Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘଟଗାଁରେ ହାତୀ ଆତଙ୍କ, ଘଉଡାଇବାକୁ ବନ ବିଭାଗର କସରତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୬ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୩ ହଜାରରୁ ଅଧିକ କରୋନା ପଜିଟିଭ୍, ୧୬୪ ମୃତ
  • ||
  • ରାସ୍ତା ଅତିକ୍ରମ ବେଳେ ଧକ୍କା ଦେଲା ଟ୍ରକ, ଚାଲିଗଲା ଜୀବନ
  • ||
  • ଲଘୁଚାପ ପ୍ରଭାବ : ମଙ୍ଗଳବାର ଯାଏଁ ପ୍ରବଳ ବର୍ଷା, ୫୦ କିମି ବେଗରେ ବହିବ ପବନ
  • ||
  • ନୀଳଗିରିରେ ଭାଲୁ ଆତଙ୍କ, ସାଇକେଲରୁ ଟାଣିନେଇ ଯୁବକଙ୍କୁ ଘାଇଲା କଲେ
  • ||
  • ଅଢେଇ କୋଟି ଟଙ୍କାର ବ୍ରାଉନସୁଗାର ଜବତ, ଡାଇମଣ୍ଡ ହୋଟେଲ ମାଲିକ ଅଟକ
  • ||

ଚାଷୀ ସଂଗଠନ ଉପରେ ସୁପ୍ରିମକୋର୍ଟ ଖପ୍ପା, କହିଲେ- ଦିଲ୍ଲୀ ଚାରିପଟେ ଜାମ୍ ଲଗାଇବା ଏବେ କଣ ସହର ଭିତରକୁ ଆସିବାକୁ ଚାହୁଁଛନ୍ତି

1/10/2021 at 9:18 PM

ନୂଆଦିଲ୍ଲୀ ୦୧।୧୦: ନୂଆ କୃଷି ଆଇନ ପ୍ରତ୍ୟାହାର ଦାବିରେ ଆନ୍ଦୋଳନ ଚଳାଇଥିବା ଚାଷୀ ସଂଗଠନ ଉପରେ ସୁପ୍ରିମକୋର୍ଟ ଖପ୍ପା। ଦିଲ୍ଲୀ ସୀମାରେ ଗତ ବର୍ଷେ ଧରି ଆନ୍ଦୋଳନ ଚାଲିଛି । ଦିଲ୍ଲୀକୁ ଯାତାୟତ ମୁସ୍କିଲ ହୋଇ ପଡିଛି । ପୁଣି ଏବେ ଦିଲ୍ଲୀ ଭିତରେ ଜନ୍ତର ମନ୍ତରଠାରେ ପ୍ରଦର୍ଶନ ପାଇଁ ଅନୁମତି ମାଗିଥିଲା  କିଷାନ ମହାମଞ୍ଚାୟତ । ଏହା ଉପରେ ଶୁଣାଣି କରି ସୁପ୍ରିମକୋର୍ଟ କଡ଼ା କଡା ଟିପ୍ପଣୀ ଦେବା ସହ  ଭତ୍ସନା କରିଛନ୍ତି। ସର୍ବୋଚ୍ଚ ଅଦାଲତ କହିଛନ୍ତି, ପ୍ରଦର୍ଶନ ଅଧିକାର ରହିଛି, କିନ୍ତୁ ହାଇୱେ ଜାମ୍ କରି ଲୋକଙ୍କୁ ନାକେଦମ କରିପାରିବେ ନାହିଁ ।

ଜନ୍ତରମନ୍ତରରେ ୨ଶହ ଲୋକଙ୍କୁ ନେଇ ଶାନ୍ତିପୂର୍ଣ୍ଣ ଏବଂ ଅହିଂସକ ପ୍ରଦର୍ଶନ କରିବାକୁ ମଗାଯାଇଥିଲା ଅନୁମତି। ଏହା ଉପରେ କୋର୍ଟ ପଚାରିଛନ୍ତି, ଦିଲ୍ଲୀ ଚାରିପଟେ ଜାମ୍ ଲଗାଇ ସାରା ସହରକୁ ଅଣନିଶ୍ଵାସୀ କରିବା ପରେ ଏବେ କଣ ସହର ଭିତରକୁ ଆସିବାକୁ ଚାହୁଁଛନ୍ତି । ସୀମାରେ ରହୁଥିବା ବାସିନ୍ଦା କଣ ଏଥିରେ ଖୁସି।  ଜାନୁଆରି ୨୬ରେ ଟ୍ରାକ୍ଟର ରାଲି ସମୟରେ ଲାଲକିଲ୍ଲାରେ ହିଂସା ଦେଖାଯାଇଥିଲା । ଏସବୁ ଗତିବିଧି ତୁରନ୍ତ ବନ୍ଦ ହେବା ଆବଶ୍ୟକ ବୋଲି କୋର୍ଟ କହିଛନ୍ତି ।

ଜାତୀୟ ରାଜପଥକୁ କୃଷକମାନେ ଅବରୋଧ କରିଥିବାରୁ ନୋଏଡାରୁ ଦିଲ୍ଲୀ ପହଞ୍ଚିବା ଲାଗି ୨୦ମିନିଟ ବଦଳରେ ୨ଘଣ୍ଟା ଲାଗୁଛି । ଏହା ବିରୋଧରେ ସୁପ୍ରିମକୋର୍ଟରେ ଆବେଦନ କରାଯାଇଛି । ପ୍ରଦର୍ଶନକାରୀ  କିଭଳି ହାଇୱେ ବ୍ଲକ୍ କରି ବସିଛନ୍ତି ବୋଲି ସୁପ୍ରିମକୋର୍ଟ ପ୍ରଶ୍ନ କରିଛନ୍ତି। କୋର୍ଟଙ୍କ ନିର୍ଦ୍ଦେଶ ଲାଗୁ କରିବା ପ୍ରଶାସନର ଦାୟିତ୍ବ । କୋର୍ଟ କିମ୍ବା ସଂସଦରେ ଚର୍ଚ୍ଚା ମାଧ୍ୟମରେ ସମାଧାନର ବାଟ ବାହାରିବା ଆବଶ୍ୟକ ବୋଲି କୋର୍ଟ କହିଛନ୍ତି ।

ଅଗଷ୍ଟ ୨୩ରେ ସୁପ୍ରିମକୋର୍ଟ କହିଥିଲେ, କୃଷକ ଆନ୍ଦୋଳନ କରିପାରିବେ କିନ୍ତୁ ଅନିଶ୍ଚିତକାଳ ପର୍ଯ୍ୟନ୍ତ ରାସ୍ତା ବନ୍ଦ କରିପାରିବେ ନାହିଁ । ସମାଧାନର ବାଟ ବାହାର କରିବାକୁ କେନ୍ଦ୍ର ଏବଂ ରାଜ୍ୟ ସରକାରଙ୍କୁ ମଧ୍ୟ କୋର୍ଟ କହିଥିଲେ । କିନ୍ତୁ ଏଯାଏଁ ଚାଷୀ ନିଜ ଜିଦରେ ଅଟଳ, ପୁଣି ବାରମ୍ବାର ସରକାରଙ୍କ ସହ ଆଲୋଚନା ଫେଲ୍ ମାରୁଛି । ଆଉ ସେପଟେ ଦିଲ୍ଲୀ ସୀମାରେ ନାହିଁ ନଥିବା ଅସୁବିଧା ଭୋଗୁଛନ୍ତି ସାଧାରଣ ଜନତା ।

   Related Posts