Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିନ୍ତା ବଢାଇଲାଣି କରୋନାର ୨ୟ ଲହର : ଆଜି PM-CM ଆଲୋଚନା, କୋଭିଡ -19 ର ସ୍ଥିତି ଏବଂ ଟିକା ବିତରଣ ନେଇ ସମୀକ୍ଷା
  • ||
  • ଚିନ୍ତା ଘାରୁଛି କରୋନା ମୃତ୍ୟୁ, ସେପଟେ ଆଜି ସୁସ୍ଥ ହୋଇ ଘରକୁ ଫେରିଲେ ଆଉ ୯୧୩ ସଂକ୍ରମିତ
  • ||
  • ଚାଷୀଙ୍କୁ କେନ୍ଦ୍ର ସରକାରଙ୍କ ସହାୟତା ନେଇ କେନ୍ଦ୍ରମନ୍ତ୍ରୀଙ୍କ ଟ୍ୱିଟ୍: ଲେଖିଲେ, ଗତ ୬ ବର୍ଷରେ ଓଡ଼ିଶାର ଚାଷୀଙ୍କୁ ୬୦ ହଜାର ୮୩୬ କୋଟି ଟଙ୍କା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟର ୬ ବିଶ୍ବବିଦ୍ୟାଳୟରେ ନୂଆ କୁଳପତି ନିଯୁକ୍ତି: ଜାଣନ୍ତୁ କିଏ, କେଉଁଠି
  • ||
  • ନାବାଳିକାକୁ ଦୁଷ୍କର୍ମ ପରେ ବିଷ ଦେଇ ହତ୍ୟା କରିଥିଲା ସଂପର୍କୀୟ କକା: ଏମିତି ଅଭିଯୋଗ ନେଇ ଜିଲ୍ଲାପାଳଙ୍କୁ ଘେରିଲେ ମହିଳା
  • ||
  • ମାଲକାନଗିରି : ଜମିବାଡି ବିବାଦରୁ ହତ୍ୟାକାଣ୍ଡ ! ହତ୍ୟା କରି ଫିଙ୍ଗିଦେଲେ ଘର ଆଗରେ
  • ||
  • ଭୁବନେଶ୍ବର : ଓଟିଭିରୁ ଇସ୍ତଫା ଦେଲେ ନିହାର ରଞ୍ଜନ ଭୂୟାଁ
  • ||

ଶେଷରେ ପଛକୁ ହଟିଲା ଚୀନ୍ ସେନା: ସେପଟେ ବ୍ରିଟେନ୍ ପ୍ରଧାନମନ୍ତ୍ରୀ କହିଲେ, ୨ ଦେଶ ଉପରେ ରହିଛି ନଜର

25/06/2020 at 6:53 PM

ଲଦାଖ୨୫/୬: ପୂର୍ବ ଲଦାଖର ଗଲୱାନ୍ ଘାଟିରେ ଭାରତ ଚୀନ୍‌ ମଧ୍ୟରେ ଲାଗିଥିବା ଉତ୍ତେଜନା ଧିରେ ଧିରେ କମିବାରେ ଲାଗିଛି । ଯେଉଁଠାରେ ଦୁଇ ଦେଶରର ସେନା ମଧ୍ୟରେ ରକ୍ତାକ୍ତ ସଂଘର୍ଷ ଘଟିଥିଲା ସେହି ସ୍ଥାନରୁ ଆଜି ଚୀନ୍‌ ସେନା ପାଖାପାଖି ଏକ କିଲୋମିଟର ଦୂର ହଟିଯାଇଥିବା ସାଟେଲାଇଟ୍ ଚିତ୍ରରୁ ଜଣା ପଡିଛି । ସେପଟେ ଅନ୍ୟ କେତେକ ସୁତ୍ରରୁ ଜଣାପଡିଛି ଚୀନ୍‌ ଏଣେ କଥାବାର୍ତ୍ତା ଜାରି ରଖିଛି ସେପଟେ ସୀମାରେ ସୈନ୍ୟ ଠୁଳ ଅଭ୍ୟାସ ଛାଡ଼ିନି।

