Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନବୀନ @ ୭୬, ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦୀ
  • ||
  • ୭୬ ବର୍ଷରେ ପାଦ ଦେଲେ ନବୀନ, କରୋନା ମହାମାରୀ ପାଇଁ ପାଳିବେନି ଜନ୍ମଦିନ
  • ||
  • ଶାରଦୀୟ ଦୁର୍ଗାପୂଜା ଶେଷ, ଶନିବାର ଧରାପୃଷ୍ଠରୁ ବିଦାୟ ନେବେ ମା
  • ||
  • ହାଟରୁ ଫେରୁଥିବା ବେଳେ ବୃଦ୍ଧାଙ୍କୁ ଗଣଦୁଷ୍କର୍ମ, ଘରେ ଛାଡିଦେବେ କହି ଇଜ୍ଜତ ଲୁଟିଲେ ୮ ସଇତାନ
  • ||
  • କଟକ : କଟକରେ ଏନ୍‌କାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ରାକେଶ ଆହତ
  • ||

ବର ‘ଆମ୍ବ’, କନିଆଁ ସାଜିଥିଲା ‘ଚୁଲ୍‌ବୁଲି ଝିଅ’ ତେନ୍ତୁଳି: ଛପାଯାଇଥିଲା ଓ୍ବେଡିଂ କାର୍ଡ, ବଳଦଗାଡ଼ି​‌ରେ ଆସିଥିଲେ ୪୦୦ ବରଯାତ୍ରୀ

21/09/2021 at 5:41 PM

ସୀତାପୁର ୨୧/୦୯: ବିବାହ ସାଧରଣତଃ ଜଣେ ଯୁବକ ଏବଂ ଯୁବତୀଙ୍କ ମଧ୍ୟରେ ହୋଇଥିାଏ । ଏଥିପାଇଁ ନିମନ୍ତ୍ରଣ କାର୍ଡ ଛପାଇବା ସହ ବନ୍ଧୁ ପରିଜନଙ୍କୁ ନିମନ୍ତ୍ରଣ କରାଯାଏ। ଏହା ବ୍ୟତୀତ ବର୍ଷା ପାଇଁ ବେଙ୍ଗ-ବେଙ୍ଗୁଲୀ ବାହାଘରର ପରମ୍ପରା ମଧ୍ୟ ରହିଛି। କିନ୍ତୁ କେବେ ଶୁଣିଛନ୍ତି ଫଳ ରାଜା ‘ଆମ୍ବ’ ସହ ‘ତେନ୍ତୁଳି’ର ବାହାଘର ? ଏମିତି ସେମିତି ବାହାଘର ନୁହେଁ ବରଂ ବଡ଼ ଧୁମଧାମରେ ବାଜା ରୋଶଣୀ ବାଜି ଆମ୍ବ ଏବଂ ତେନ୍ତୁଳି ବାହାଘର ହୋଇଛି । ଏଥିପାଇଁ ଓେଡିଂ କାର୍ଡ ଛପାଯାଇ ଲୋକଙ୍କୁ ନିମନ୍ତଣ କରାଯାଇଛି। ଉତ୍ତରପ୍ରଦେଶର ସୀତାପୁରରେ ଏହି ନିଆରା ବିବାହ ହୋଇଥିବା ଜଣାପଡ଼ିଛି ।

ବିବାହ ପାଇଁ ନିମନ୍ତ୍ରଣ କାର୍ଡ

କାର୍ଡରେ ଲେଖାହୋଇଛି, ଚିରଞ୍ଜିବୀ ରସାଳ (ଆମ୍ବ) ଏବଂ ଆୟୁଷ୍ମତୀ (ତେନ୍ତୁଳି)ର ବାହାଘର ହେବ। ଏହି ବିବାହ ରବିବାର ଅନନ୍ତ ଚତୁର୍ଦଶୀର ଶୁଭ ମୂହୁର୍ତ୍ତରେ ହୋଇଥିବା ଜଣାପଡ଼ିଛି। ବାହାଘର ପାଇଁ ଛପାଯାଇଥିବା କାର୍ଡରେ ଆମ୍ବକୁ  ‘ଫଳର ରାଜା’ ଏବଂ ତେନ୍ତୁଳିକୁ ‘ଚୁଲବୁଲି ଝିଅ’ ବୋଲି ଲେଖାଯାଇଛି। ମୁସ୍ତଫାବାଦରେ କଥିନା ନଦୀକୁ ପୁନର୍ଜୀବନ ଦେବା ଉଦ୍ଦେଶ୍ୟରେ ରବିବାର ଏହି ବାହାଘର ସମ୍ପନ୍ନ ହୋଇଛି। ବରଯାତ୍ରୀରେ ୪୦୦ ଅତଥି ବଳଦଗାଡ଼ିରେ ଆସିଥିବା ବେଳେ ୫୦ ନବବିବାହିତ ଯୋଡ଼ି ସାମିଲ ହୋଇଥିଲେ।

ଅତିଥିଙ୍କୁ ବଡ଼ ଉପହାର

ବିବାହ ମଣ୍ଡପର ସାଜସଜା ଅତ୍ୟନ୍ତ ମନୋରମ ହୋଇଥିବା ବେଳେ ଅତଥିଙ୍କୁ ପୁରୀ, ତରକାରି, ରାଇତା ଏବଂ ଦହିବରା ଖାଇବାକୁ ଦିଆଯାଇଥିଲା। ବେଦୀ ପାଖରେ ତେନ୍ତୁଳି ଗଛ ରୋପଣ କରାଯାଇଥିଲା। ଝିଅ (ତେନ୍ତୁଳି)କୁ ବିଦା କରିବା ପରେ ଯଥାରୀତି ଯୌତୁକ ଦିଆଯାଇଥିବା ଜଣାପଡ଼ିଛି।

ନିଆରା ବିବାହର ଉଦ୍ଦେଶ୍ୟ

ମୁଖ୍ୟ ବିକାଶ ଅଧିକାରୀ (ସିଡିଓ) ଅକ୍ଷତ ବର୍ମାଙ୍କ ଅନୁସାରେ, ଲୋକେ ବହୁ ଦିନ ଆଗରୁ ଏହି ବିବାହ ପାଇଁ ଯୋଜନା କରିଥିଲେ। ବାହାଘର କରିବା ଦ୍ବାରା କଥିନା ନଦୀର ପୁନରୁଦ୍ଧାର ହୋଇପାରିବ ବୋଲି ଲୋକମାନେ ବିଶ୍ବାସ କରୁଛନ୍ତି। ଏବେ ନଦୀ କୂଳରେ ଲୋକେ ଫଳ ଗଛ ଲଗାଇବାକୁ ମଧ୍ୟ ଯୋଜନା କରୁଥିବା ଅକ୍ଷତ ବର୍ମା କହିଛନ୍ତି।

   Related Posts