Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜଧାନୀ ନାଳରୁ ଛାତ୍ର ନିଖୋଜ ଘଟଣା, ୧୮ଘଣ୍ଟା ପରେ ମିଳିଲା ଜ୍ୟୋତିଙ୍କ ମୃତଦେହ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୬ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୧୦ କୋଭିଡ୍ ପଜିଟିଭ୍
  • ||
  • ବାରବାଟୀରେ ଭାରତ-ଓ୍ୱେଷ୍ଟଇଣ୍ଡିଜ୍ ଟି୨୦ ! ବିସିସିଆଇ ଆପେକ୍ସ ବୈଠକରେ ଲାଗିପାରେ ମୋହର
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩୦ ହଜାରରୁ ଅଧିକ କରୋନା ପଜିଟିଭ୍, ୨୯୬ ମୃତ
  • ||
  • ଭିସୁଟର କୂଳପତି ସମେତ ୨ଛାତ୍ର କୋଭିଡ଼ ପଜିଟିଭ, ସଂଗରୋଧରେ ସମସ୍ତେ
  • ||
  • ବିଦ୍ୟାଭାରତୀଙ୍କର ମିଛଧରା ପରୀକ୍ଷା ଆଜି, ବାହାରିବ କି ସତ ?
  • ||
  • ରାଜଧାନୀ ନାଳରେ ନାବାଳକ ଭାସିଯିବା ଘଟଣା : ଏବେସୁଦ୍ଧା ମିଳିନି ପତ୍ତା, ଉଦ୍ଧାରକାର୍ଯ୍ୟ ଜାରି
  • ||

ସିବିଆଇର ତଦନ୍ତ ଉପରେ ପ୍ରଶ୍ନ ଉଠାଇଲା ବିଜେଡି, କହିଲା- କେବଳ ନିର୍ବାଚନ ପୂର୍ବରୁ ଚେଇଁ ଉଠୁଛି ଏହି ତଦନ୍ତକାରୀ ସଂସ୍ଥା

18/09/2020 at 9:38 PM

ଭୁବନେଶ୍ଵର ୧୮।୦୯: ଦୀର୍ଘ ଦିନର ନିରବତା ପରେ ସକ୍ରିୟ  ହୋଇ ଉଠିଛି ସିବିଆଇ। ଚିଟଫଣ୍ଡ ଦୁର୍ନୀତି ତଦନ୍ତ କରୁଥିବା ସିବିଆଇ ଆଜି ବିଧାୟକ ଦେବୀ ମିଶ୍ରଙ୍କ ଘରେ ରେଡ୍ କରିଛି। ସିବିଆଇର ଏହି ଅଚାନକ ରେଡ୍‌କୁ ନେଇ ରାଜ୍ୟ ରାଜନୀତି ସରଗରମ ହୋଇ ଉଠିଛି। ବିଜେଡି ସିବିଆଇର ଏହି ରେଡ୍‌କୁ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ବୋଲି କହିଛି। ଚିଟ୍‌ଫଣ୍ଡ ଦୁର୍ନୀତି ଓ ସିବିଆଇକୁ ନେଇ ରାଜନୀତି ପୁଣି ଥରେ ତେଜି ଉଠିଛି।  ଏହାକୁ ନେଇ ବିଜେଡି  ପ୍ରତିକ୍ରିୟାଶୀଳ ହୋଇ ଉଠିଛି।

ଗଲା ୭ବର୍ଷ ଭିତରେ ମଝିରେ ମଝିରେ ସିବିଆଇର ଏଭଳି ହଠାତିଆ ଆକ୍ସନ ସାମ୍ନାକୁ ଆସେ । ତେବେ ଏଭଳି ଅସମୟରେ ପୁଣି କରୋନା ମହାମାରୀ ବେଳେ  ହଠାତ୍‌ ସିବିଆଇର ଏଭଳି ରେଡ୍‌କୁ ନେଇ ପ୍ରଶ୍ନ ଉଠିବା ସ୍ବାଭାବିକ । ବିଜୁ ଜନତା ଦଳ ମୁଖପାତ୍ର ଲେନିନ ମହାନ୍ତି ଶାଣିତ ସ୍ଵରରେ ସିବିଆଇର ଏହି କାର୍ଯ୍ୟାନୁଷ୍ଠାନକୁ କଡା ଶବ୍ଦରେ ସମାଲୋଚନା କରିଛନ୍ତି। ସେ କହିଛନ୍ତି ରାଜନୈତିକ ଉଦ୍ଦେଶ୍ୟ ରଖି ଏବଂ କାହାରି ଇସାରାରେ କେନ୍ଦ୍ରୀୟ ତଦନ୍ତକାରୀ ସଂସ୍ଥା(ସିବିଆଇ) କାର୍ଯ୍ୟ କରୁଛି।