ଶେଷରେ ପଛକୁ ହଟିଲା ଚୀନ୍ ସେନା । ପୂର୍ବ ଲଦାଖ ଗଲୱାନ୍ ଘାଟିରେ ଚୀନ୍‌ ସେନା ପାଖାପାଖି ଏକ କିଲୋମିଟର ପଛକୁ ହଟିଥିବା କୁହାଯାଉଛି । ଘାଟିର ଯେଉଁ ସ୍ଥାନରେ ଭାରତ ଓ ଚୀନ୍‌ ସେନା ମଧ୍ୟରେ ରକ୍ତାକ୍ତ ସଂଘର୍ଷ ଘଟିଥିଲା ସେହି ସ୍ଥାନରୁ ତାର ଯାନବାହାନ ହଟାଇଛି ଚୀନ୍‌ । ଗଲୱାନ୍ ଘାଟିରେ ମଧ୍ୟ ଚୀନ ତାର ସେନା ସଂଖ୍ୟା କମ୍‌ କରିଥିବା ସାଟେଲାଇଟ୍ ଚିତ୍ରରୁ ଜଣାପଡୁଛି । ପ୍ରଥମ ଥର ପାଇଁ ଚୀନ ସେନା ପଛକୁ ହଟିଥିବା କୁହାଯାଉଛି । ଅନ୍ୟ କେତେକ ସୁତ୍ରରୁ ଜଣା ପଡିଛି ଯେ ଏପଟେ ଭାରତ ଚୀନ୍ କଥାବାର୍ତ୍ତା ଜାରି ରହିଥିବା ବେଳେ ସେପଟେ ସୀମାରେ ଚୀନ୍‌ ସୈନିକ ଠୁଳ କରିବାରେ ଲାଗିଛି। ଗଲୱାନ୍ ସହିତ ଦୌଲତବେଗ ଓଲଡି ଅଞ୍ଚଳରେ ଚୀନ ସ୍ଥାୟୀ ବଙ୍କର ନିର୍ମାଣ କରୁଛି ।

ଭାରଚ-ଚୀନ ସୀମାର କେତେକ ସ୍ଥାନରେ ଚୀନ ସେନା ଆଧୁନିକ ଅସ୍ତ୍ରଶସ୍ତ୍ର ସହ ରହିଛି । ସୀମାରେ ଚୀନ ସେନା ସଂଖ୍ୟା ୧୦ ହଜାରରୁ ଅଧିକ ହେବ ବୋଲି କୁହାଯାଉଛି । ସେହିଭଳି ଭାରତ ଓ ଚୀନ୍ ମଧ୍ୟରେ ଲାଗିଥିବା ବିବାଦକୁ ଦେଖି ବ୍ରିଟେନ୍ ପ୍ରଧାନମନ୍ତ୍ରୀ ବୋରିସ୍‌ ଜନସନ୍‌ କହିଛନ୍ତି ଦୁଇ ଦେଶ ମଧ୍ୟରେ ଲାଗିଥିବା ବିବାଦ ବେଶ ଚିନ୍ତାଜନକ । ଉଭୟ କଥାବାର୍ତ୍ତା ମଧ୍ୟରେ ଏହାର ସମାଧାନ କରିବାକୁ ସେ ଅହ୍ବାନ ଦେଇଛନ୍ତି । ଉଭୟ ଦେଶର ସ୍ଥିତି ଉପରେ ବ୍ରିଟେନ୍‌ ନଜର ରଖିଥିବା କହିଛନ୍ତି ।

ସେପଟେ ଚୀନ ଭାରତ ବିବାଦକୁ ନେଇ ବିଜେପି ଓ କଂଗ୍ରେସ ମଧ୍ୟରେ ରାଜନୈତିକ ବୟାନ ବାଜି ବି କିଛି କମ୍‌ ନୁହେଁ । ଉଭୟ ପରସ୍ପରକୁ ଘେରିବାକୁ ଲାଗିଛନ୍ତି । ଆଜି କେନ୍ଦ୍ରୀୟ ମନ୍ତ୍ରୀ ରବିଶଙ୍କର ପ୍ରସାଦ ଏକ ସାମ୍ବାଦିକ ସମ୍ମନିଳନୀ କରି କହିଛନ୍ତି କଂଗ୍ରେସ ଚୀନ ଆଗରେ ନତମସ୍ତକ ହୋଇଛି । କାରଣ ରାଜୀବ ଗାନ୍ଧୀ ଫାଉଣ୍ଡେସନ୍‌କୁ ଚୀନ୍‌ରୁ ଡୋନେସନ୍‌ ମିଳୁଛି । ଯାହାର କଡା ଜବାବ ଦେଇଛି କଂଗ୍ରେସ ।

ଗତ ୧୫ ତାରିଖରେ ଗଲୱାନ୍ ଘାଟିରେ ଦୁଇ ଦେଶର ସେନା ମଧ୍ୟରେ ରକ୍ତାକ୍ତ ସଂଘର୍ଷ ଘଟି ଭାରତର ଜଣେ କର୍ଣ୍ଣେଲକଙ୍କ ସହ ୨୦ ଜଣ ଯବାନ ସହିଦ ହୋଇଥିଲେ । ସେହିଭଳି ଚୀନର ଜଣେ କମାଣ୍ଡିଂ ଅଫିସରଙ୍କ ମୃତ୍ୟୁ ହୋଇଥିବା ଚୀନ୍‌ ବହୁ ଡେରିରେ ମାନିଥିଲା । ତେବେ ତାର ୪୫ ରୁ ଅଧିକ ସୈନିକ ମୃତାହତ ହୋଇଥିବା କୁହାଯାଉଥିଲେ ବି ଚୀନ୍‌ ଏହାକୁ ବୁଲେଇ ବଙ୍କେଇ ସ୍ବୀକାର କରି କହୁଛି ମୃତାହତଙ୍କ ସଂଖ୍ୟା ଏତେ ନୁହେଁ।  

   Related Posts