ନୂଆଦିଲ୍ଲୀ ୨୭/୦୨ : ଘରୋଇ ହସ୍ପିଟାଲଗୁଡିକ ପାଇଁ କରୋନା ଭ୍ୟାକସିନ୍ର ଦର ନିର୍ଦ୍ଧାରଣ କରିଛନ୍ତି କେନ୍ଦ୍ର ସରକାର । କୋଭିଡ୍ ଭ୍ୟାକସିନ୍ ପ୍ରତି ଡୋଜ୍ ପିଛା ୨୫୦ ଟଙ୍କା ଧାର୍ଯ୍ୟ କରାଯାଇଛି । ଏହା ସହିତ ଟିକା ପାଇଁ ସର୍ଭିସ୍ ଚାର୍ଜ ୧୦୦ ଟଙ୍କା ରଖାଯାଇଛି । ତେବେ ସରକାରୀ ହସ୍ପିଟାଲଗୁଡିକରେ ଭ୍ୟାକ୍ସିନ୍ ସମ୍ପୂର୍ଣ୍ଣ ମାଗଣାରେ ଦିଆଯିବ ବୋଲି ସୂଚନା ମିଳିଛି ।
ମାର୍ଚ୍ଚ ପହିଲାରୁ ଦେଶରେ ବରିଷ୍ଠ ନାଗରିକମାନଙ୍କୁ ଟିକାକରଣ କରାଯିବ ବୋଲି କେନ୍ଦ୍ର ସରକାରଙ୍କ ପକ୍ଷରୁ ଗାଇଡ୍ଲାଇନ୍ ଜାରି କରାଯାଇଛି । ପର୍ଯ୍ୟାୟ କ୍ରମେ ଦେଶରେ ବରିଷ୍ଠ ନାଗରିକମାନଙ୍କୁ ଭ୍ୟାକସିନ୍ ଦିଆଯିବ ।