ସେ କହିଛନ୍ତି ଏକ ସିବିଆଇର ତଦନ୍ତରେ ଗୋଟିଏ ପାଟର୍ଣ୍ଣ ଦେଖିବାକୁ ମିଳିଛି। ଯେ କୌଣସି ଉପ ନିର୍ବାଚନ ହେଉ କି ସାଧାରଣ ନିର୍ବାଚନ  କିମ୍ବା ପଞ୍ଚାୟତ ନିର୍ବାଚନ ତା ପୂର୍ବରୁ ସିବିଆଇ ତଦନ୍ତ କରୁଛି, ରେଡ୍ ମାରୁଛି ଏବଂ ନୋଟିସ୍ ଜାରି କରୁଛି। ଓଡିଶାବାସୀ ଏହା ଦେଖି ଆଶ୍ଚର୍ଯ୍ୟଚକିତ ଯେ, କେବଳ ଶୋଇ ରହୁଥିବା ସିବିଆଇ ନିର୍ବାଚନ ପୂର୍ବରୁ କେମିତି  ଚେଇଁ ଉଠୁଛି ବୋଲି ଲେନିନ କହିଛନ୍ତି।

ଉଲ୍ଲେଖଯୋଗ୍ୟ, ପୂର୍ବତନ ମନ୍ତ୍ରୀ ଦେବୀ ମିଶ୍ରଙ୍କ ଘରେ  ଆଜି ସିବିଆଇ ରେଡ୍‌ ମାରିଛି । ସି-ସୋର୍‌ ଚିଟ୍‌ଫଣ୍ଡ ମାମଲାରେ ସିବିଆଇ ପକ୍ଷରୁ ଦେବୀ ମିଶ୍ରଙ୍କ ଭୁବନେଶ୍ବର ୟୁନିଟ୍‌-୧ରେ ଥିବା ସରକାରୀ ବାସଭବନ ସହିତ ନରସିଂହପୁର, ଡମକଟାରେ ଥିବା ପୈତୃକ ଘରେ ମଧ୍ୟ ରେଡ୍‌ କରାଯାଇଛି । ସି-ସୋର୍‌ ମହାନଦୀ ପର୍ଯ୍ୟଟନ ପ୍ରକଳ୍ପକୁ ନେଇ ଖୋଳତାଡ଼ କରୁଥିବା ସିବିଆଇ ପୂର୍ବତନ ମନ୍ତ୍ରୀ ଦେବୀ ମିଶ୍ରଙ୍କୁ ୨ଘଣ୍ଟା ଧରି ଜେରା କରିବା ସହ ତାଙ୍କ ଘରୁ କିଛି ଗୁରୁତ୍ବପୂର୍ଣ୍ଣ କାଗଜପତ୍ର ଜବତ କରିଛି ।

ସି-ସୋର ଚିଟଫଣ୍ଡ ଲିଙ୍କ ନେଇ ୨୦୧୩ ମସିହାରୁ ତଦନ୍ତ ଚଳାଇଥିବା ସିବିଆଇ ପୂର୍ବରୁ ମଧ୍ୟ ଦେବୀ ମିଶ୍ରଙ୍କୁ ପଚରା ଉଚରା କରିଥିଲା । ତେବେ ଆଜିର ରେଡ୍‌ ପରେ ପୂର୍ବତନ ମନ୍ତ୍ରୀଙ୍କ କହିବା କଥା ସି-ସୋରକୁ  ମହାନଦୀ ପର୍ଯ୍ୟଟନ ପ୍ରକଳ୍ପ ଦିଆଯିବା ବେଳେ ସେ ପର୍ଯ୍ୟଟନ ମନ୍ତ୍ରୀ ଥିଲେ । ତେବେ ଏ ନିଷ୍ପତି ତାଙ୍କର ନିଜସ୍ବ ନଥିଲା, ସରକାରଙ୍କ ନିଷ୍ପତ୍ତି କାର୍ଯ୍ୟକାରୀ ହୋଇଥିଲା । ତେବେ ସିବିଆଇର ତଦନ୍ତରେ ସେ ଗଲା ୭ବର୍ଷ ହେଲା ସହଯୋଗ କରିଆସୁଛନ୍ତି ।

   Related Posts