ମସ୍କୋ, ୦୯।୧୧: ସାରା ବିଶ୍ୱରେ ପ୍ରଦୂଷଣ ବୃଦ୍ଧି ପାଇବାରେ ଲାଗିଛି । ଏହାମଧ୍ୟରେ ଋଷରେ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଏଠାରେ ପଦୂଷଣ ସ୍ତର ଏତେ ମାତ୍ରାରେ ଅଧିକ ରହିଛି, ଯାହା ଫଳରେ ଏକ ନଦୀର ରଙ୍ଗରେ ପରିବର୍ତ୍ତନ ଘଟିଛି । ନଦୀର ରଙ୍ଗ ନାଲି ହୋଇଯାଇଛି । ପ୍ରକୃତରେ ନଦୀର ପାଣି ବିଷାକ୍ତ ହୋଇଯାଇଛି । ବତକମାନେ ମଧ୍ୟ ଏହି ନଦୀର ଜଳରୁ ମୁହଁ ଫେରାଇ ନେଇଛନ୍ତି । ଏହି ନଦୀର ଫଟୋ ଓ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ରଙ୍ଗ ପରିବର୍ତ୍ତନ ହୋଇଥିବା ନଦୀ ହେଉଛି ଇସ୍କିଟିମକା । କିଛି ବିଷାକ୍ତ ଦ୍ରବ୍ୟ ଏହି ନଦୀର ଜଳରେ ମିଶିବା ପରେ ପାଣିର ରଙ୍ଗ ନୀଳରୁ ନାଲି ହୋଇଯାଇଛି । କୌଣସି କେମିକାଲ ପାଇଁ ଏପରି ଘଟିଥିବା ସନ୍ଦେହ କରାଯାଉଛି । କାରଣ ଏହି ନଦୀ କେମେରୋଭୋ ସହର ଦେଇ ପ୍ରବାହିତ । ଏହି ସହରରେ ଅନେକ ଶିଳ୍ପ ଓ କାରଖାନା ରହିଛି । ଏପରି ଖବର ସାମ୍ନାକୁ ଆସିବା ପରେ ସ୍ଥାନୀୟ ପ୍ରଶାସନ ନଦୀ ନିକଟକୁ ଯାଇ ତଦନ୍ତ ଆରମ୍ଭ କରିଛନ୍ତି ।
wp:html/wp:htmlРека Искитимка в Кемерове окрасилась в красный цвет. Причины выясняются.
— #MDK (@mudakoff) November 6, 2020
Нихуя сколько борща сварили?
pic.twitter.com/HkuYnlYJZu
ସ୍ଥାନୀୟ ଲୋକଙ୍କ କହିବାନୁସାରେ, ନଦୀ ଏବେ ଆଉ ଉପଯୋଗୀ ହୋଇ ନାହିଁ । ଏହା କ୍ରାନବେରୀ ଜେଲ୍ଲୀ ଭଳି ହୋଇଯାଇଛି ।
wp:html/wp:htmlWATCH: Another river mysteriously turns red in Russia pic.twitter.com/tyMXQSFCoU
— Markhor Times (@MarkhorTimes) November 8, 2020
ସ୍ଥାନୀୟ ପ୍ରଶାସନର କହିବାନୁସାରେ, ନଦୀର ରଙ୍ଗ କେଉଁ କେମିକାଲ ମିଶିବା ଫଳରେ ଏପରି ହେଲା ତାହାର ତଦନ୍ତ ଚାଲିଛି । ଏଥିପାଇଁ ଯେଉଁମାନେ ଦାୟୀ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ । କାରଣ ସ୍ଥାନୀୟ ଅଞ୍ଚଳରେ ଏହି ନଦୀର ଜଳ ଉପରେ ଅନେକ ନିର୍ଭର କରନ୍ତି ।
ସୂଚନାଯୋଗ୍ୟ, ଇସ୍କିଟିମକା ନଦୀ ପୂର୍ବରୁ ପଶ୍ଚିମ ଋଷରେ ଅବସ୍ଥିତ ନାରୋ-ଫୋମିନ୍ସ ନଦୀର ରଙ୍ଗରେ ମଧ୍ୟ ପ୍ରଦୂଷଣ ପାଇଁ ପରିବର୍ତ୍ତନ ହୋଇଥିଲା ।