ନୂଆଦିଲ୍ଲୀ୨୭/୫: ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ଦେଢ ଲକ୍ଷ ଡେଇଁଛି । ସ୍ବାସ୍ଥ୍ୟମନ୍ତ୍ରାଳୟ ରିପୋର୍ଟ ଅନୁଯାୟୀ ଦେଶରେ ଆକ୍ରାନ୍ତଙ୍କ ସଂଖ୍ୟା ୧ ଲକ୍ଷ ୫୭ ହଜାର ୪୯୦ ଛୁଇଁଛି ।  ଗତ ୨୪ ଘଣ୍ଟା ମଧ୍ୟରେ ରେକର୍ଡ ସଂଖ୍ୟକ ୬ ହଜାର ୩୯୩ଟି ନୂଆ ସଂକ୍ରମଣ ମାମଲା ଚିହ୍ନଟ ହୋଇଛି । ଏହି ସମୟରେ ୧୭୦ ଜଣଙ୍କ ମୃତ୍ୟୁ ହୋଇଛି । ୨୪ ଘଣ୍ଟାରେ ୪ ହଜାର ୯୩୫ ଜଣ ସୁସ୍ଥ ହୋଇଥିବା ମନ୍ତ୍ରାଳୟ ସ୍ପଷ୍ଟ କରିଛି । ଦେଶରେ ଏଯାଏଁ କରୋନା ୪ ହଜାର ୫୨୩ ଜଣଙ୍କ ଜୀବନ ନେଲାଣି । ଆକ୍ରାନ୍ତଙ୍କ ମଧ୍ୟରୁ ୬୭ ହଜାର ୨୮୫ ଜଣ ସୁସ୍ଥ ହୋଇଛନ୍ତି । ଆରୋଗ୍ୟ ହାର ୪୨.୪୫ ପ୍ରତିଶତଙ୍କୁ ବୃଦ୍ଧି ପାଇଛି ।  ଆକ୍ଟିଭ୍ କେସ୍ ରହିଛି ୮୩ ହଜାର ୪ । ଏୟାର୍‌ଇଣ୍ଡିଆର ଦିଲ୍ଲୀ-ଲୁଧିଆନା ବିମାନରେ ଜଣେ ଯାତ୍ରୀ କରୋନା ଭାଇରସ୍ ପଜିଟିଭ୍ ଜଣାପଡ଼ିବା ପରେ ସେଥିରେ ଥିବା ମୋଟ୍ ୪୦ ଜଣଙ୍କୁ କ୍ବାରେଣ୍ଟିନ୍‌ରେ ରଖାଯାଇଛି।