Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||
  • ନଭେମ୍ବରରୁ ପର୍ଯ୍ୟଟକଙ୍କ ପାଇଁ ଖୋଲିବ ଶିମିଳିପାଳ ବ୍ୟାଘ୍ର ପ୍ରକଳ୍ପ
  • ||

ଏହି ମାସ୍କ ପିନ୍ଧିବାକୁ ବାରଣ କଲେ କେନ୍ଦ୍ର ସରକାର, କାହିଁକି ଜାଣନ୍ତୁ.. 

21/07/2020 at 7:00 PM

ନୂଆଦିଲ୍ଲୀ୨୧/୭:  ଭାଲ୍‌ଭ ରେସ୍ପିରେଟର ଥିବା N95 ମାସ୍କ ରୋକି ପାରୁନି କରୋନା ଭାଇରସ୍। N95 ମାସ୍କ କରୋନା ଭାଇରସ୍ ରୋକିବା ପାଇଁ ସବୁଠୁଁ ଭଲ ମାସ୍କ ବୋଲି କୁହାଯାଉଥିଲେ ହେଁ ଏବେ କିନ୍ତୁ  ବିପରୀତ କଥା ସାମ୍ନାକୁ ଆସିଛି। ଏହା କରୋନା ସଂକ୍ରମଣ ରୋକିବାରେ ବିଫଳ ହେଉଛି । ବିଶେଷ କରି N95 ମାସ୍କରେ ଥିବା ଭାଲ୍‌ଭ ଦେଇ କରୋନା ଭାଇରସ୍ ନାକକୁ ପ୍ରବେଶ କରିପାରୁଛି।  ଯେହେତୁ କରୋନା ଭାଇରସ ବହୁତ ସୁକ୍ଷ୍ମ ସେଥିପାଇଁ N95 ମାସ୍କ ପାଖାପାଖି ୯୫ ପ୍ରତିଶତ ସୁକ୍ଷ୍ମ କଣିକାକୁ ଅଟକାଇବାରେ ସମର୍ଥ ହେଉଥିଲେ ହେଁ କରୋଣା ଭୁତାଣୁ କିନ୍ତୁ ଭାଲ୍‌ଭ ଦେଇ ମଣିଷ ଶରୀରକୁ ପ୍ରବେଶ କରିପାରୁଛି। ରିସର୍ଚ୍ଚରୁ ଏଭଳି ତଥ୍ୟ ସାମ୍ମାକୁ ଆସିବା ପରେ ଭାଲ୍‌ଭ ଥିବା N95 ମାସ୍କ ପିନ୍ଧିବାକୁ ବାରଣ କରିଛନ୍ତି କେନ୍ଦ୍ର ସରକାର। ଏନେଇ ସବୁରାଜ୍ୟ ଓ କେନ୍ଦ୍ର ଶାଶିତ ଅଞ୍ଚଳର ସ୍ବାସ୍ଥ୍ୟ ସଚିବଙ୍କୁ ଚିଠି ଲେଖି ଅବଗତ କରାଇଛି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ।

N95 ମାସ୍କ ପ୍ରଥମେ ସ୍ବାସ୍ଥ୍ୟ କର୍ମୀ ପିନ୍ଧିବାକୁ ପରାମର୍ଶ ଦିଆଯାଇଥିଲା। ଏହା ସେମାନଙ୍କ ପାଇଁ ପିପିଇ -ପର୍ସନାଲ ପ୍ରୋଟେକ୍ସନ ଇକ୍ୟୁପ୍‌ମେଣ୍ଟ ଭାବେ ଧରାଯାଉଥିଲା । କିନ୍ତୁ ଏହାକୁ ସାଧାରଣ ଲୋକ ବହୁଳ ଭାବେ ବ୍ୟବହାର କଲେ। ହେଲେ ଏହି ମାସ୍କ କିଭଳି ବ୍ୟବହାର ହେବ ତାହା ସେମାନେ ଜାଣିଲେ ନାହିଁ।  ଯେଉଁଥିପାଇଁ N95 ମାସ୍କ ବ୍ୟବହାର କରୁଥିବା ଅନେକ ଲୋକ କରୋନା ସକ୍ରମଣରୁ ନିଜକୁ ମୁକ୍ତ ରଖିପାରିଲେ ନାହିଁ।

N95 ମାସ୍କ ଅପେକ୍ଷା କଟନ କପଡ଼ାରେ ମାସ୍କ ପିନ୍ଧିବାକୁ ପରାମର୍ଶ ଦିଆଯାଇଛି। ଏହାସହ ମାସ୍କ ପ୍ରତିଦିନ ଗରମ ଲୁଣ ପାଣିରେ ଧୋଇବା, ଅନ୍ୟ କାହାର ମାସ୍କ ବ୍ୟବହାର ନକରିବା , ଥରେ ବ୍ୟବହାର କଲେ ଦ୍ବିତୀୟ ଥର ବିନା ଧୁଆରେ ନପିନ୍ଧିବା, ପରିବାରରେ ସଦସ୍ୟ ମଧ୍ୟରେ ମାସ୍କ ଅଦଳ ବଦଳ ନକରିବା ଆଦି ପରାମର୍ଶ ଦିଆଯାଇଛି।

   Related Posts