୍ଥାନାନ୍ତର କରାଯାଇଥିବା ସୂଚନା ରହିଛି।ଏହାପରେ ଉଭୟଙ୍କ ପରିବାରର ୫ ଜଣ ସଦସ୍ୟଙ୍କୁ ତୁରନ୍ତ କ୍ବାରେଣ୍ଟାଇନ୍ ସେଣ୍ଟରକୁ ନିଆଯାଇଛି।ସେମାନଙ୍କ ସ୍ବାବ୍ ମଧ୍ୟ ପରୀକ୍ଷା ପାଇଁ ପଠାଯିବ। ଚଟୁଆରେ କରୋନା ରୋଗୀ ଚିହ୍ନଟ ପରେ ସ୍ଥାନୀୟ ଅଞ୍ଚଳରେ ଲୋକେ ସଚେତନ ହୋଇଛନ୍ତି।
କୋଲାବିରାରେ ସମାବେଶରେ ବିଧାୟିକାଙ୍କ ଦୃଢୋକ୍ତି, କହିଲ...